ۇلتتىق قوعامدىق سەنٸم كەڭەسٸنٸڭ كەلەسٸ وتىرىسىنا ناقتى نەتيجەمەن كەلۋ ٷشٸن قازٸر جۇمىس ٸستەۋٸمٸز كەرەك. ۇلتتىق كەڭەس مٷشەسٸ قر پرەزيدەنتٸ جانىنداعى ورتالىق كوممۋنيكاتسييالار قىزمەتٸنٸڭ باسشىسى تالعات قاليەۆ بٷگٸنگٸ وتىرىستان كەيٸن وسىلاي پٸكٸر بٸلدٸردٸ, دەپ حابارلايدى قازاقپارات.
«بٷگٸن ٶتە ٶزەكتٸ مەسەلەلەر كٶتەرٸلدٸ. بارلىق جۇمىس توبى بٸردەي بەلسەندٸ جۇمىس جٷرگٸزدٸ. مۇنىڭ الدىنداعى جۇمىس توپتارىنىڭ باسقوسۋىندا تالقىلاۋلار, ديسكۋسسييالار ٶتە قىزۋ ٶتكەن بولاتىن. كٶپتەگەن كونسەنسۋسقا داۋىس بەرۋ ارقىلى كەلدٸك. مەسەلەن, بٸز سايلاۋ تۋرالى, پارتييا تۋرالى زاڭعا ٶزگەرٸس ەنگٸزۋ باعىتىندا جۇمىس جٷرگٸزبەكپٸز. بەرٸ دە پارتييانى تٸركەۋ جۇمىسىن جەڭٸلدەتۋدٸ ماقۇلداپ وتىر. قول جيناۋ ٸسٸندە تەرتٸپ ورناتۋ كەرەك. سەبەبٸ, قازٸرگٸ تسيفرلاندىرۋ كەزەڭٸندە بارلىعىندا ەتسق بار. سول سەكٸلدٸ, بەلكٸم, دەل قازٸرگٸ ۋاقىتتا اۋدان ەكٸمدەرٸن سايلاۋ جٷيەسٸنە ٶتۋ كەزەڭٸ دە كەلٸپ تۇرعانداي. ٶيتكەنٸ, ولار قازٸرگٸ تاڭدا حالىقپەن تٸكەلەي جۇمىس جٷرگٸزٸپ, بيۋدجەتتٸ باقىلاپ وتىر», - دەدٸ ۇلتتىق كەڭەستٸڭ ساياسي رەفورما جٷرگٸزۋ بلوگىنداعى تالعات قاليەۆ.
ونىڭ ايتۋىنشا, باق تۋرالى زاڭدى دا ليبەراليزاتسييالاۋ كەرەك.
«سٶز بوستاندىعىن شەكتەپ, باق-تىڭ دامۋىنا كەدەرگٸ كەلتٸرٸپ تۇرعان تەتٸكتەردٸ جويعىمىز كەلەدٸ. بەلكٸم, دەپۋتاتتاردىڭ قاتىسۋىمەن بەلگٸلٸ بٸر جاۋاپتى مينيسترلٸكتٸڭ جانىنان قانداي دا بٸر جۇمىس توبى قۇرىلۋى مٷمكٸن. ياعني, ول جۇمىس توبى ناقتى بٸز اتاعان زاڭعا ٶزگەرٸس ەنگٸزۋ جۇمىستارىن تالقىلايدى. بٸر سٶزبەن ايتقاندا, كەلەسٸ وتىرىسقا ناقتى بٸر نەتيجەمەن كەلەرلٸك جۇمىس تىندىرىلۋى تيٸس», - دەدٸ تالعات قاليەۆ.
ەسكە سالا كەتسەك, بٷگٸن ەلوردادا ۇلتتىق قوعامدىق سەنٸم كەڭەسٸنٸڭ العاشقى وتىرىسى ٶتتٸ. وتىرىسقا قازاقستان پرەزيدەنتٸ قاسىم-جومارت توقاەۆ قاتىستى.
