sýret ashyq derekkózderden alyndy
"Taliban" (Qazaqstanda tyiym salynǵan uiym - red.) Iranǵa soǵys jariialady. Bul týraly "Taliban" jetekshisi Abdýlhamid Horasani málimdegenin halyqaralyq BAQ-qa silteme jasap korrespondent.net saity jazdy, - dep habarlaidy Tengrinews.kz saity.
Jýrnalister málimetinshe, Aýǵanstan men Iran shekarasynda urys bastalǵan. Taliban sodyrlary Iran aýmaǵyna qarai jyljyp jatyr. Áskeriler qaza tapqany aitylǵan.
Aýǵanstan shekarasynda sý máselesine qatysty janjal shyqty. Gilmend ózeni Aýǵanstan taýlarynan Irannyń Sistan provintsiiasyna ótip, únemi qurǵap jatatyn kólge quiady. Sistan provintsiiasy qazir qurǵaqshylyqpen betpe-bet kelip otyr, al Iran tálipterdi ózenge jańa bógetter salyp, sýdy buryp jiberdi dep aiyptaýda.
Irannyń Irna aqparat agenttigi málimetinshe, tálip jasaqtary tatý kórshilikti saqtamai, Sasoli shekara beketin atqylai bastaǵan. Politsiia basshysy orynbasarynyń aitýynsha, tálipter halyqaralyq quqyq normalaryn múlde elemei, Irannyń ońtústik-shyǵysyndaǵy shekara zastavasyna joiqyn shabýyl jasaǵan, bul Iran shekarashylarynyń qatań reaktsiiasyna sebep bolǵan.
Ulttyq politsiia qolbasshysynyń orynbasary, brigada generaly Kasem Rezai senbide Irannyń Aýǵanstan shekarasyna jaqyn Zabol aýdanyndaǵy shekaralyq polk baqylaýyndaǵy Sasýli zastavasyna jasalǵan shabýylǵa qatty alańdaýshylyq bildirdi.
"Tálipterdiń bastap atqylaýynan keiin Iran shekarashylary qajetti eskertýler jasady, biraq, "ókinishke qarai, birneshe saǵat buryn atys qaita bastalyp, qaqtyǵystar jalǵasty", - dedi ol.
Shekaradaǵy qaqtyǵystardan keiin ulttyq politsiianyń bas qolbasshysy, brigada generaly Ahmadreza Radan shekarashylarǵa nusqaý berip, olardan "shekarany batyl jáne tabandy túrde qorǵaýdy jáne eshqandai buzý men qolsuǵýǵa jol bermeý" týraly nusqaý bergen.
