بٷگiن قر پارلامەنتٸنٸڭ سەناتىندا ٷكٸمەتتiڭ 2016 جىلعى رەسپۋبليكالىق بيۋدجەتتiڭ اتقارىلۋى تۋرالى ەسەبi تانىستىرىلدى. جيىندا بايانداما جاساعان قر قارجى مينيسترi باقىت سۇلتانوۆ ٷكiمەت حولدينگ پەن ۇلتتىق كومپانييالاردىڭ بورىشتىق وپەراتسييالارىن باقىلاۋدا ۇستاپ وتىرعانىن ايتتى, دەپ حابارالايدى Baq.kz تiلشiسi.
«جالپى سىرتقى بورىش 163,8 ملرد دوللاردى قۇرادى. ونىڭ 82%-تٸ جەكە سەكتوردىڭ بورىشتارى. كۆازيمەملەكەتتٸك سەكتوردىڭ سىرتقى بورىشى 16,2 ملرد. دوللار. بۇل 2015 جىلعىدان 2,6 ملرد. دوللارعا از. ەلباسىنىڭ جولداۋىندا بەرٸلگەن تاپسىرمالارعا سەيكەس حولدينگتەر مەن ۇلتتىق كومپانييالاردىڭ بورىشتىق وپەراتسييالارى ٷكٸمەت تاراپىنان ەرەكشە باقىلاۋدا بولادى. كۆازيمەملەكەتتٸك سەكتوردىڭ بورىشىن ازايتۋ ٷشٸن سۋبەكتٸلەردٸ مونيتورينگپەن قامتۋ كريتەرييلەرٸن انىقتاۋ, سىرتتان قارىزداردى بەلگٸلەنگەن سومادان اسىرا تارتۋعا مٸندەتتٸ تٷردە مەملەكەتتٸك جوسپارلاۋ جٶنٸندەگٸ ورتالىق ۋەكٸلەتتٸ ورگاننىڭ كەلٸسٸمٸ مەن رۇقساتىن الۋ, كۆازيمەملەكەتتٸك بورىشتى باسقارۋ جٶنٸندە ٷيلەستٸرۋ كەڭەسٸن قۇرۋ سيياقتى شارالار كٶزدەلiپ وتىر», - دەدi بايانداماسىندا قارجى مينيسترi.
سونداي-اق, سۇلتانوۆتىڭ ايتۋىنشا, 2016 جىلى بيۋدجەتتٸك باعدارلامالار سانى 247 بولىپ, 2015 جىلعا قاراعاندا 2 ەسەگە ازايدى. قىسقارتۋ «بٸر ستراتەگييالىق ماقسات – بٸر بيۋدجەتتٸك باعدارلاما» پرينتسيپٸ بويىنشا جٷزەگە استى. بۇل مەملەكەتتٸك ورگاندارعا قاراجاتتى يگەرۋ كەزٸندە دەربەستٸك بەرۋ ٷشٸن جاسالدى. مىسالى, ەكٸمشٸلەردٸڭ بيۋدجەتتٸڭ اتقارىلۋى بارىسىندا كٸشٸ باعدارلامالار اراسىندا قاراجاتتى قايتا بٶلۋگە قۇقىعى بار.
«قاراجاتتى ناقتى ەكونوميكاعا نەعۇرلىم تەز, ەرٸ تيٸمدٸ جەتكٸزۋ ٷشٸن بيۋدجەت سالاسىنداعى ەكٸمشٸلٸك كەدەرگٸلەردٸ ارى قاراي ازايتۋ قاراستىرىلىپ جاتىر», - دەپ تٷيiندەدi باقىت سۇلتانوۆ.
