شىمكەنتتە تيٸستٸ ليتسەنزيياسى مەن مامان سەرتيفيكاتى بولماعان ەر ادام پلاستيكالىق وتا جاساپ, پاتسيەنتتٸڭ بٸر كٶزٸنٸڭ كٶرۋ قابٸلەتٸنەن ايىرىلۋىنا سەبەپ بولعان. سوت وعان باس بوستاندىعىنان ايىرۋ جازاسىن تاعايىندادى, دەپ حابارلايدى ult.kz.
شىمكەنت پروكۋراتۋراسىنىڭ باسپاسٶز قىزمەتٸنٸڭ مەلٸمەتٸنشە, ەر ادام ەيەلگە زاڭسىز بلەفاروپلاستيكا جاساعان. وپەراتسييادان كەيٸن پاتسيەنت بٸر كٶزٸنٸڭ كٶرۋ قابٸلەتٸن تولىق جوعالتقان.
سوت ونى قازاقستان قىلمىستىق كودەكسٸنٸڭ 322-بابىنىڭ 2-بٶلٸگٸ بويىنشا كٸنەلٸ دەپ تانىپ, 1 جىل 6 ايعا باس بوستاندىعىنان ايىردى.
سونىمەن قاتار سوتتالعان ادامعا ٷش جىل بويى مەديتسينالىق جەنە فارماتسەۆتيكالىق قىزمەتپەن اينالىسۋعا تىيىم سالىندى.
پروكۋراتۋرا ازاماتتاردى مەديتسينالىق قىزمەت كٶرسەتۋشٸنٸڭ ليتسەنزيياسى مەن بٸلٸكتٸلٸگٸن الدىن الا تەكسەرۋگە شاقىردى. ۆەدومستۆونىڭ ايتۋىنشا, تيٸستٸ قۇجاتى جوق ادامدارعا جٷگٸنۋ دەنساۋلىققا اۋىر زارداپ ەكەلۋٸ مٷمكٸن.
