سۋرەت اشىق دەرەككٶزدەردەن الىندى
"تاليبان" (قازاقستاندا تىيىم سالىنعان ۇيىم - رەد.) يرانعا سوعىس جارييالادى. بۇل تۋرالى "تاليبان" جەتەكشٸسٸ ابدۋلحاميد حوراساني مەلٸمدەگەنٸن حالىقارالىق باق-قا سٸلتەمە جاساپ korrespondent.net سايتى جازدى, - دەپ حابارلايدى Tengrinews.kz سايتى.
جۋرناليستەر مەلٸمەتٸنشە, اۋعانستان مەن يران شەكاراسىندا ۇرىس باستالعان. تاليبان سودىرلارى يران اۋماعىنا قاراي جىلجىپ جاتىر. ەسكەريلەر قازا تاپقانى ايتىلعان.
اۋعانستان شەكاراسىندا سۋ مەسەلەسٸنە قاتىستى جانجال شىقتى. گيلمەند ٶزەنٸ اۋعانستان تاۋلارىنان يراننىڭ سيستان پروۆينتسيياسىنا ٶتٸپ, ٷنەمٸ قۇرعاپ جاتاتىن كٶلگە قۇيادى. سيستان پروۆينتسيياسى قازٸر قۇرعاقشىلىقپەن بەتپە-بەت كەلٸپ وتىر, ال يران تەلٸپتەردٸ ٶزەنگە جاڭا بٶگەتتەر سالىپ, سۋدى بۇرىپ جٸبەردٸ دەپ ايىپتاۋدا.
يراننىڭ Irna اقپارات اگەنتتٸگٸ مەلٸمەتٸنشە, تەلٸپ جاساقتارى تاتۋ كٶرشٸلٸكتٸ ساقتاماي, ساسولي شەكارا بەكەتٸن اتقىلاي باستاعان. پوليتسييا باسشىسى ورىنباسارىنىڭ ايتۋىنشا, تەلٸپتەر حالىقارالىق قۇقىق نورمالارىن مٷلدە ەلەمەي, يراننىڭ وڭتٷستٸك-شىعىسىنداعى شەكارا زاستاۆاسىنا جويقىن شابۋىل جاساعان, بۇل يران شەكاراشىلارىنىڭ قاتاڭ رەاكتسيياسىنا سەبەپ بولعان.
ۇلتتىق پوليتسييا قولباسشىسىنىڭ ورىنباسارى, بريگادا گەنەرالى كاسەم رەزاي سەنبٸدە يراننىڭ اۋعانستان شەكاراسىنا جاقىن زابول اۋدانىنداعى شەكارالىق پولك باقىلاۋىنداعى ساسۋلي زاستاۆاسىنا جاسالعان شابۋىلعا قاتتى الاڭداۋشىلىق بٸلدٸردٸ.
"تەلٸپتەردٸڭ باستاپ اتقىلاۋىنان كەيٸن يران شەكاراشىلارى قاجەتتٸ ەسكەرتۋلەر جاسادى, بٸراق, "ٶكٸنٸشكە قاراي, بٸرنەشە ساعات بۇرىن اتىس قايتا باستالىپ, قاقتىعىستار جالعاستى", - دەدٸ ول.
شەكاراداعى قاقتىعىستاردان كەيٸن ۇلتتىق پوليتسييانىڭ باس قولباسشىسى, بريگادا گەنەرالى احمادرەزا رادان شەكاراشىلارعا نۇسقاۋ بەرٸپ, ولاردان "شەكارانى باتىل جەنە تاباندى تٷردە قورعاۋدى جەنە ەشقانداي بۇزۋ مەن قولسۇعۋعا جول بەرمەۋ" تۋرالى نۇسقاۋ بەرگەن.
