قازاقستاندا تٷرلٸ ينتەرنەت پلاتفورمالاردا جۇمىس ٸستەيتٸن تاكسي جٷرگٸزۋشٸلەرٸن ەلەۋمەتتٸك قورعاۋ مەسەلەسٸ قاراستىرىلىپ جاتىر. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ مينيسترٸ تامارا دٷيسەنوۆا ايتىپ بەردٸ, دەپ حابارلايدى قازاقپارات.
«بٸز مۇنى پلاتفورما وپەراتورلارىمەن بٸرگە تالقىلاپ جاتىرمىز. رەسەي قازٸردٸڭ ٶزٸندە تاكسي جٷرگٸزۋشٸلەرٸ ٷشٸن ەلەۋمەتتٸك اۋدارىم جاسايتىن پيلوتتىق جوبانى باستادى, وندا پلاتفورما وپەراتورلارى جۇمىس ٸستەپ جاتىر, مٷمكٸن «ياندەكس» تە بار شىعار. بۇل تٶلەمدەر قىزمەتكەرلەردٸڭ باعدارلاما وپەراتورىنا تٶلەيتٸن قاراجاتى ەسەبٸنەن جٷرگٸزٸلەدٸ», - دەدٸ تامارا دٷيسەنوۆا سەناتتا تٸلشٸلەرگە بەرگەن سۇحباتىندا.
ەڭبەك مينيسترٸ دەل وسىنداي باعدارلاما كورەيادا جەنە قىتايدا جٷزەگە اسىرىلىپ جاتقانىن ايتتى.
«ەۋروپا دا بۇل جۇمىستى باستادى, سوندىقتان قازٸر ولارمەن كەزدەسٸپ, وسى مەسەلەنٸ تالقىلاۋدى باستادىق جەنە ورتاق شەشٸمگە كەلگەندە سٸزدەرگە حابارلايمىز. جالپى العاندا, بۇل جۇمىس جٷرگٸزٸلۋٸ كەرەك, ايتالىق, تاكسي جٷرگٸزۋشٸسٸ كەز كەلگەن ۋاقىتتا جۇمىسسىز قالۋى مٷمكٸن, ال ولارعا كٸم جەردەماقى تٶلەيدٸ? تەحنيكانىڭ اتى تەحنيكا, ٷنەمٸ جول ٷستٸندە جٷرەدٸ, جول-كٶلٸك اپاتىنا ۇشىراسا مٷگەدەك بوپ قالۋى مٷمكٸن, ولار ٷشٸن ەلەۋمەتتٸك ساقتاندىرۋ قورىنا ەش اۋدارىم جاسالمايدى. سوندىقتان وپەراتورلارمەن ەلەۋمەتتٸك قورعاۋ مەسەلەلەرٸن تالقىلاۋىمىز كەرەك», - دەپ تٷسٸندٸردٸ تامارا دٷيسەنوۆا.
