تالدىقورعان قالاسىندا اسپان استىنداعى كينوتەاتر اشىلدى, دەپ حابارلايدى "ۇلت اقپارات".
العاشقى كينوتۋىندى ٷلكەن ەكرانعا شىعىپ تا ٷلگەردٸ. قالاداعى ايشىقتى ورىنداردىڭ بٸرٸ «جۋرناليستەر ٷيٸ»-نٸڭ الدىنداعى اۆتوتۇراقتا ۇيىمداستىرىلعان كينوكٶرسەتٸلٸم بۇرىنعىدان ٶزگەرەك بولدى. كٶرەرمەن زالى اۆتوتۇراق بولسا, كەلۋشٸلەر كٶلٸك ٸشٸنە جايعاسىپ, تۋىندىنى تاماشالادى.
كينوتەاتردان ەڭ العاش رەت «قۇنانباي» فيلمٸ كٶرسەتٸلدٸ. سەانس 2 ساعاتقا سوزىلدى. تازا اۋاداعى كينوتەاترعا كٶپتەگەن تۇرعىندار كەلدٸ. فيلم كٶرەرمەندەردٸڭ كٶڭٸلٸنەن شىقتى دەسە بولادى.
بۇقارانىڭ قالاۋىن دٶپ باسىپ, ەرەكشە سىيدى جٷزەگە اسىرۋشىلار الماتى وبلىسىنىڭ ٸشكٸ ساياسات باسقارماسى, «Jetisy Media» كمم-سٸ. يدەيا اۆتورى ەلبوسىن اباي.
«تاز اۋادا ٶتكٸزٸلگەن كينو كٶرسەتٸلٸم كٶپتٸڭ كٶڭٸلٸنەن شىقتى دەپ ويلايمىن. ەلدە ويىن-ساۋىق ورىندارىنىڭ جۇمىسى شەكتەلگەنٸ بەلگٸلٸ. ال وسى شارا ارقىلى تۇرعىندار بٸر ۋاقىت دەمالىپ, ونىڭ ٷستٸنە تاريحقا كٶز جٷگٸرتٸپ, تەلٸم-تەربيە, ٶمٸرگە قاجەتتٸ كەڭەس الدى دەگەن ويدامىن», - دەيدٸ جاس مامان ەلبوسىن اباي.
