سۇلتان بەيبارىستىڭ كايردەگٸ مەشٸتٸن رەستاۆراتسييالاۋ جۇمىستارى 2020 جىلعى شٸلدەدە اياقتالادى. بۇل تۋرالى "ۇلت اقپارات" سٸم باسپاسٶز قىزمەتٸنە سٸلتەمە جاساپ حابارلايدى.
قازاقستاننىڭ مىسىرداعى ەلشٸسٸ ارمان يساعاليەۆ مار كٶنە ەسكەرتكٸشتەر جەنە تۋريزم مينيسترٸ حالەد ەل-اننانيمەن كەزدەسٸپ, ەكٸ ەل اراسىنداعى تۋريزم سالاسىنداعى ىنتىماقتاستىقتى دامىتۋ جولدارىن قاراستىردى.
اتاپ ايتقاندا, ديپلومات سوڭعى جىلدارى قازاقستاننان شارم ال-شەيح پەن حۋرگاداعا تٸكەلەي چارتەرلٸك رەيستەر اشىلۋىنىڭ ارقاسىندا مىسىر كۋرورتتارىنا كەلەتٸن قازاقستاندىق تۋريستەردٸڭ سانى ەدەۋٸر ارتقانىن ايتتى.
بيىلعى جىلدان باستاپ, مىسىردا كەڭٸنەن جٷرگٸزٸلٸپ جاتقان اقپاراتتىق-جارنامالىق كامپانييانىڭ ارقاسىندا مىسىرلىق تۋريستەردٸڭ بٸزدٸڭ ەلگە كەلۋگە دەگەن قىزىعۋشىلىعى دا ارتۋدا. وسىعان وراي, ەلشٸ ەكٸ ەل اراسىنداعى تۋريستٸك اعىمدى كەڭەيتۋ ٷشٸن مىسىرلىق ەۋەكومپانييالاردىڭ قازاقستانعا تٸكەلەي ەۋە رەيستەرٸن اشۋعا قولعابىس بەرۋدٸ سۇرادى. ح.ەل-انناني مار ازاماتتىق اۆياتسييامەن بٸرلەسٸپ بۇل مەسەلەنٸ جاقىن ارادا شەشۋگە ۋەدە ەتتٸ. مينيستردٸڭ ايتۋىنشا, قوسىمشا رەيستەردٸڭ اشىلۋى تەك ٶزارا تۋريزمنٸڭ ٶسۋٸنە عانا ەمەس, ەكٸ ەل اراسىنداعى بيزنەس قاتىناستارى مەن ساۋدا-ەكونوميكالىق ىنتىماقتاستىقتىڭ جاندانۋىنا سەرپٸن بەرەدٸ.
بۇعان قوسا, ا.يساعاليەۆ ۇلى دالا ەلٸنٸڭ داڭقتى پەرزەنتٸ سۇلتان بەيبارىستىڭ كايردەگٸ مەشٸتٸن قالپىنا كەلتٸرۋ جۇمىستارىن جاڭعىرتقانى ٷشٸن مىسىردىڭ ٷكٸمەتٸ مەن كٶنە ەسكەرتكٸشتەر جەنە تۋريزم مينيسترلٸگٸنە زور العىس بٸلدٸردٸ.
قازٸرگٸ كەزدە جۇمىستار قارقىندى جٷرگٸزٸلۋدە. اتالمىش جوبانىڭ باس مەردٸگەرٸ – مىسىر مەن تاياۋ شىعىستاعى ەڭ ٸرٸ «Arab Contractors» قۇرىلىس كومپانيياسى ٶكٸلدەرٸنٸڭ ايتۋىنشا, مەشٸتتٸ رەستاۆراتسييالاۋ جۇمىستارى تولىعىمەن 2020 جىلعى شٸلدەدە اياقتالۋى تيٸس.
ەسكە سالساق, ٶتكەن جىلى مىسىر ٷكٸمەتٸ سۇلتان بەيبارىس مەشٸتٸن قالپىنا كەلتٸرۋگە 181 ملن فۋنت بٶلگەن بولاتىن.
