برينجاكتىڭ ايتۋىنشا, قازٸر كيەۆتەن كٶپ ادام كەتٸپ جاتىر.
"كيەۆتٸڭ بارلىق كٶشەسٸندە كەپتەلٸس. قازٸر مەن مەتروعا بارا جاتىرمىن. كٶشەدە بٸرەۋلەر چەمودانمەن كەتٸپ بارادى, بٸرەۋلەر يتتەرٸن قىدىرتىپ جٷر. ەرينە, دٷربەلەڭ بار. سەبەبٸ, بانكوماتتاردا كەزەكتە تۇرعان ادام كٶپ. حاركوۆتا دا وسىنداي جاعداي. دوستارىم ادامدار جاپپاي كەتٸپ جاتقانىن جازدى. كيەۆ مەرٸ كەز كەلگەن ۋاقىتتا قورعاناتىن جەرگە كٸرۋ ٷشٸن چەمودان دايىنداپ قويۋدى ٶتٸندٸ", - دەپ قوستى ول.
ەكاتەرينا كاباكوۆا ودەسسا ورتالىعىنا جاقىن جەردە تۇرادى. ول بٷگٸن جارىلىس دىبىسىنان ەرتە ويانعانىن ايتادى.
"بٷگٸن تاڭعى ساعات 5.00-دە جارىلىس دىبىسىنان وياندىم, ورتالىقتان الىس ەمەس جەردە تۇرامىن. ەسكەرلەر ستراتەگييالىق نىساندارعا وق جاۋدىردى دەگەن اقپارات بار. ودەسسا, كيەۆ, حاركوۆ قالالارىندا جارىلىس بولدى. سيرەنالار قوسىلماعان. بٸز ەلٸ ٷيدە وتىرمىز, قازٸرشە تىنىش. ارى قاراي نە ٸستەۋ كەرەك بٸلمەيمٸن, تٷسٸنٸكسٸز. مەن قۇجاتتاردى جاقىن جەرگە دايىنداپ قويدىم. ۋكراينا ٷستٸمەن ۇشۋ توقتاتىلدى", - دەدٸ ول.
كاباكوۆا ودەسسادا سوعىس جاعدايى ەنگٸزٸلگەنٸن, قالادا دەسانتتىق ەسكەرلەر ورنالاسقانىن ايتتى.
"رەسەي دحر مەن لحر مويىنداعاننان كەيٸن بٷكٸل ۋكرايناداعى سيياقتى ودەسساداعى ٶمٸر ٶزگەردٸ. حالىقتا مازاسىزدىق پەن ٷرەي پايدا بولدى. قازٸر ەسكەردە تۋىستارى بار نەمەسە ەسكەري جاستاعى تۋىستارى بار حالىق قاتتى الاڭداپ وتىر.
قالا بيلٸگٸنەن قوسىمشا جارلىقتار بولعان جوق. ەر ادامدار ٶزدەرٸ اۋماقتىق قورعانىس وتريادتارىنا جازىلىپ جاتىر. ولار رەزەرۆكە قويىلادى, ياعني تٶتەنشە جاعداي نەمەسە ەسكەري جاعداي ەنگٸزٸلسە, وسى وترياد بارادى. ولار قالانى كٷزەتەدٸ. جازىلعاندار ٶتە كٶپ, بٸراق ولار جاي عانا رەزەرۆتە تۇر. جاقسى جاڭالىق بومبادان جاسىرىناتىن جەرلەردٸڭ تٸزٸمٸ ايتىلدى. ەگەر بٸردەڭە بولسا, ادامدار قايدا بارۋ كەرەكتٸگٸن بٸلەدٸ. جالپى كٶڭٸل كٷي تۇراقسىز, ۋايىمعا تولى", - دەپ قوستى ول.
ال, جەرگٸلٸكتٸ Telegram ارنالارى ودەسساداعى جانار-جاعارماي قۇيۋ بەكەتتەرٸندە كەزەك كٶپ ەكەنٸن حابارلادى. بانكوماتتاردان 1000 گريۆەن عانا الۋعا بولادى, ول جاقتا دا تولاسسىز كەزەك. مەكتەپتەر قاشىقتان وقىتۋ رەجيمٸنە اۋىستى.
