فوتو: اشىق دەرەككٶزدەن
كٷز بەن قىس ايلارىندا اۋا رايىنىڭ قۇبىلۋىنا بايلانىستى سۋىق تييۋ دەرەكتەرٸ جيٸلەيدٸ. كٶپ ادام بۇل كەزەڭدە تۇماۋ, جٶتەل, تاماق اۋىرۋى سيياقتى بەلگٸلەرمەن بەتپە-بەت كەلەدٸ. دەرٸگەرلەردٸڭ ايتۋىنشا, اۋرۋدىڭ اسقىنباۋى ٷشٸن اعزاعا دۇرىس كٷتٸم جاساۋ, جىلى جٷرۋ جەنە دۇرىس تاماقتانۋ – ەڭ ماڭىزدىسى.دۇرىس دەمالۋ جەنە ۇيقىنى رەتتەۋ ادام دەنساۋلىعىنا ٶتە ماڭىزدى. تۇماۋراتىپ نەمەسە جرۆي بولعان كەزدە اعزانىڭ يممۋندىق جٷيەسٸ ينفەكتسييامەن كٷرەسۋگە كٷش جيناۋى ٷشٸن تەۋلٸگٸنە 8–10 ساعات ۇيىقتاعان جٶن ەكەن.
سونىمەن قاتار جىلى سۋ, شاي (بال مەن ليمون قوسىلعان), يتمۇرىن تۇنباسى, مورس, سورپا سىندى سۇيىقتىق ٸشۋ ماڭىزدى. بۇل اعزادان ۋىتتاردى شىعارۋعا جەنە تاماقتىڭ قۇرعاۋىن بولدىرماۋعا كٶمەكتەسەدٸ.
سۋىق تيگەندە جىلى كيٸنٸپ جٷرۋ كەرەكتٸگٸن قازاق حالقى بۇرىننان بٸلەدٸ. ەسٸرەسە اياقتى جىلى ۇستاۋ قاجەت ەكەنٸ ايتىلادى. سونداي-اق بٶلمە جىلى, بٸراق جەلدەتٸلگەن بولعانى جٶن. تۇماۋ نەمەسە جرۆي كەزٸندە بٶلمەنٸڭ ىلعالدىعى قالىپتى بولعانى ٶتە ماڭىزدى. قازٸرگٸ كەزدە كٶپ ٷيدە اۋا ىلعالداندىرعىش بار.
كٷزدٸگٷنٸ اۋا ارقىلى تارايتىن تٷرلٸ ۆيرۋستار مەن ينفەكتسييالاردىڭ قوزاتىنى دا بەلگٸلٸ. وسى رەتتە دەرٸگەرلەر مۇرىن مەن تاماقتى كٷتۋ قاجەتتٸگٸن جيٸ ايتادى. مۇرىن بٸتەلسە — تۇزدى ەرٸتٸندٸمەن شايۋ (مىسالى, ارنايى دەرٸ-دەرمەك, نەمەسە ٷي جاعدايىندا: 1 ستاقان جىلى سۋعا ½ شاي قاسىق تۇز). تاماق اۋىرسا — تۇزدى سۋمەن نەمەسە تٷيمەداق, اس سوداسى قوسىلعان جىلى ەرٸتٸندٸمەن شايۋ كەڭەس ەتٸلەدٸ.
سۋىق تيگەندە نەمەسە تۇماۋراتقاندا جەڭٸل, قۇنارلى, ەرٸ جىلى تاعامدار تۇتىنعان ماڭىزدى. وسى ۋاقىتتا سورپا, بوتقا, كٶكٶنٸس پٸسٸرمەلەرٸ سيياقتى تاعامداردى تۇتىنعان ابزال. س دەرۋمەنٸ كٶپ ٶكٶنٸس پەن جەمٸس جەسە تەز ايىعۋعا مٷمكٸندٸك زور. قۇرامىندا س دەرۋمەنگە باي جەمٸس-جيدەكتەرگە تسيترۋس جەمٸستەرٸ, يتمۇرىن, قاراقات, بولگار بۇرىشى جاتادى. ال سۋىق سۋ, بالمۇزداق جەنە اششى تاعام – تاماقتى تٸتٸركەندٸرەدٸ.
الايدا وسى ۋاقىتتا تەمەكٸ شەگۋ, الكوگولدٸ ٸشٸمدٸك ٸشۋدەن تىيىلعان جٶن. سەبەبٸ ولار اعزانىڭ قالپىنا كەلۋٸن باياۋلاتادى.
دەرٸگەردٸڭ كەڭەسٸنسٸز ٶز بەتٸڭٸزشە دەرٸ-دەرمەك ٸشۋ نەمەسە ەمدەلمەي ۇزاق جٷرۋ قاۋٸپتٸ ەكەنٸن دە ەسكەرگەن جٶن. سونىمەن قاتار حالىق ەمٸنە جٷگٸنگەندە دە اباي بولىڭىز! ەڭ دۇرىسى ماماننىڭ كەڭەسٸن الۋ.
