قازٸرگٸ "تاليبان" (قازاقستاندا تەرروريستٸك ۇيىم دەپ تانىلىپ, تىيىم سالىنعان) 20 جىل بۇرىنعىدان ٶزگەشە: اۋعانستاندا بيلٸككە قول جەتكٸزگەن تەلٸپتەر ادام قۇقىعىن, ونىڭ ٸشٸندە ەيەلدەردٸ قورعاۋعا, ەشكٸمنەن كەك الماۋعا جەنە جالپى كٷشتٸ يسلام مەملەكەتٸن قۇرۋ ٷشٸن ٶتكەننٸڭ بارلىق قاتەسٸن ەسكەرۋگە ۋەدە بەرەدٸ. مۇنداي مەلٸمدەمەنٸ كابۋلدى باسىپ العاننان كەيٸن "تاليبان" قوزعالىسىنىڭ العاشقى باسپاسٶز كونفەرەنتسيياسىندا توپتىڭ رەسمي ٶكٸلٸ زابيحۋللا مۋدجاحيد جاسادى, - دەپ حابارلايدى Tengrinews.kz تٸلشٸسٸ Daily Mail باسىلىمىنا سٸلتەمە جاساپ.
مۋجاحيدتٸڭ ايتۋىنشا, اۋعانستاندا يسلام ەرەجەسٸ بولسا دا, تەلٸپتەر ەيەلدەر قۇقىعىن قۇرمەتتەيتٸن بولادى. 1996-2001 جىلدار ارالىعىندا كٶشەدە ۇرىپ-سوعىپ, كٶپشٸلٸك الدىندا ٶلٸم جازاسىنا كەسٸلگەن, جۇمىستان, مەديتسينالىق كٶمەك پەن بٸلٸم الۋعا, سونداي-اق ەر ادامسىز ٷيدەن شىعۋعا تىيىم سالىنعان.
باسپاسٶز مەسليحاتى كەزٸندە ولاردىڭ قىزدارعا مەكتەپتەردە, ال ەيەلدەرگە جوعارى وقۋ ورىندارىندا بٸلٸم الۋىنا رۇقسات بەرگٸسٸ كەلەتٸنٸ بەلگٸلٸ بولدى.
"20 جىل بۇرىنعى "تاليبان" مەن بٸزدٸڭ ارامىزدا ٷلكەن ايىرماشىلىق بار", - دەدٸ زابيحۋللا مۋدجاحيد.
سونداي-اق, جاڭا ٷكٸمەتتٸڭ قۇرامىنا ەل تۇرعىندارىنىڭ بارلىق فراكتسيياسى مەن ساناتىن, سونىڭ ٸشٸندە ەيەلدەردٸ قوسۋ نيەتٸ ايتىلدى. تەلٸپتەر كابۋلداعى سودىرلاردىڭ شتاب-پەتەرٸندە ۇيىمداستىرىلعان "نامىس بولسا, ٶمٸر قاۋٸپسٸز بولادى" ۇرانىمەن اۋعان ەيەلدەرٸ نارازىلىعىنا جاۋاپ بەردٸ.
تەلٸپتەر جىنىستىق قۇلدىقتى قولدانعانىن مويىندامادى, ٶيتكەنٸ بۇل يسلامعا قايشى. 90-جىلدارى رەجيم كٷرەسۋ ٷشٸن دٸني پوليتسييا قۇردى جەنە سوتتار شەكتەن تىس جازالاردى, سونىڭ ٸشٸندە نەكە ادالدىعىن بۇزدى دەپ ايىپتالعان ەيەلدەردٸ تاسپەن ۇردى.
ريا نوۆوستي مەلٸمەتٸنشە, تەلٸپتەر ولاردىڭ باسشىلىعىمەن ەلگە بەيبٸتشٸلٸك, تۇراقتىلىق پەن ەكونوميكالىق ٶسٸم كەلەدٸ دەپ ۋەدە بەرگەن.
سونداي-اق, تاليبان ٶكٸلٸ اۋعانستان ەسٸرتكٸ ٶندٸرٸسٸن توقتاتاتىنىن ايتتى. بۇل ماقساتقا جەتۋ ٷشٸن ەلگە تۇرعىندارعا باسقا داقىلداردى ٶسٸرۋ مٷمكٸندٸگٸن بەرۋ ٷشٸن حالىقارالىق كٶمەك قاجەت بولادى, دەدٸ "تاليبان" ٶكٸلٸ.
