قازاقستاندا كارانتين جوق اۋماقتاردا ٸرٸ ساۋدا وبەكتٸلەرٸنٸڭ قىزمەتٸ توقتاتىلمايدى. بۇل تۋرالى قر ساۋدا جەنە ينتەگراتسييا مينيسترٸ باقىت سۇلتانوۆ Facebook-تەگٸ پاراقشاسىندا جازدى, دەپ حابارلايدى "ۇلت اقپارات".
سٶز باسىندا ساۋدا جەنە ينتەگراتسييا مينيسترٸ الماتى مەن نۇر-سۇلتان قالالارىندا بۇل تالاپ ساقتالاتىنىن اتاپ ٶتتٸ.
«نۇر-سۇلتان جەنە الماتى قالالارىنداعى ساۋدا نىساندارى ەكٸمدٸكتەردٸڭ جەدەل شتابتارى شەشكەندەي, كارانتيننٸڭ اعىمداعى رەجيمٸندە جۇمىس ٸستەيتٸن بولادى» دەپ جازدى مينيستر.
ول, سونداي-اق, كارانتيننٸڭ قولدانىلعان قاتاڭ شارالارى (نۇر-سۇلتان جەنە الماتى قالالارىنىڭ جابىلۋى, ەلگە كەلەتٸن بارلىق ادامداردى باقىلاۋ) نەتيجە بەرەتٸندٸگٸن ەسكەرگەنٸن, سانيتارلىق باقىلاۋدىڭ كٷشەيۋٸ كوروناۆيرۋستىڭ تارالۋىنىڭ ٶسۋٸن تەجەۋگە مٷمكٸندٸك بەرەتٸنٸن, اۋرۋ تەك شەت ەلدەردەن كەلگەن ازاماتتاردا جەنە ولارمەن بايلانىسقان تۇلعالاردا عانا راستالعانىن اتاپ ٶتتٸ.
«وسىعان بايلانىستى, سانيتارلىق-ەپيدەميولوگييالىق جەنە مەديتسينالىق قىزمەتتەر بارلىق ىقتيمال تەۋەكەلدەردٸ جەدەل انىقتايدى جەنە بۇعاتتايدى, بٸز كارانتين جوق اۋماقتاردا ٸرٸ ساۋدا وبەكتٸلەرٸنٸڭ قىزمەتٸن توقتاتپاۋعا شەشٸم قابىلدادىق. بۇل ساۋدا وبەكتٸلەرٸنٸڭ قىزمەتكەرلەرٸنە كەلۋشٸلەر اعىنىنىڭ كٷرت ازايۋى جاعدايىندا شەكتەۋلٸ بولسا دا, جۇمىس ٸستەۋگە جەنە ٶز وتباسىلارىن قامتاماسىز ەتۋگە مٷمكٸندٸك بەرەدٸ», - دەيدٸ باقىت سۇلتانوۆ.
مينيستر تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ بٷگٸنگٸ كەڭەيتٸلگەن وتىرىسىندا ەلٸمٸزدٸڭ پرەزيدەنتٸ قاسىم-جومارت توقاەۆ مەملەكەتتٸك ورگاندارعا بٸرقاتار تاپسىرمالار بەرگەنٸن ايتتى. ونىڭ نەگٸزگٸ لەيتموتيۆٸ – قاتاڭ وقشاۋلاۋ شارالارى مەن كەسٸپكەرلەر مەن حالىقتى اۋقىمدى قولداۋ اراسىنداعى تەپە-تەڭدٸك, ونىڭ ٸشٸندە ۆيرۋستىڭ تارالۋىنا قاۋٸپ تٶندٸرمەيتٸن جەرلەردە جۇمىس ورىندارىن ساقتاۋ.
«بۇل رەتتە, بازارلار, دٷكەندەر مەن دەرٸحانالاردا كٷشەيتٸلگەن سانيتارلىق جەنە دەزينفەكتسييالىق شارالار بويىنشا ەنگٸزٸلگەن تالاپتاردى تاعى دا اتاپ ٶتەمٸن. مەملەكەت باسشىسى, سونداي-اق, ەكٸمدٸكتەرگە كوممۋنالدىق تەحنيكانى, بازارلار مەن ٸرگەلەس جاتقان اۋماقتارعا ەرەكشە نازار اۋدارا وتىرىپ, دەزينفەكتسييالاۋعا قايتا بەيٸندەۋدٸ تاپسىردى. بارلىق پەرسونال بەتپەردە مەن قولعاپتاردا جۇمىس ٸستەۋٸ تيٸس. ەربٸر 3 ساعات سايىن ارنايى دەزينفەكتسييالىق قۇرالدارمەن بارلىق بەتتەردٸ (ەدەندەر, ٷستەلدەر, ورىندىقتار, ليفتٸلەر جەنە ت.ب.) ٶڭدەۋ قاجەت. قولدى ٶڭدەۋ ٷشٸن سانيتايزەرلەردٸ ورناتۋ تيٸس», - دەدٸ ول.
ايتا كەتەيٸك, ساۋدا جەنە قىزمەت كٶرسەتۋ نىساندارىنىڭ جۇمىس ٸستەۋٸنە قويىلاتىن تالاپتاردىڭ تولىق تٸزٸمٸن ساۋدا جەنە ينتەگراتسييا مينيسترلٸگٸنٸڭ نەمەسە دەنساۋلىق ساقتاۋ مينيسترلٸگٸنٸڭ سايتىنان كٶرۋگە بولادى.
