پارلامەنت دەپۋتاتى بولۋ – حالىقتىڭ مۇڭ-زارىن ەسكەرٸپ, مٷددەسٸن كٶزدەيتٸن قولداۋشىسى بولۋ ەكەنٸ ەلميساقتان بەلگٸلٸ. حالىق سايلاعان سوڭ قابىلداناتىن زاڭداردىڭ ادامداردىڭ مٷددەسٸنە ساي بولۋىن دەپۋتات الدىمەن ەسكەرگەنٸ جٶن. بۇل –بارلىق دەموكراتييالىق قۇرىلىستاردىڭ مٸندەتٸ.
دەموكراتييالىق مەملەكەت دەگەننٸڭ ٶزٸ – حالىقتىق بيلٸك دەگەن سٶز ەكەنٸن مەكتەپ قابىرعاسىنان بٸلەمٸز. ال بٸزدٸڭ مۇراتىمىز – دەموكراتييا ەكەندٸگٸ اتا زاڭىمىزدا جازىلعان. حالىقتىڭ مۇڭ-زارىن جوقتاپ, قۇقى مەن مٷددەسٸن قورعاۋ, تٸلەگٸن ٶكٸمەتكە جەتكٸزۋ, تالاپ-تٸلەگٸن قولدايتىن, اماناتىن ورىندايتىن زاڭنامالىق قۇجاتتار قابىلداۋ ارقىلى دەپۋتاتتار ٶزدەرٸنٸڭ ەسٸمدەرٸن دە حالىق اراسىنا تانىمال قىلادى. تانىمال بولۋ دا دەپۋتات ٷشٸن ٶتە ماڭىزدى, ولاردى حالىقتىق اشىق قايراتكەرلەر (پۋبليچنىي) دەيتٸنٸمٸز دە سودان.
الايدا, بٸزدٸڭ دەپۋتاتتارىمىز وسىنداي تالاپتاردىڭ ٷردٸسٸنەن تابىلىپ وتىر ما دەگەن سۇراققا بٸرجاقتى جاۋاپ ايتا المايسىڭ. ٸلگەشەك ٸزدەيتٸندەر دەپۋتاتتارىمىزدى مٷلدە ٸسكە العىسىز قىلىپ «داۋىس بەرۋ ٷشٸن عانا وتىرعاندار» دەپ شەنەپ تاستايتىنى دا بار. ولاردىڭ سٶزٸنٸڭ دە جانى بار, كٶپتەگەن دەپۋتاتتارىمىز ٷندەمەگەن قالپى ەيتەۋٸر سەسسييانىڭ اياعىنا دەيٸن امان جەتٸپ, كٶزدەن عايىپ بولادى. بٸراق بٸزدە حالىقتىڭ جوعىن جوقتايتىن, مۇڭىن ەسكەرەتٸن دەپۋتاتتار دا, قۇدايعا شٷكٸر, بار. وندايلار ٶزدەرٸنٸڭ بەلسەندٸ ەرەكەتتەرٸمەن كٶرٸنٸپ جٷرەدٸ. ەسٸرەسە, قازاقستان حالىقتىق كوممۋنيستٸك پارتيياسى فراكتسيياسىنان سايلانعاندار بۇل تاراپتا ٷلكەن بەلسەندٸلٸك تانىتۋدا. وسى فراكتسييانىڭ مٷشەسٸ ايقىن قوڭىروۆ, «اق جولدان» مەرۋەرت قازبەكوۆا, «نۇر وتاننان» زاعيپا باليەۆا, نۇرتاي سابيليانوۆ, سەناتتان قۋانىش ايتاحانوۆ, سەرسەنباي ەڭسەگەنوۆ جەنە ت.ب. حالىقشىل دەپۋتاتتاردىڭ ەڭبەگٸن جوققا شىعارۋعا بولمايدى. وسى ٸستە بارىنشا تانىمال بولىپ, قاي كٷندە حالىقتىڭ مۇڭىن باتىل ايتىپ جٷرگەندٸگٸمەن ەستە قالعان بۇرىنعى سەناتور سۆەتلانا جالماعانبەتوۆانى دا قازٸر ساعىنىشپەن ەسكە الاسىڭ. سونداي-اق امانگەلدٸ ايتالى اعامىز دا دەپۋتات بولعاندىعىنىڭ ارقاسىندا حالىققا ەدٸلەتتٸ, بٸلٸكتٸ سٶزٸمەن كەڭٸنەن تانىمال بولعان ەدٸ. ولار ٷكٸمەت ەزٸرلەپ ەكەلگەن زاڭ جوبالارىنىڭ جەتٸمسٸز تۇستارىن باتىل سىناپ, اشىق قارسى شىعاتىن. حالىقتىق ٸس بولعان سوڭ بٸرەۋگە ۇناماي قالارمىن, ەلدەكٸمدەردٸ رەنجٸتٸپ الارمىن دەيتٸن ەسٸرەساقتىقتان ولار مٷلدە اۋلاق ەدٸ.
