شىمكەنتتە اپتاپ ىستىقتىڭ ەسەرٸنەن سارىشاياندار كٶبەيٸپ, جىل باسىنان بەرٸ ولاردىڭ شاعۋىنان 80 ادام مەديتسينالىق كٶمەككە جٷگٸنگەن. بۇل تۋرالى "24KZ" تەلەارناسىنا سٸلتەمە جاساپ ult.kz حابارلايدى.
مامانداردىڭ ايتۋىنشا, سوڭعى ۋاقىتتا ۋلى جەندٸكتەر تۇرعىن ٷيلەردٸڭ اۋماعىندا جيٸ كەزدەسٸپ جٷر. سارىشاياندار اياق كيٸمنٸڭ ٸشٸنە, تٶسەك استىنا, پەردە اراسىنا جەنە ىلعالدى جەرلەرگە تىعىلۋى مٷمكٸن. وسىعان بايلانىستى دەرٸگەرلەر جەكە سەكتور تۇرعىندارى مەن قۇرىلىسى جٷرٸپ جاتقان جاڭا شاعىناۋدانداردا تۇراتىن ازاماتتاردى بارىنشا ساق بولۋعا شاقىردى.
دەرٸگەرلەردٸڭ مەلٸمەتٸنشە, سارىشايان شاققان ادام قاتتى اۋىرسىنۋدى سەزٸنەدٸ. سونىمەن قاتار اياق-قولدىڭ ۇيۋى, باس اينالۋ, ەنتٸگۋ جەنە ەلسٸزدٸك سيياقتى بەلگٸلەر پايدا بولۋى مٷمكٸن. سوندىقتان مۇنداي جاعدايدا دەرەۋ مەديتسينالىق كٶمەككە جٷگٸنۋ قاجەت.
شىمكەنت قالالىق گيپەربارييالىق وكسيگەناتسييا ورتالىعىنىڭ باس دەرٸگەرٸ مادينا ەرماحانبەتوۆانىڭ سٶزٸنشە, سارىشاياندار كەز كەلگەن جەردە كەزدەسۋٸ مٷمكٸن, الايدا ولاردىڭ شوعىرلانۋى كٶبٸنە جەكە تۇرعىن ٷيلەر ماڭىندا بايقالادى.
«شاياندار كەز كەلگەن جەردە كەزدەسۋٸ مٷمكٸن. بۇل ەسٸرەسە جەكە سەكتورداعى تۇرعىن ٷيلەرگە قاتىستى, ٶيتكەنٸ مۇندا وسى بۋىناياقتىلاردىڭ شوعىرلانۋى جيٸ تٸركەلەدٸ. سونداي-اق قۇرىلىس جۇمىستارى ەلٸ جالعاسىپ جاتقان جاڭا اۋدانداردا دا ولار كٶپ كەزدەسەدٸ. مۇنداي جەرلەردە شايان شاعۋ قاۋپٸ جوعارى بولادى. كٶشەدە ولار كٶبٸنە ارىقتار مەن ٶزەندەردٸڭ ماڭىنداعى ىلعالدى ايماقتاردا كەزدەسەدٸ. ادامدار جەرگە وتىرىپ نەمەسە جاتىپ دەمالادى. كەيدە تٶسەنٸشسٸز بولادى. سوندىقتان ەڭ بولماعاندا جينالمالى تٶسەك نەمەسە وسىعان ۇقساس قورعانىس قۇرالدارىن پايدالانعان جٶن», – دەدٸ مامان.
