شىمكەنتتە جەكە ٷيدەن ٶرت شىعىپ, سەگٸز بالانىڭ اناسى تٸرٸدەي جانىپ كەتتٸ, دەپ حابارلايدى ult.kz Stan.kz-كە سٸلتەمە جاساپ.
قايعىلى جاعداي قالا ٸرگەسٸندەگٸ قايناربۇلاق شاعىن اۋدانىندا بولعان. پەرزەنتتەرٸنٸڭ كٶز الدىندا وتقا ورانعان انانى امان الىپ قالۋ مٷمكٸن بولمادى. اۋرۋحانادا اجال قۇشقان كەلٸنشەك كٷيەۋٸمەن بٸرگە ٷيدە كٶرپە-تٶسەك تٸگٸپ نەپاقا تاپقان ەكەن.
ٷي اۋلاسىنداعى بەينەكامەراعا جازىلعان بۇل كادرلاردى بەي-جاي قاراۋ مٷمكٸن ەمەس. جالىن ٸشٸنەن جٷگٸرٸپ شىققان كەلٸنشەك دەنەسٸنٸڭ 80%-ىن كٷيٸك شالعانىن دا تٷسٸنبەگەن سەكٸلدٸ. ال دالادا قالعان كٷيەۋٸ ونى قۇتقارامىن دەپ جالاڭ اياق وت كەشٸپ, ەيەلٸنە جٷگٸرە بەرگەنٸن ايتادى.
"ەيەلٸمدٸ قۇتقارا المادىم. ەيەلٸم انا جاقتا جٷرگەن عوي. بٸز ماقتامەن اينالىسامىز. ارپالىسىپ, ەيەلٸمدٸ قۇتقارامىن دەپ وتتى باسا بەرٸپپٸن. قۇتقارا المادىق. 80% كٷيٸپ قالىپتى ەيەلٸم", – دەيدٸ مارقۇمنىڭ كٷيەۋٸ ايدوس بورانباەۆ.
سەگٸز بالاسى بار بورانباەۆتار وتباسى كٶرپە-تٶسەك تٸگٸپ, نەپاقا تاۋىپ وتىرعان. ٷيدٸڭ اۋلاسىنان تسەح اشىپ, جۇمىس ٸستەگەن ەكەن. كۋەگەرلەردٸڭ ايتۋىنشا, الدىمەن ماقتا ٶرتەنٸپ, ساناۋلى ساعاتتار ٸشٸندە باسپانانىڭ كٷللٸ كٶككە ۇشقان.
"ەستٸدٸك تا شاۋىپ كەلدٸك. كەلسەك ٶرتەنٸپ تٷك قالماعان مىنا جەردە. 6-7 توننا ماقتا تٷك جوق. بالالارى سىرتتا جٷرٸپ جانتالاسقان عوي. بٸراق امان. قۇدايعا شٷكٸر. ٷلكەن بالاسىنىڭ مىنا جەرلەرٸ كٷيٸپ ەبٸرجٸپ قالدى", – دەيدٸ وقيعا كۋەگەرٸ ەرجان ىرىسباەۆ.
ٷي ٸشٸندە 39 جاستاعى مارال بورانباەۆا قالىپ قويىپتى. ونى قۇتقارۋعا كٷيەۋٸ عانا ەمەس تۇڭعىش بالاسى دا ۇمتىلعان. 17 جاستاعى جٸگٸت اقىرى اناسىن قىزىل جالىن ٸشٸن الىپ شىعىپتى. الايدا اۋرۋحاناعا جەتكەن سوڭ كەلٸنشەكتٸڭ دەمٸ ٷزٸلگەن.
"ابايسىزدا ادام ٶلiمiنە ەكەپ سوققان قاۋiپسiزدiك تالاپتارىنا ساي كەلمەيتٸن جۇمىستاردى ورىنداۋ نە قىزمەتتەر كٶرسەتۋ" دەرەگٸ بويىنشا پوليتسييامەن قىلمىستىق ٸس قوزعالدى. قازٸرگٸ تاڭدا كەشەندٸ تەرگەۋ ەرەكەتتەرٸ جٷرگٸزٸلۋدە. تەرگەپ-تەكسەرۋ نەتيجەسٸمەن پروتسەسسۋالدىق شەشٸم قابىلداناتىن بولادى", – دەلٸنگەن شىمكەنت قالالىق پوليتسييا دەپارتامەنتٸنٸڭ حابارلاماسىندا.
بٸر سەتتە جان-جارى, باسپاناسى مەن كەسٸبٸنەن ايىرىلعان ايدوس بورانباەۆ سەگٸز بالاسىمەن دالادا قالدى. ەكٸ اياعى كٷيٸپ, جٷرە الماي قالعان ەر ادام جەرگٸلٸكتٸ بيلٸكتەن كٶمەك سۇراپ وتىر.
