"Komsomolskaia pravda - Qazaqstan" gazetiniń bas redaktory Viktor Kiianitsa 57 jasynda qaitys boldy. Almaty qalasynyń Qoǵamdyq densaýlyq basqarmasy aqparatty rastady, - dep habarlaidy Tengrinews.kz tilshisi Almaty.tv telearnasyna silteme jasap.
Viktor Kiianitsa - "Altyn juldyz" konkýrsynyń laýreaty, Memleket basshysynyń qyzmetin jan-jaqty túsindirgeni jáne jariia etkeni úshin Qazaqstan Respýblikasy Prezidentiniń buqaralyq aqparat quraldary salasyndaǵy syilyǵynyń iegeri (2019), Qazaqstan Respýblikasy Jýrnalistika akademiiasynyń akademigi.
Kiianitsa Viktor Vitalevich 1964 jyly 4 shildede Almatyda dúniege kelgen. M.Lomonosov atyndaǵy Máskeý memlekettik ýniversitetin "Jýrnalistika" mamandyǵy boiynsha támamdaǵan.
Óziniń jýrnalistik qyzmetin "Komsomolskaia pravda" gazetiniń tilshisi bolyp bastaǵan. 90-jyldardyń basynda Qazaqstan jáne Orta Aziia boiynsha "Moskovskie novosti" gazetiniń, keiin Qazaqstandaǵy "Ogonek" jýrnalynyń tilshisi boldy. 1997-1998 jyldary Gala-TV telekompaniiasynyń shef-redaktory qyzmetin atqardy, 1998 jyly "Habar" agenttiginiń "Jeti kún" baǵdarlamasynyń jetekshisi boldy.
1998-1999 jyldary Kiianitsa premer-ministrdiń baspasóz qyzmetin, sodan keiin Nursultan Nazarbaev Bilim berý qorynyń qoǵamdyq bailanystar ortalyǵynyń baspasóz qyzmetin basqardy (2000-2001).
"Munai jáne gaz kóligi" JAQ qoǵammen bailanys departamentin basqardy (2001-2002).
2002-2003 jyldary Qazaqstandaǵy "Komsomolskaia pravda" JShS bas direktory boldy. Sodan keiin "QazMunaiGaz" ulttyq kompaniiasynyń baspasóz qyzmetinde biraz úzilispen jumys istedi.
2005 jyly "Strana i mir" gazetiniń bas redaktory boldy (2005). Qazaqstan Respýblikasynyń Resei Federatsiiasyndaǵy elshiliginiń keńesshisi boldy.
Onyń sońǵy laýazymy "Komsomolskaia pravda - Qazaqstan" gazetiniń bas redaktory edi.
