ٶزٸن سىبايلاس جەمقورلىققا قارسى قىزمەتتٸڭ ٶكٸلٸ دەپ تانىستىرعان بٸرقاتار الاياق ۇستالدى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اعا وفيتسەرٸ دينارا قۇلىمبەتوۆا مەلٸم ەتتٸ, دەپ حابارلايدى قازاقپارات.
«2020 جىلى جەكە قاۋٸپسٸزدٸك دەپارتامەنتٸ لاۋازىمدى تۇلعالاردىڭ ٸس-ەرەكەتتەرٸنە قاتىستى 406 شاعىم مەن ٶتٸنٸشتٸ قارادى, 286 قىزمەتتٸك تەرگەۋ جٷرگٸزدٸ. وسىعان وراي سىبايلاس جەمقورلىققا قارسى قىزمەت قىزمەتكەرلەرٸنٸڭ جۇمىس بابىن پايدا كٶرۋ ماقساتىندا پايدالانۋعا جول بەرمەۋ بويىنشا ٸس-شارانى تۇراقتى نەگٸزدە جٷرگٸزٸپ كەلەدٸ. سونىمەن قاتار, ٶزدەرٸن سىبايلاس جەمقورلىققا قارسى قىزمەتتٸن اتىنان تانىستىراتىن ادامداردىڭ الاياقتىق ەرەكەتتەر جاساۋ فاكتٸلەرٸ ورىن الىپ وتىر», - دەدٸ د. قۇلىمبەتوۆا ونلاين رەجيمدە ٶتكەن بريفينگٸدە.
ونىڭ ايتۋىنشا, 2020 جىلى شٸلدە ايىندا سىبايلاس جەمقورلىققا قارسى قىزمەتتٸڭ قىزمەتكەرٸ بولىپ تانىستارعان نۇر-سۇلتان قالاسىنىڭ تۇرعىنى ۇستالدى. بٸرنەشە رەت الاياقتىق ەرەكەت جاساۋ جەنە اسا ٸرٸ سومادا پارا بەرۋگە يتەرمەلەۋ فاكتٸسٸ بويىنشا جالپى سوماسى 70 ملن تەڭگەدەن اساتىن باسقا ازاماتتىڭ قاراجاتىن الداۋ جولىمەن يەمدەنگەن. سونىمەن قاتار ونىڭ 2014 جىلدان باستاپ اسا اۋىر قىلمىس جاساعانى ٷشٸن مەملەكەتارالىق ٸزدەۋدە ەكەنٸ انىقتالدى.
بۇدان بٶلەك د. قۇلىمبەتوۆا باسقا دا الاياقتىق فاكتٸلەرٸنە توقتالدى.
«2020 جىلى مامىر ايىندا سىبايلاس جەمقورلىققا قارسى قىزمەت قىزمەتكەرلەرٸنٸڭ جالعان قىزمەتتٸك كۋەلٸگٸن پايدالانىپ, قىزىلوردا وبلىسى اۋماعىندا 1 ملن تەڭگەدەن استام سوماعا ازاماتتىڭ مٷلكٸن يەمدەنگەن تٷركٸستان وبلىسى تۇرعىنىنىڭ الاياقتىق ەرەكەتتەرٸنٸڭ جولى كەسٸلدٸ», - دەدٸ ول.
ونىڭ سٶزٸنە قاراعاندا, 2020 جىلى جەلتوقسان ايىندا الماتى قالاسىنىڭ تۇرعىنى الداۋ جولىمەن ٶزٸن سىبايلاس جەمقورلىققا قارسى قىزمەت قىزمەتكەرلەرٸ رەتٸندە تانىستىرىپ, باسقا ازاماتتىڭ سوت ٶندٸرٸسٸندە قىلمىستىق ٸس بويىنشا مەسەلەسٸنە وڭ شەشٸم جاساۋ ٷشٸن 5 ملن تەڭگە سوماسىندا قاراجاتتى يەمدەنگەن. قازٸرگٸ كەزدە الاياقتىق فاكتٸسٸنە قاتىستى سوتقا دەيٸنگٸ تەرگەۋ جٷرٸپ جاتىر.
