«ەدەبيەت» پورتالىنا شىققان سۇلتانحان اققۇلىنىڭ «اباي جولى» رومانى مۇحتار ەۋەزوۆتٸڭ يدەياسى ەمەس» دەگەن شاعىن سۇحباتىنا ەرٸ-سەرٸ بولىپ وتىرمىن.
جارايدى, سۇلتانحاننىڭ ايتىپ وتىرعانى دۇرىس-اق دەيٸك. بٸراق بۇل «دۇرىستىڭ» جاڭالىعى قانداي? وندا تۇرعان نە بار?
بٸرٸنشٸ. ەلەمدٸك ەدەبيەتتەگٸ, عىلىمداعى, مۋزىكاداعى يدەيا اتاۋلىنىڭ توقسان توعىز پايىزى اۆتورىنا تيەسٸلٸ ەمەس. ارىدان, بەينەلەپ ايتقاندا, تٶرت كٸتاپتىڭ, جالعىز المانىڭ نەمەسە بۇلبۇل قۇستىڭ ارقاسى.
بەرٸدەن, دەرەكتەپ ايتقاندا, ەلەم كٶركەمٶنەرٸندەگٸ ەڭ سٷبەلٸ دەگەن دٷنيەلەردٸڭ بەرٸنٸڭ دە «يدەيالىق يەسٸ» بار.
مىسال ٷشٸن لەۆ تولستويدىڭ «سوعىس جەنە بەيبٸتشٸلٸك» رومانى يدەياسىنىڭ ارتىندا سوفيا اندرەەۆنانىڭ (تولستويدىڭ ەيەلٸ) ەكەسٸنٸڭ تۇرعانى ايتىلادى. رومان تۋرالى پٸكٸر بٶلٸسٸپ, جازىسقان حاتتارى دا بار.
گابريەل گارسيا ماركەستٸڭ «جٷز جىلدىق جالعىزدىق» رومانى جازۋشىنىڭ ٶز ەۋلەتٸنٸڭ تاريحى ٸسپەتتەس. شەشەسٸنٸڭ يدەياسى, ونى ٶزٸ دە جازادى.
ۇلى كومپوزيتور فرەدەريك شوپەننٸڭ شىعارمالارىنىڭ بٸرازى جورج ساندتىڭ يدەياسىمەن, قاناتتاندىرۋىمەن تۋعان. مىڭ سان مىسال بار.
ەكٸنشٸ. جاڭاعى شاعىن جازبادا «العاشقى «ابايتانۋشى» ەليحان» دەگەن ەڭگٸمەنٸڭ دە شەتٸ شىعادى. بولسىن, لايىقتى. بٸراق, ەلدەقاشان ايتىلىپ, مويىندالىپ جٷرگەن جايتتاردى قايتارا داۋعا سالۋدىڭ نە قاجەتٸ بار? داۋ قۋساق العاشقى «ابايتانۋشى» كەكٸتاي مەن مٷرسەيٸت بٸكەۇلىنىڭ بٸرٸ بولىپ شىقپاي ما?!.
وسىندايدى دوعارۋ كەرەك. قازاق ەدەبيەتٸ الىپ, گرانيت تاستاردان, مىزعىماستاي بوپ قالانعان عيمارات, پيراميدا تەكتەس. ونىڭ و جەر, بۇ جەرٸنە شي جٷگٸرتٸپ, كٸرپٸشٸن قوپسىتقانىڭمەن, ودان ابايدىڭ دا, مۇحتاردىڭ دا, ەليحاننىڭ دا ەشتەڭەسٸ كەتپەيدٸ. عاسىرلار, جىلدار بويى قالىپتاستقان, قاعازعا تٷسكەن, قاتتالعان, قازاق ەدەبيەتٸنٸڭ اۆانگاردىنا, گەنەتيكالىق كودىنا اينالعان تۇلعالارعا, دٷنيەلەرگە شەي ٸشٸپ وتىرىپ سوقتىعا كەتۋدٸڭ قاجەتٸ جوق.
مەنٸڭشە, سۇلتانحان بٸر ەڭگٸمە ٷستٸندە سۋبەكتيۆتٸ پٸكٸرٸن ايتا سالعان بولار. ەيتپەسە, ول ارعى-بەرگٸ الاش ارىسىن قاعىستىرىپ-سوعىستىراتىن ازامات ەمەس قوي. ودان سەنساتسييا ٸزدەپ, جالاۋلاتۋدىڭ جٶنٸ جوق ەدٸ.
تالعات ەشەنۇلىنىڭ فەيسبۋكتەگٸ جازباسىنان
