ەگٸس القاپتارىندا سۋدىڭ تاپشىلىعى 11,7 تەكشە شاقىرىمدى قۇراۋى مٷمكٸن. بۇل تۋرالى ٷكٸمەت وتىرىسىندا ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى قازاقپارات.
«ەلباسى نۇرسۇلتان نازارباەۆ 2025 جىلعا قاراي سۋارمالى جەر كٶلەمٸن 2,2 ملن گەكتارعا دەيٸن جەتكٸزۋ مٸندەتٸن قويعانى بەلگٸلٸ. مەملەكەت باسشىسى قاسىم-جومارت توقاەۆ 2030 جىلعا دەيٸن سۋارمالى جەر كٶلەمٸن ٷش ميلليون گەكتارعا دەيٸن جەتكٸزۋدٸ تاپسىردى. بٸزدٸڭ ەسەپتەۋلەرٸمٸزگە سەيكەس, سۋ تۇتىنۋدىڭ اعىمداعى ٷردٸسٸ 1,5 ملن گەكتارعا (13,3 كم3) ساقتالسا, بولجامدى تاپشىلىق 2030 جىلعا قاراي 11,7 تەكشە شاقىرىمدى قۇراۋى مٷمكٸن. وسىعان بايلانىستى, قازٸردٸڭ ٶزٸندە سۋدى پايدالانۋدى قىسقارتۋ بويىنشا شارالاردى جٷزەگە اسىرۋ قاجەت», - دەدٸ مينيستر.
ونىڭ ايتۋىنشا, سۋ تاپشىلىعىن بولدىرماۋ ماقساتىندا كٷرٸش ەگٸسٸن 29 مىڭ گەكتارعا, اتاپ ايتقاندا قىزىلوردا (15 مىڭ گا), الماتى (10 مىڭ گا) جەنە تٷركٸستان (4 مىڭ گا) وبلىستارىندا ازايتۋ قاجەت. بۇل بٸر تەكشە شاقىرىم سۋدى ٷنەمدەۋگە مٷمكٸندٸك بەرەدٸ.
«ەكٸنشٸدەن, كەمٸندە 750 مىڭ گەكتار الاڭدا سۋارۋدىڭ سۋ ٷنەمدەۋشٸ تەحنولوگييالارىن ەنگٸزۋدٸ جالعاستىرۋ كەرەك. بۇل ورتاشا العاندا 30%-عا دەيٸن نەمەسە 2,2 تەكشە شاقىرىم سۋدى ٷنەمدەۋگە مٷمكٸندٸك بەرەدٸ. ٷشٸنشٸدەن, ۇزىندىعى 6 مىڭ شاقىرىم سۋارۋ جەلٸلەرٸن قايتا جاڭارتۋ جەنە 119 نەگٸزگٸ ماگيسترالدىق كانالداردا تسيفرلاندىرۋدى جاپپاي ەنگٸزۋ ەسەبٸنەن جىلىنا 2 تەكشە شاقىرىم سۋ ٷنەمدەلەدٸ. وسى قاجەتتٸلٸكتەرگە الداعى بەس جىلدا رەسپۋبليكالىق بيۋدجەتتەن جەنە حالىقارالىق قارجى ۇيىمدارىنان 192 ملرد تەڭگە جۇمسالاتىن بولادى», - دەدٸ مىرزاعاليەۆ.
تٶرتٸنشٸدەن, 10 جىل ٸشٸندە 3,6 تەكشە شاقىرىم كٶلەمٸندە سۋ جيناقتاۋ ٷشٸن 39 جاڭا سۋ قويماسى سالىنادى. ول 70 ەلدٸ مەكەن جەنە 137 مىڭ ادام ٷشٸن سۋ تاسقىنى قۇبىلىستارىنىڭ قاۋپٸن ازايتۋعا مٷمكٸندٸك بەرەدٸ.
«394 مىڭ گەكتار جاڭا سۋارمالى جەر سۋ كٶزٸمەن قامتاماسىز ەتٸلەدٸ. بۇل اۋىل شارۋاشىلىعىندا 129 مىڭنان استام جۇمىس ورنىن قۇرۋعا مٷمكٸندٸك بەرەدٸ. بٷگٸندە تٷركٸستان وبلىسىندا كەڭساي-قوسقورعان-2 سۋ قويماسىنىڭ قۇرىلىسى جٷرگٸزٸلۋدە. 28 سۋ قويماسى بويىنشا تەحنيكالىق-ەكونوميكالىق نەگٸزدەمە جەنە ٷش سۋ قويماسى بويىنشا جوبالىق-سمەتالىق قۇجاتتاما ەزٸرلەنٸپ جاتىر», - دەدٸ ۆەدومستۆو باسشىسى.
جوعارىدا اتالعان ٸس-شارالاردى سەتتٸ ٸسكە اسىرعان جاعدايدا 8,8 تەكشە شاقىرىم سۋدى قوسىمشا شوعىرلاندىرۋعا مٷمكٸندٸك پايدا بولادى. اعىمداعى ليميتٸ ون بەس تەكشە شاقىرىم بولاتىن پايدالانىلاتىن سۋدى ەسكەرسەك, قورىتىندى بالانس 23,8 تەكشە شاقىرىمعا تەڭ بولادى.