قازٸر التىنشى شاقىرىلىم ەكٸنشٸ سەسسييادا جۇمىس ٸستەپ جاتىر. دەپۋتتاردىڭ نەگٸزگٸ بٶلٸگٸ «نۇر وتان» پارتيياسىنىڭ تٸزٸمٸمەن سايلانعاندار عوي. ولاردىڭ بٸرازى ٶز ايماقتارىندا بٸر سالانىڭ باسشىلارى, ماماندارى بولىپ, شەنەۋنٸكتٸك ورىنتاقتان اۋىسقاندار. مۇندايلار ەڭبەك تەرتٸبٸنە (ديستسيپليناعا) ەبدەن كەپتەلٸپ, ارتىق-اۋىس پٸكٸردەن, سٶزدەن قاشىپ, باستىققا قاراپ جالتاڭكٶز بولىپ ٷيرەنٸپ قالعاندار. تالقىلانىپ جاتقان زاڭ جوبالارىنداعى كٶزگە تٷسكەن كەمٸستٸكتەردٸ بٸرەۋدٸڭ اياعىن باسىپ كەتۋدەن ساقتانىپ, ايتپاي قالاتىن سەبەبٸ دە سول. سوندىقتان دا سالانىڭ بٸلگٸرٸ دەپ تاڭدالىنعان مامانداردان زاڭ جوباسىن جەتٸلدٸرۋگە پايدا بولماي قالا ما دەپ كٷمەنداناسىڭ. ال ەندٸ سوندايلار حالىقارالىق كەلٸسٸمدەردٸ راتيفيكاتسييالاۋ سيياقتى ٶزگەرٸسسٸز ماقۇلداناتىن زاڭ جوبالارىن تالقىلاعاندا اياق استىنان بەلسەندٸ بولا قالادى. مۇنىسى ەندٸ كٶزگە تٷسۋدٸڭ امالى, ارزان ۇپاي جيناپ, ٶزٸنٸڭ بار ەكەنٸن بٸلدٸرۋ سيياقتى. پلەنارلىق وتىرىستاردى باسقا زالدان كٶرٸپ وتىراتىن جۋرناليستەر بٸزدە مىنانداي دا دەپۋتات بار ەكەن-اۋ دەپ ولاردى جاڭا كٶرٸپ, تاڭىرقاپ قالىپ جاتامىز.
تاعدىردىڭ جازۋىمەن باسىڭا «حالىق قالاۋلىسى» دەگەن باق قونعاندا بارىڭدى سالىپ, حالىقتىق ٸسكە ايانباي كٸرٸسۋ كەرەك قوي. سوندا تانىمال بولىپ, حالقىڭ ەرتەڭ باسىنا كٶتەرەتٸن بولادى, دەگٸڭ كەلەدٸ بٷگٸنگٸ جاڭا دەپۋتاتتارعا. دەپۋتاتتىڭ پارىزى دا سول – حالىقتىڭ مۇڭىن ايتۋمەن, مٷددەسٸن قورعاۋمەن تانىمال بولۋ عوي.
جاقسىباي سامرات,
ۇلت پورتالى
