شىمكەنتتٸك پروكۋرورلار بۇعان دەيٸن ۇزاق مەرزٸمگە سوتتالعان «سىرا كورولٸ» توقتار تٶلەشوۆتەن قانشا اقشا ٶندٸرٸلگەنٸن جارييا ەتتٸ. قاداعالاۋ ورگاندارى ٶكٸلدەرٸنٸڭ ايتۋىنشا, كٷنٸ بٷگٸنگە دەيٸن سوتتالۋشىدان مەملەكەت پايداسىنا 1 ملرد 215 ملن تەڭگە تٷسكەن, دەپ حابارلايدى "ۇلت اقپارات".
قالالىق پروكۋراتۋرانىڭ باسپاسٶز قىزمەتٸ حابارلاعانداي, مەملەكەتتٸك سوت ورىنداۋشىسى 2017 جىلدان بەرٸ توقتار تٶلەشوۆتەن مەملەكەت پايداسىنا 1 ملرد 400 ملن تەڭگە ٶندٸرۋٸ كەرەك بولعان.
«ٸس-قۇجاتتاردى زەردەلەۋ نەتيجەسٸندە جشس-نٸڭ جارعىلىق كاپيتالىنداعى اكتيۆتەرٸ رەتٸندە بەرٸلگەن بورىشكەر توقتار تٶلەشوۆكە تيەسٸلٸ مٷلٸكتەرٸ انىقتالدى. الايدا اتالعان مٷلٸكتەرٸنەن ٶندٸرۋدٸ ۇزاق ۋاقىتتان بەرٸ جٷزەگە اسىرا الماعان. قالا پروكۋراتۋراسىنىڭ تٸكەلەي ارالاسۋىمەن مەملەكەتتٸك سوت ورىنداۋشى اتالعان مٷلٸكتەرگە باعالاۋ جٷرگٸزدٸ. نەتيجەسٸندە سوتتىڭ ۇيعارىمى بويىنشا ولار مەملەكەت پايداسىنا بەرٸلدٸ. اتقارۋ ٶندٸرٸسٸنٸڭ اياسىندا سوتتالۋشىعا قاتىستى ٷكٸم ورىندالىپ, جالپى سوماسى 1 ملرد 215 ملن تەڭگەنٸ قۇرايتىن بورىشكەر مٷلكٸنٸڭ بيۋدجەتكە تٷسۋٸ قامتاماسىز ەتٸلدٸ. سوت ٷكٸمٸنٸڭ ەرٸ قاراي ورىندالۋى پروكۋراتۋرانىڭ باقىلاۋىندا بولادى», دەلٸنگەن حابارلامادا.
ەسكە سالايىق, ەل ٸشٸندە «سىرا كورولٸ» اتانىپ كەتكەن سىرا زاۋىتىنىڭ بۇرىنعى قوجايىنى توقتار تٶلەشوۆ 2017 جىلى قىلمىستىق كودەكستٸڭ بٸرنەشە بويىنشا ايىپتى دەپ تانىلعان بولاتىن. ەڭبەكشٸ اۋداندىق سوتى ونى تٷپكٸلٸكتٸ 21 جىل باس بوستاندىعىنان ايىرىپ, جازانى بارىنشا قاتاڭ تٷردە ٶتەۋگە ٷكٸم ەتكەن. سونداي-اق, بۇرىنعى كەسٸپكەردەن مەملەكەت پايداسىنا 1 ملرد 400 ملن تەڭگە ٶندٸرۋدٸ بەلگٸلەگەن ەدٸ.
