الماتى وبلىسىندا اپاتقا ۇشىراعان سۋ-27 ەسكەري ۇشاعىنىڭ ۇشقىشى وتباسىنا ورالدى. 800 مەتر بيٸكتٸكتەن پاراشيۋتپەن سەكٸرٸپ كەتكەن ەدٸلبەك ىسقاقوۆ دٸن امان. ال قوس بٸردەي قوزعالتقىشى ٸستەن شىققان ۇشاق ادام اياعى باسپايتىن جازىققا بارىپ قۇلاپتى. سوندىقتان اپات ورنىنا ارنايى كوميسسييا تٸكۇشاقپەن جەتكٸزٸلٸپ, تەرگەۋدٸ باستادى. ەندٸ وسى وقيعادان كەيٸن ەلٸمٸزدەگٸ بارلىق سۋ-27 ۇشاقتارى تەكسەرٸلٸپ جاتىر. بۇل جايىندا كتك تەلەارناسى حابارلادى.
بٸر اجالدان امان قالعان ەدٸلبەك ىسقاقوۆتىڭ ايتۋىنشا, كەزەكتٸ وقۋ-جاتتىعۋ بارىسىندا تٸزگٸندەگەن سۋ-27 كٶكتە كەنەتتەن قوزعالتقىشى ٸستەن شىعىپتى. سوندىقتان ول ەڭ الدىمەن ەۋە تەحنيكاسىن قاۋٸپسٸز جەرگە قۇلاتۋدى كٶزدەگەن.
"تٷنگٸ وقۋ-جاتتىعۋ جۇمىستارىن اياقتاپ, تالدىقورعان اەرودرومىنا قونۋعا بەت العاندا ۇشاقتان اقاۋ شىقتى. كٶپ ويلانباستان اينالاسى 30-40 سەكۋند ٸشٸندە ەۋە تەحنيكاسىن اۋىل-ايماقتان الشاقتاۋ جەرگە باعىتتاپ, ٶزٸم سەكٸرٸپ كەتتٸم. ٶيتكەنٸ ەڭ الدىمەن جەردەگٸ حالىقتى ويلادىم. ولارعا قايعى ەكەلگٸم كەلمەدٸ", - دەيدٸ 21751 ەسكەري بٶلٸمشەسٸنٸڭ ۇشقىشى ەدٸلبەك ىسقاقوۆ.
ەدٸلبەك ىسقاقوۆتىڭ اتقىش ۇشاعى ادام اياعى باسپايتىن جازىققا بارىپ قۇلاعان. ۇشقىش بٸردەن باسشىلارىمەن بايلانىس اپات ورنىن ايتىپ بەرٸپتٸ. ال ٶزٸنە 15 مينۋتتان كەيٸن كٶمەك كەلگەن. بٸردەن ەسكەري گوسپيتالعا جەتكٸزٸلگەن ۇشقىشتىڭ ەش جەرٸ زاقىمدانبادى.
"ناۋقاستىڭ شاعىمدارى بولعان جوق. سوعان قاراماستان تەكسەرۋلەردٸڭ بەرٸن جاسادىق. رەنتگەن, ۋزي, لابوراتورييالىق تەكسەرۋلەردەن ٶتكٸزدٸك. بارلىق ماماندارمەن كونسيليۋم قۇرىپ, كٶرٸپ شىقتىق", - دەدٸ تالدىقورعان ەسكەري گوسپيتالٸنٸڭ باستىعى اسقار كٶلباەۆ.
اپاتقا ۇشىراعان ەۋە كەمەسٸ باعىتىن ٶزگەرتپەگەندە, ول ەڭبەك, مويناق اۋىلدارىنىڭ ٷستٸنە قۇلايتىن ەدٸ دەيدٸ ماماندار. سوندىقتان شۇعىل شەشٸم قابىلداي بٸلگەن ۇشقىشتىڭ ەرەكەتٸن ەرٸپتەستەرٸ ەرلٸككە بالاپ وتىر. دەگەنمەن, ەلٸمٸزدٸڭ باس ەسكەري پروكۋراتۋراسى وسى وقيعا بويىنشا قىلمىستىق ٸس قوزعاپ, تەرگەۋ امالدارىن باستاپ كەتتٸ.
"وسى وقيعا بويىنشا باس ەسكەري پروكۋراتۋرامەن قر قك 464 بابى ول "ۇشۋ نەمەسە وعان دايىنداۋ قاعيدالارىن بۇزۋ" بابى بويىنشا قىلمىستىق ٸس قوزعالدى", - دەدٸ قر باس ەسكەري پروكۋراتۋراسىنىڭ رەسمي ٶكٸلٸ جەڭٸس تەمەكوۆ. (دەرەككٶز: كتك)
ال وسىعان دەيٸن بۇرىنعى قورعانىس مينيسترٸ, پارلامەنت سەناتىنىڭ دەپۋتاتى مۇحتار التىنباەۆ تالدىقورعان ماڭىندا ەۋە اپاتىنا ۇشىراعان قازاقستاندىق سۋ-27 ۇشاعىنىڭ قۇلاۋىنىڭ سەبەپتەرٸن اتاعان بولاتىن.
ەسكە سالا كەتەيٸك, كەشە, 21 جەلتوقساندا سۋ-27 جويعىش ۇشاعى اپاتقا ۇشىراعان بولاتىن. "بٷگٸن, 21 جەلتوقساندا تٷن جاعدايىندا وقۋ-جاتتىعۋ ۇشۋىن ورىنداۋ كەزٸندە اۆياتسييالىق وقيعانىڭ سالدارىنان سۋ-27 ۇشاعى اپاتقا ۇشىرادى. ۇشقىش مايور ە.ىسقاقوۆ بار مٷمكٸندٸگٸن سالدى جەنە ۇشاقتى ەلدٸ مەكەننەن الشاق الىپ كەتٸپ, كاتاپۋلتالاندى", - دەلٸنگەن ەدٸ مينيسترلٸكتٸڭ رەسمي پٸكٸرٸندە.
ەسكە سالايىق, دەل وسىنداي اپات بۇعان دەيٸن دە بولعان. 2014 جىلى تالدىقورعان قالاسىنىڭ ماڭىندا تاعى بٸر سۋ-27 قۇلاعان ەدٸ. ول كەزدە دە تٸزگٸندەگٸ ەرلان ناۋانوۆ پەن دەنيس گوربۋنوۆ ۇشاقتى ەلدٸ مەكەننەن الىستاۋ جەرگە الىپ كەتەمٸن دەپ, ٶزدەرٸ اجال قۇشقان.
.jpeg)