ەسكەري ماماندىقتارعا قاتىستى «ارمييا ويىندارى – 2017» حالىقارالىق جارىسى شەڭبەرٸندە رەسەي فەدەراتسيياسىنىڭ «الابينو» پوليگونىندا 29 شٸلدە – 12 تامىز ارالىعىندا ٶتكەن «تانك بياتلونى – 2017» سايىسىندا قر قك قۇرلىق ەسكەرٸنٸڭ تانك ەكيپاجدارى العاشقى كەزەڭنەن-اق توپتى جاردى.
جاۋىنگەرلٸك كٶلٸكتٸ جٷرگٸزۋدەن, تٷرلٸ قاشىقتىقتاعى نىسانالاردى جويۋدان, تانكٸگە قارسى ٶتكەلدەر مەن بٶگەتتەردەن ٶتۋدەن دە الدىنا جان سالمادى. ەكٸ اپتاعا سوزىلعان «تانك بياتلونى – 2017» سايىسىنىڭ فينالىندا قر قك قۇرلىق ەسكەرٸنٸڭ 1-شٸ ەكيپاجى 36 مينۋت 07 سەكۋندتا, 2-شٸ ەكيپاجى 37 مينۋت 06 سەكۋندتا, 3-شٸ ەكيپاجى 32 مينۋت 28 سەكۋندتا مەرەگە جەتتٸ. جالپى ۋاقىتى 1 ساعات 45 مينۋت 41 سەكۋند نەتيجەسٸمەن ەلٸمٸزدٸڭ ٷزدٸك تانكٸشٸلەرٸ ەكٸنشٸ ورىندى يەلەندٸ.
اعا سەرجانت ەراسىل جۇماعۇلوۆ: «بيىلعى بياتلوندا بەس تٷرلٸ تانك, اتاپ ايتقاندا رەسەي ت-72ب3مك, قىتاي Type 96, ٷندٸستان ت-90 جەنە بەلورۋس ٶز تانكٸلەرٸن, قالعان 15 مەملەكەت رەسەيدٸڭ ت-72 تانكٸسٸن تٸزگٸندەدٸ. رەسەي تانكٸسٸندە 1200, بەلارۋس تانكٸسٸندە 1130, ال بٸزدٸڭ تانكٸدە 840 اتتىڭ كٷشٸ بار ەكەنٸن ەسكەرٸڭٸز. سوعان قاراماستان تانكٸگە قارسى ٶتكەلدەردەن, سۋلى شۇڭقىرلاردان, كەدەرگٸلەردەن, مينالى-جارىلىس پەن سوققى بەرۋ بٶگەتٸنەن, تٶبە مەن سوقپاق كٶپٸردەن سٷرٸنبەي ٶتتٸك. ەلدٸڭ نامىسى – ەردٸڭ نامىسى. ٷزدٸك ٷشتٸككە ٸلٸنۋ ٷشٸن كەسٸبي شەبەرلٸگٸمٸزدٸ سالدىق».
اعا سەرجانت دۋمان بايجانوۆ: «بيىل تانك بياتلونىنا قاتارىنان بەسٸنشٸ جىل باردىم. ەرينە, العاش قاتىسقان 2013 جىلعىمەن سالىستىرعاندا حالىقارالىق جارىستىڭ دەڭگەيٸ اناعۇرلىم ٶسكەن. قاتىسۋشى مەملەكەت ەسكەريلەرٸنٸڭ جاۋىنگەرلٸك ەزٸرلٸگٸ دە كٷشەيگەنٸ كٶرٸنٸپ تۇر. بيىلعى دوداعا رەسەي, قازاقستان, قىرعىزستان, قىتاي, ۆەنەسۋەلا, انگولا, بەلارۋس, يران, ەزەربايجان, زيمبابۆە, ارمەنييا, موڭعولييا, ٷندٸستان, سەربييا, كۋۆەيت, نيكاراگۋا, تەجٸكستان, ۋگاندا, لاوس سەكٸلدٸ بارلىعى 19 مەملەكەت قاتىستى. ٶزگەشەلٸگٸ سول, بٶگەتتەر اۋىسىپ, ايىپ تۇراقتارى كٶبەيگەن. ٶز باسىم ٷندٸستان, بەلورۋس, رەسەي, قىتاي تانكٸشٸلەرٸنٸڭ جاقسى دايىندالىپ كەلگەنٸن بايقادىم».
اعا سەرجانت رۋستام مولداشەۆ: «شىنىن ايتۋ كەرەك, بٸرٸنشٸ اينالىمدا جىلدامدىقتى, ەكٸنشٸ اينالىمدا 125 مم 2ا46م زەڭبٸرەگٸنەن 1600 مەتر, 1700 مەتر, 1800 مەتر قاشىقتىقتا ورنالاسقان نىساناعا, ٷشٸنشٸ اينالىمدا زەنيتتٸك پۋلەمەتتەن 900 مەتر قاشىقتىقتا ورنالاسقان 25-شٸ جەنە 11-شٸ نىساناعا, تٶرتٸنشٸ اينالىمدا تانكٸلٸك كالاشنيكوۆ پۋلەمەتٸنەن 600 مەتر, 700 مەتر, 800 مەتر قاشىقتىقتا ورنالاسقان 3-شٸ جەنە 9-شى نىساناعا وقتى دەل تيگٸزۋ وڭايعا تٷسپەدٸ. فينالدا دا تٷرلٸ كەدەرگٸلەر قويىلعان تٶرت شاقىرىمدى ٷش مەرتە اينالىپ ٶتۋ جەڭٸل بولمادى. تانك بياتلونى سايىسى – كوماندالىق جۇمىس قوي. تانك كومانديرٸنٸڭ, نىساناشى-وپەراتوردىڭ, مەحانيك-جٷرگٸزۋشٸنٸڭ اۋىزبٸرشٸلٸگٸنٸڭ ارقاسىندا جەڭٸسكە قول جەتكٸزدٸك. ەكٸنشٸ بولىپ مەرەگە جەتسەك تە, سەنبەدٸك. «تانك بياتلونى – 2017» سايىسىنىڭ جەڭٸمپازى دەپ سالتاناتتى تٷردە جارييالاماعانشا جەڭٸمپاز ەكەنٸمٸزدٸ سەزٸنبەدٸك. كەۋدەمٸزدٸ قۋانىش كەرنەپ, ەلٸمٸزگە جٷلدەمەن ورالدىق».
