ماڭعىستاۋ وبلىسىنىڭ ەكٸمدٸگٸ سۇيىتىلعان گاز باعاسىنىڭ قىمباتتاۋى تۋرالى پٸكٸر بٸلدٸردٸ جەنە جيٸ قويىلاتىن سۇراقتارعا جاۋاپ بەردٸ, دەپ حابارلايدى قازاقپارات.
- سۇيىتىلعان گاز باعاسىنىڭ قىمباتتاۋىنا نە سەبەپ بولدى ?
- 2022 جىلعى 1 قاڭتاردان باستاپ سۇيىتىلعان گاز ٶندٸرۋشٸلەر مۇناي ٶنٸمدەرٸن 100% ەلەكتروندى ساۋدا ارقىلى ساتۋعا كٶشتٸ. بۇل رەتتە رەسپۋبليكا بويىنشا گازدىڭ ورتاشا باعاسى ليترٸنە 110 تەڭگەنٸ, كٶرشٸلەس اتىراۋ وبلىسىندا - 115 تەڭگەنٸ نەمەسە ورالدا - 120 تەڭگەنٸ قۇرايدى.
قازٸرگٸ ۋاقىتتا وبلىس بويىنشا اقىرعى تۇتىنۋشىعا دەيٸنگٸ گاز باعاسى 95-تەن 115 تەڭگەگە دەيٸن اۋىتقىپ تۇر.
- بۇرىن گاز باعاسى 60 تەڭگە بولاتىن. بۇل باعا قايتا ورالۋى مٷمكٸن بە, ەكٸمدٸك گاز باعاسىن رەتتەۋمەن اينالىسا ما?
- 60 تەڭگە مٶلشەرٸندەگٸ بۇرىنعى باعا ەندٸ بولمايدى, ٶيتكەنٸ قازٸر بيرجاداعى گازدىڭ باعاسى تاسىمالداۋ جەنە كەسٸپكەردٸڭ وپەراتسييالىق شىعىستارىن ەسەپكە الماعاندا ليترٸنە 70-85 تەڭگەنٸ كٶرسەتٸپ تۇر. تۇتاستاي العاندا, گازدىڭ باعاسىن نارىقتىڭ ٶزٸ سۇرانىس پەن ۇسىنىسقا قاراي قالىپتاستىراتىن بولادى.
ەكٸمدٸك گاز باعاسىن رەتتەۋگە قاتىسپايدى, ٶيتكەنٸ بۇل تاۋار بەسەكەلەستٸك ورتاعا تيەسٸلٸ.
دەگەنمەن, جەكە كەسٸپكەرلەر تاراپىنان باعانى نەگٸزسٸز كٶتەرۋ فاكتٸلەرٸ تۋىنداعان جاعدايدا قر بەسەكەلەستٸكتٸ قورعاۋ اگەنتتٸگٸنٸڭ دەپارتامەنتٸ ەكٸمشٸلٸك شارالار قابىلدايدى.
- جاڭاٶزەندە سۇيىتىلعان گاز ٶندٸرەتٸن زاۋىت بار. نەلٸكتەن زاۋىت ٶنٸمدەرٸ ٶڭٸرگە جەتپەي وتىر ?
- وبلىستا 1973 جىلدان بەرٸ گاز ٶندٸرەتٸن جالعىز كەسٸپورىن – قازاق گاز ٶڭدەۋ زاۋىتى. ول ايىنا 14,5 مىڭ توننا سۇيىتىلعان گاز ٶندٸرەدٸ. الايدا, وبلىستىڭ تۇتىنۋ كٶلەمٸ 18 مىڭ تونناعا جەتكەندٸكتەن, زاۋىت ٶڭٸر قاجەتتٸلٸگٸن تولىق ٶتەي المايدى. سوندىقتان باسقا ٶڭٸرلەردەن قوسىمشا 3,5 مىڭ توننا گاز جەتكٸزٸلەدٸ.
بٷگٸنگٸ تاڭدا قازاق گاز ٶڭدەۋ زاۋىتىنىڭ نەگٸزگٸ جابدىقتارى 90%-عا توزعان. ەگەر شۇعىل شارالار قولدانىلماسا, الداعى ۋاقىتتا زاۋىت توقتاپ, سۇيىتىلعان گاز تاپشىلىعى بولۋى مٷمكٸن. سۇيىتىلعان گازدى ٶز نارىقتىق باعاسىنا ٶتكٸزۋدٸڭ ارقاسىندا جاڭا زاۋىت سالۋ جوسپارلانۋدا.
