فوتو: اشىق دەرەككٶز
تالعات بايسۋفينوۆ قازاقستاننىڭ ۇلتتىق فۋتبول قۇراماسىنىڭ باس باپكەرٸ قىزمەتٸنە تاعايىندالدى. بۇل جٶنٸندە قازاقستان فۋتبول فەدەراتسيياسىنىڭ باسپاسٶز قىزمەتٸ رەسمي تٷردە حابارلادى.
فەدەراتسييا تاراتقان اقپاراتتا تالعات بايسۋفينوۆتىڭ ۇلتتىق قۇرامانىڭ باس باپكەرٸ لاۋازىمىنا كەلگەنٸ ايتىلعان.
ايتا كەتەيٸك, 2025 جىلى بايسۋفينوۆ قازاقستان قۇراماسىن ۋاقىتشا باسقارعان بولاتىن. وسى كەزەڭدە ۇلتتىق كوماندا 2026 جىلعى ەلەم چەمپيوناتىنا ٸرٸكتەۋ اياسىندا بٸرقاتار ويىن ٶتكٸزدٸ. قازاقستان قۇراماسى ليحتەنشتەيندٸ 4:0 ەسەبٸمەن جەڭٸپ, سولتٷستٸك ماكەدونييا جەنە بەلگييا كوماندالارىمەن 1:1 ەسەبٸمەن تەڭ ويىن كٶرسەتتٸ.
تالعات بايسۋفينوۆ بۇعان دەيٸن دە ۇلتتىق قۇرامانىڭ باس باپكەرٸ قىزمەتٸن اتقارعان. ول بۇل مٸندەتتٸ 2016–2017 جەنە 2020–2022 جىلدارى ورىندادى.
ماماننىڭ كلۋبتىق دەڭگەيدە دە تەجٸريبەسٸ مول. ەر جىلدارى «ەسٸل-بوعاتىر» (پەتروپاۆل), «اقسۋ», «ەرتٸس» (پاۆلودار), «اقجايىق» (ورال) كوماندالارىن باسقاردى. سونىمەن قاتار قازاقستاننىڭ جاستار قۇراماسىمەن جۇمىس ٸستەگەن.
فۋتبولشى رەتٸندە تالعات بايسۋفينوۆ «ەرتٸس», «مەتاللۋرگ», «ەڭبەك», «ەكٸباستۇزەتس», «جەتٸسۋ» جەنە «ۆوستوك» كلۋبتارىندا ٶنەر كٶرسەتتٸ.
