تالدىقورعاندا بالاباقشانىڭ ەكٸنشٸ قاباتىنان قۇلاپ كەتكەن قىزعا قاتىستى تىڭ دەرەكتەر شىقتى. جەلٸدە ۆيدەوباقىلاۋ كامەراسىنىڭ جازباسى جارييالاندى.
ۆيدەودا "قارلىعاش" بالاباقشاسىنىڭ قىزمەتكەرٸ قىزدى كٶتەرٸپ, اشىق تۇرعان تەرەزەنٸڭ الدىنداعى تاقتايعا تۇرعىزادى. تەربيەشٸ ونىڭ جانىنا تاعى بٸر بالانى الىپ كەلەدٸ. ولار تەرەزەنٸڭ الدىنا سىيماي, بٸرٸن-بٸرٸ يتەرە باستايدى دا, قىز موسكيت تورىنا سٷيەنەدٸ. تور سالماقتى كٶتەرە الماي, بالامەن بٸرگە سىرتقا تٷسٸپ كەتەدٸ.
عيماراتتىڭ سىرتىنداعى كامەرادان تٷسٸرٸلگەن تاعى بٸر جازبادا قىزدىڭ ەكٸنشٸ قاباتتان قۇلاعان سەتٸ كٶرٸنەدٸ.
كەشە تالدىقورعان پوليتسيياسىنىڭ ٶكٸلدەرٸ بالانىڭ قۇلاۋ فاكتٸسٸ بويىنشا قىلمىستىق ٸس قوزعالعانىن مەلٸمدەدٸ. قىز وبلىستىق اۋرۋحانانىڭ جان ساقتاۋ بٶلٸمٸندە جاتىر, دەرٸگەرلەر ونىڭ جاعدايىن تۇراقتى اۋىر دەپ باعالاپ وتىر.
ايتا كەتەيٸك, №19 مەكتەپ-گيمنازيياعا قاراستى شاعىن ورتالىقتىڭ ەكٸنشٸ قاباتىنان قۇلاعان بالانىڭ اتا-اناسى سول مەكتەپتە جۇمىس ٸستەيتٸن بولىپ شىقتى.
№19 مەكتەپ-گيمنازيياسىنىڭ ديرەكتورى قايرات سارقىتوۆتىڭ ايتۋىنشا, بالا شاعىن ورتالىققا ەكٸ كٷن بۇرىن عانا قابىلدانعان. ال ەكٸ جاسار قىزدىڭ ەكەسٸ - دەنە تەربيەسٸنٸڭ, ال اناسى - باستاۋىش سىنىپ مۇعالٸمٸ.
«شاعىن ورتالىقتىڭ اشىلعانىنا ون جىل بولدى. تەربيەشٸنٸڭ دە بۇل جەردە جۇمىس ٸستەپ جاتقانىنا 10 جىل ۋاقىت بولعان. ٶتە تەجٸريبەلٸ مامان. وقيعا جايلى باسقا ەشتەڭە ايتا المايمىن. پوليتسەيلەر تەرگەۋ جٷرگٸزٸپ جاتىر»,-دەدٸ قايرات سارقىتوۆ.
