اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان سوتىندا تٶرت ادامنان تۇراتىن وتباسىن اياۋسىز ٶلتٸرۋگە قاتىستى قىلمىستىق ٸستٸ قاراۋ جالعاسىپ جاتىر, دەپ حابارلايدى ult.kz.
وسى اتىشۋلى ٸس بويىنشا باستى ايىپتالۋشى قازا تاپقان وتباسىنىڭ كٷيەۋ بالاسى, 29 جاستاعى سۇلتان سەرسەماليەۆ.
Tengrinews.kz تاراتقان مەلٸمەتكە سەيكەس, وعان ٶزٸنٸڭ قايىن اتاسى ماقسوت قاراباليندٸ, قايىن ەنەسٸ نەسٸپ ٶتەشقاليەۆانى, سونداي-اق ولاردىڭ ەرەسەك بالالارى مەيرامگٷل قارابالينا مەن ناۋرىز مۇقانعاليەۆتٸ ٶلتٸردٸ دەگەن ايىپ تاعىلدى.
30 ماۋسىمدا مەملەكەتتٸك ايىپتاۋشىلار سەرسەماليەۆكە بۇعان دەيٸن تاعىلعان ايىپقا ەنگٸزٸلگەن ٶزگەرٸستەر مەن تولىقتىرۋلاردى جارييالادى. وسىدان كەيٸن سۋديا زارەما حاميدۋللينا سوتتالۋشىنى ايىپتاۋ اكتٸسٸنٸڭ جاڭا رەداكتسيياسىمەن تانىستىردى.
سۋديانىڭ حابارلاۋىنشا, كٸسٸ ٶلتٸرۋ ەپيزودتارى بويىنشا ايىپتاۋعا جاڭا سارالاۋ بەلگٸلەرٸ ەنگٸزٸلگەن.
"نەسٸپ ٶتەشقاليەۆا مەن ماقسوت قاراباليندٸ ٶلتٸرۋ ەپيزودى بويىنشا ايىپ قىلمىستىق كودەكستٸڭ 99-بابى 2-بٶلٸگٸنٸڭ 13-تارماعىمەن - باسقا قىلمىستى جاسىرۋ ماقساتىندا جاسالعان كٸسٸ ٶلتٸرۋ بابىمەن تولىقتىرىلدى", - دەدٸ سۋديا زارەما حاميدۋللينا.
سونىمەن قاتار مەيرامگٷل قارابالينانى ٶلتٸرۋ ەپيزودى بويىنشا ايىپ قر قك 99-بابى 2-بٶلٸگٸنٸڭ 3 جەنە 10-تارماقتارىمەن تولىقتىرىلدى. تەرگەۋ نۇسقاسى بويىنشا, سال اۋرۋىنا شالدىققان جەنە كٶرۋ قابٸلەتٸ بويىنشا III توپتاعى مٷگەدەكتٸگٸ بار جەبٸرلەنۋشٸ دەرمەنسٸز كٷيدە بولعان جەنە قارسىلىق كٶرسەتە الماعان. سونداي-اق تەرگەۋ ورگاندارى قىلمىستىڭ موتيۆٸ رەتٸندە ەيەلدٸڭ اتا-اناسى قازا تاپقاننان كەيٸن پوليتسيياعا جٷگٸنۋ نيەتٸن اتاپ وتىر.
تاعى بٸر ٶزگەرٸس - ايىپتاۋدىڭ ەلەۋمەتتٸك تٶلەمدەردٸ زاڭسىز الۋعا قاتىستى باپپەن تولىقتىرىلۋى.
"ەلەۋمەتتٸك تٶلەمدەر مەن زەينەتاقىلاردى زاڭسىز الۋ ەپيزودتارى بويىنشا سوتتالۋشىنىڭ ٸس-ەرەكەتٸ قك 190-بابى 2-بٶلٸگٸنٸڭ 4-تارماعىمەن - اقپاراتتىق جٷيە پايدالانۋشىسىن الداۋ ارقىلى جاسالعان الاياقتىق بابىمەن تولىقتىرىلدى", - دەپ مەلٸمدەدٸ سۋديا زارەما حاميدۋللينا.
وسىلايشا, سۇلتان سەرسەماليەۆكە جەبٸرلەنۋشٸلەر قازا تاپقاننان كەيٸن ەسەپتەلگەن ەلەۋمەتتٸك تٶلەمدەر مەن زەينەتاقىلاردى زاڭسىز الۋعا قاتىستى الاياقتىق ايىبى قوسىمشا تاعىلىپ وتىر. ەپيزودتاردىڭ بٸرٸ بويىنشا شىعىن كٶلەمٸ ناقتىلانىپ, 520 996 تەڭگە بولدى.
بۇدان بٶلەك, بۇعان دەيٸن مال ساتۋ كەزٸندەگٸ الاياقتىق رەتٸندە سارالانعان ەپيزود قك 188-1-بابىنىڭ 1-بٶلٸگٸنە - مال ۇرلىعى بابىنا قايتا سارالاندى.
