«سىباعا» باعدارلاماسىنا بٶلٸنگەن 230 ميلليوننان استام تەڭگەنٸ تالان-تاراجعا سالعان شارۋا قوجالىقتارى انىقتالدى. بۇل تۋرالى قر قم قارجى مونيتورينگٸ كوميتەتٸنٸڭ تٶراعاسى جانات ەليمانوۆ ايتتى, دەپ حابارلايدى قازاقپارات.
«پاۆلودار وبلىسىندا «سىباعا« مەملەكەتتٸك باعدارلاماسى اياسىندا ٸرٸ قارا مال ساتىپ الۋعا سۋبسيدييا تٷرٸندە بٶلٸنگەن 233 ملن تەڭگەنٸ شارۋا قوجالىقتارىنىڭ تالان-تاراجعا سالۋ فاكتٸسٸ انىقتالدى. تەرگەۋ بارىسىندا كٷدٸكتٸلەر 96 ميلليون تەڭگەدەن استام قاراجاتتى قايتاردى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
جانات ەليمانوۆتىڭ اتاپ ٶتۋٸنشە, مۇنداي جەدەل الدىن الۋ شاراسى ٶز تيٸمدٸلٸگٸن كٶرسەتٸپ وتىر. سوندىقتان الداعى ۋاقىتتا مۇناي مەن مۇناي ٶنٸمدەرٸ, شەتەلگە كاپيتالدى زاڭسىز جىلىستاتۋ سالالارىندا كٶلەگەيلٸ اينالىمعا قارسى تۇرۋعا باعىتتالعان الدىن الۋ شارالارى قولعا الىناتىن بولادى.
مۇنان بٶلەك, كوميتەت تٶراعاسى «ماڭعىستاۋمۇنايگاز» قىزمەتكەرلەرٸنە قاتىستى قوزعالعان قىلمىستىق ٸسكە دە توقتالىپ ٶتتٸ.
«ماڭعىستاۋمۇنايگاز» اق قۇقىقتىق قامتاماسىز ەتۋ دەپارتامەنتٸنٸڭ باسشىسى بەيسەنبينگە, ونىڭ ورىنباسارى دەۋلەنباەۆاعا, سونىمەن قاتار ازامات ليسوۆويعا قاتىستى ٸس تەرگەلٸپ جاتىر. ولار جالعان كەلٸسٸمشارتتار جاساۋ ارقىلى 450- ملن تەڭگەدەن استام قارجىنى ۇرلاۋ كٷدٸگٸنە ٸلٸككەن», - دەدٸ جانات ەليمانوۆ.
