"كومسومولسكايا پراۆدا - قازاقستان" گازەتٸنٸڭ باس رەداكتورى ۆيكتور كييانيتسا 57 جاسىندا قايتىس بولدى. الماتى قالاسىنىڭ قوعامدىق دەنساۋلىق باسقارماسى اقپاراتتى راستادى, - دەپ حابارلايدى Tengrinews.kz تٸلشٸسٸ Almaty.tv تەلەارناسىنا سٸلتەمە جاساپ.
ۆيكتور كييانيتسا - "التىن جۇلدىز" كونكۋرسىنىڭ لاۋرەاتى, مەملەكەت باسشىسىنىڭ قىزمەتٸن جان-جاقتى تٷسٸندٸرگەنٸ جەنە جارييا ەتكەنٸ ٷشٸن قازاقستان رەسپۋبليكاسى پرەزيدەنتٸنٸڭ بۇقارالىق اقپارات قۇرالدارى سالاسىنداعى سىيلىعىنىڭ يەگەرٸ (2019), قازاقستان رەسپۋبليكاسى جۋرناليستيكا اكادەميياسىنىڭ اكادەميگٸ.
كييانيتسا ۆيكتور ۆيتالەۆيچ 1964 جىلى 4 شٸلدەدە الماتىدا دٷنيەگە كەلگەن. م.لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸن "جۋرناليستيكا" ماماندىعى بويىنشا تەمامداعان.
ٶزٸنٸڭ جۋرناليستٸك قىزمەتٸن "كومسومولسكايا پراۆدا" گازەتٸنٸڭ تٸلشٸسٸ بولىپ باستاعان. 90-جىلداردىڭ باسىندا قازاقستان جەنە ورتا ازييا بويىنشا "موسكوۆسكيە نوۆوستي" گازەتٸنٸڭ, كەيٸن قازاقستانداعى "وگونەك" جۋرنالىنىڭ تٸلشٸسٸ بولدى. 1997-1998 جىلدارى Gala-TV تەلەكومپانيياسىنىڭ شەف-رەداكتورى قىزمەتٸن اتقاردى, 1998 جىلى "حابار" اگەنتتٸگٸنٸڭ "جەتٸ كٷن" باعدارلاماسىنىڭ جەتەكشٸسٸ بولدى.
1998-1999 جىلدارى كييانيتسا پرەمەر-مينيستردٸڭ باسپاسٶز قىزمەتٸن, سودان كەيٸن نۇرسۇلتان نازارباەۆ بٸلٸم بەرۋ قورىنىڭ قوعامدىق بايلانىستار ورتالىعىنىڭ باسپاسٶز قىزمەتٸن باسقاردى (2000-2001).
"مۇناي جەنە گاز كٶلٸگٸ" جاق قوعاممەن بايلانىس دەپارتامەنتٸن باسقاردى (2001-2002).
2002-2003 جىلدارى قازاقستانداعى "كومسومولسكايا پراۆدا" جشس باس ديرەكتورى بولدى. سودان كەيٸن "قازمۇنايگاز" ۇلتتىق كومپانيياسىنىڭ باسپاسٶز قىزمەتٸندە بٸراز ٷزٸلٸسپەن جۇمىس ٸستەدٸ.
2005 جىلى "سترانا ي مير" گازەتٸنٸڭ باس رەداكتورى بولدى (2005). قازاقستان رەسپۋبليكاسىنىڭ رەسەي فەدەراتسيياسىنداعى ەلشٸلٸگٸنٸڭ كەڭەسشٸسٸ بولدى.
ونىڭ سوڭعى لاۋازىمى "كومسومولسكايا پراۆدا - قازاقستان" گازەتٸنٸڭ باس رەداكتورى ەدٸ.
