الماتى وبلىسىندا شەت ەلدەن جەنە رەسپۋبليكانىڭ تٷكپٸر-تٷكپٸرٸنەن جينالعان سۋرەتشٸلەردٸڭ پلەنەرٸ باستالدى. قازاقستاننىڭ حالىق سۋرەتشٸسٸ ايشا عالىمباەۆانىڭ 100-جىلدىق مەرەيتويىنا ارنالعان كەسٸپقوي سۋرەتشٸلەردٸڭ جۇمىستارىنان جيناقتالعان پلەنەر «تۋعان جەرٸم - تۇعىرىم» دەپ اتالادى.
بيىل قر ش.ۋەليحانوۆ اتىنداعى مەملەكەتتٸك سىيلىعىنىڭ لاۋرەاتى, «قۇرمەت بەلگٸسٸ», «ەڭبەك قىزىل تۋ» وردەندەرٸنٸڭ يەگەرٸ, ەسٸمٸ رەسپۋبليكانىڭ قۇرمەتتٸ التىن كٸتابىنا جازىلعان, قازاقستان ٶنەرٸن دامىتۋعا قوسقانى ٷلەسٸ ٷشٸن, «تارلان» سىيلىعىن العان - ايشا عالىمباەۆانىڭ تۋعانىنا 100 جىل. «تۋعان جەرٸم – تۇعىرىم» حالىقارالىق كەسٸپقوي سۋرەتشٸلەردٸڭ پلەنەرٸ وسى مەرەيتوي قارساڭىندا, «رۋحاني جاڭعىرۋ» باعدارلاماسى اياسىندا ۇيىمداستىرىلىپ وتىر.
شارانىڭ نەگٸزگٸ بٶلٸگٸ تەكەلٸ قالاسىندا ٶتتٸ. 9 قازاننان باستاپ جەتٸسۋ جەرٸنٸڭ ەسەم تابيعاتىن بەينەلەگەن سۋرەتشٸلەردٸڭ ەڭبەگٸنەن 18 قازاندا, تالدىقورعانداعى وقۋشىلار سارايىندا كٶرمە ۇيىمداستىرىلدى. قىلقالام شەبەرلەرٸ ٶزارا تەجٸريبە الماسىپ, كٷزدٸڭ ەسەم بوياۋلارىن بەينەلەگەن پلەنەرگە قىرعىزستان مەن قىتايدان جەنە استانا, الماتى, پاۆلودار قالالارى مەن باتىس قازاقستان وبلىسىنان سۋرەتشٸلەر كەلگەن. الماتى وبلىسىنىڭ قىلقالام شەبەرلەرٸ دە شارادان شەت قالعان جوق.
پلەنەردٸڭ جابىلۋ سالتاناتىنا الماتى وبلىسى ەكٸمٸنٸڭ ورىنباسارى جاقسىلىق ومار قاتىسىپ, سۋرەتشٸلەرگە جىلى لەبٸزٸن بٸلدٸردٸ. ول ٶز سٶزٸندە: «سۋرەتشٸ بولۋ – كەز-كەلگەنگە بۇيىرا بەرمەيتٸن دارىن. ەكٸنٸڭ بٸرٸنىڭ قولىنان كەلمەيتٸن, ٶتە قيىن سالا. سوندىقتان دا, بٸز اينالامىزدا جٷرگەن تالانتتاردى باعالاپ, ولاردىڭ ٶنەرٸن بارىنشا ناسيحاتتاۋعا تيٸسپٸز. شەت ەلدٸك جەنە رەسپۋبليكالىق قىلقالام شەبەرلەرٸن جەتٸسۋ جەرٸنە شاقىرعانداعى ماقساتىمىز دا وسى. ەڭ ەۋەلٸ, جەتٸسۋ ٶلكەسٸنٸڭ باي تابيعاتىندا شابىتتانۋ دا كەرەمەت سەزٸم دەپ بٸلەمٸن!», - دەدٸ.
حالىقارالىق پلەنەرگە قر كٶركەم اكادەميياسىنىڭ پرەزيدەنتٸ, قر سۋرەتشٸلەر وداعىنىڭ الماتى وبلىستىق فيليال ديرەكتورى - ەرمۇحان جٷنٸسحان دا قاتىستى. اكادەميك پلەنەرگە جوعارى باعا بەرە الاتىندىعىن ايتتى. سونداي-اق, ول: «مەن كٶپ ەلدەردە بولدىم. ٶنەردٸڭ بالىن ٸشكەن ەلدەردە دە مۇنداي ەسەم تابيعات بولا بەرمەيدٸ. بٸزدٸڭ تالانتتى سۋرەتشٸلەرگە وسىنداي مٷمكٸندٸك بەرٸلٸپ وتىرعانىنا ريزامىن. جاعداي جاسالعان, كٶرٸنٸسٸ كٶركەم جەردە تاماشا تۋىندى سالماعاندا نە ٸستەيسٸڭ?! بۇل كەلەر ۇرپاققا دا ەستەلٸك بولىپ قالار, ٷلكەن جيىن بولدى. بٸرنەشە سۋرەتشٸ بٸرٸگٸپ, ٷلكەن كارتينا جاسادىق, وسى وبلىسقا تابىستايتىن بولامىز. ٶيتكەنٸ, قازاقستاندىق جەنە شەت ەلدٸك سۋرەتشٸلەردٸڭ باسى كٷندە قوسىلمايدى»,- دەپ اعىنان جارىلدى.
ەسكە سالايىق, قىلقالام شەبەرلەرٸ وسى كٷندەر ارالىعىندا سالعان سۋرەتتەرٸن الماتى وبلىسى «كٶركەمٶنەر گالەرەياسىنىڭ» قورىنا تابىستادى. ەندٸ الماتى وبلىسىنىڭ تۇرعىندارى مەن قوناقتارى پلەنەرگە قاتىسۋشىلاردىڭ ەڭبەكتەرٸن اتالمىش گالەرەيادان تاماشالاي الادى.
