.jpeg)
فوتو: primeminister.kz
پرەمەر-مينيستر, سۋ تاسقىنىنا قارسى ٸس-شارالاردى ٷيلەستٸرۋ جەنە سۋ تاسقىنى زارداپتارىن جويۋ جٶنٸندەگٸ رەسپۋبليكالىق شتابتىڭ باسشىسى ولجاس بەكتەنوۆ اقتٶبە وبلىسىنداعى سۋ تاسقىنىنا بايلانىستى جاعدايدى تەكسەرٸپ, مەملەكەت باسشىسىنىڭ تاپسىرمالارىنىڭ جەرگٸلٸكتٸ جەرلەردە ورىندالۋ بارىسىمەن تانىستى, دەپ حابارلايدى «ۇلت اقپارات» ٷكٸمەتتٸڭ رەسمي سايتىنا سٸلتەمە جاساپ.
اتاپ ايتقاندا, بٸرقاتار سۋ قويمالارىن تٸكۇشاقپەن ارالاپ, سۋ تاسقىنىنان زارداپ شەككەن ٷيلەرگە باردى, سونداي-اق احۋالدىق ورتالىقتىڭ جۇمىسىمەن تانىسىپ, رەسپۋبليكالىق شتابتىڭ وتىرىسىن ٶتكٸزدٸ.
سول جەردە ولجاس بەكتەنوۆ سۋ باسقان ٷيلەردٸڭ جاي-كٷيٸن قاراپ, تۇرعىنداردىڭ باسپانالارىن قالپىنا كەلتٸرۋ جەنە باسقا دا قوسىمشا قولداۋ شارالارىن كٶرسەتۋگە قاتىستى سۇراقتارىنا جاۋاپ بەردٸ. مەسەلەن, ەكٸمدٸك تٸزٸمدەرٸ بويىنشا سۋ تاسقىنىنان زارداپ شەككەندەر ساناتىنا جاتقىزىلعان بارلىق ازاماتتارعا نەسيەلەر بويىنشا جىلدىڭ ماۋسىم ايىنىڭ سوڭىنا دەيٸن 3 ايعا نەسيە تٶلەمدەرٸن اۆتوماتتى تٷردە كەيٸنگە شەگەرۋ مٷمكٸندٸگٸ بەرٸلەدٸ, سونىمەن قاتار تٶلەمدەردٸ كەشٸكتٸرگەنٸ ٷشٸن ايىپپۇلدار مەن ٶسٸمپۇلدار سالىنبايدى.
جالپى وبلىستا تاسقىن قاۋپٸ ەلٸ سەيٸلمەگەن. قازٸر ٶزەندەردٸڭ كٶپشٸلٸگٸندە سۋ ارناسىنان اسىپ كەتكەلٸ تۇر. ٶڭٸردە 772 ٷي سۋ استىندا قالدى. وبلىستىڭ 5 اۋدانىندا (قوبدا, مۇعالجار, تەمٸر, ەيتەكە بي, ويىل) جەنە اقتٶبە قالاسىندا جەرگٸلٸكتٸ اۋقىمداعى تابيعي سيپاتتاعى تٶتەنشە جاعداي جارييالاندى. سۋ تاسقىنىنا قارسى ٸس-شارالارعا جەكە قۇرامنان 3140 ادام, 664 تەحنيكا جۇمىلدىرىلدى. بارلىعى 8 763 ادام قاۋٸپسٸز جەرگە كٶشٸرٸلدٸ.
ولجاس بەكتەنوۆ كٶلەمٸ 15,8 ملن م3 بولاتىن ماعادجان بٶگەتٸن ارالاپ كٶردٸ, وندا قارعىن سۋ اعىنى سالدارىنان ماعادجان سۋ قويماسىنىڭ بٶگەتٸ بۇزىلدى. 1985 جىلى پايدالانۋعا بەرٸلگەن. گيدروتەحنيكالىق قۇرىلىس جەكەمەنشٸك "تۇلپار" جشس كومپانيياسىنىڭ يەلٸگٸندە. قىزىلتۋ اۋىلىنان 25 ادام, تابانتال قىستاعىنان 11 ادام ەۆاكۋاتسييالاندى.
سونىمەن قاتار بولجامدارعا سەيكەس, 5-11 سەۋٸر ارالىعىندا وبلىستىڭ بارلىق اۋماعىندا اۋا تەمپەراتۋراسى ايتارلىقتاي جىلىنۋى مٷمكٸن, قاتتى جاۋىن-شاشىن كٷتٸلمەيدٸ. وسىعان بايلانىستى سۋ تاسقىنىنان زارداپ شەككەن اۋىلدارمەن قاتار, قايتا سۋ الىپ كەتۋ قاۋپٸ جوق ايماقتارداعى ەلدٸ مەكەندەردٸڭ تىنىس-تٸرشٸلٸگٸن دە قالپىنا كەلتٸرۋگە نازار اۋدارىلدى.
مەسەلەن, قازٸردٸڭ ٶزٸندە 26 ەلدٸ مەكەندە ەلەكتر قۋاتىمەن جابدىقتاۋ قالپىنا كەلتٸرٸلدٸ. "ەنەرگوجٷيە" جشس-نٸڭ بارلىق بٶلٸمشەلەرٸ كٷشەيتٸلگەن رەجيمدە جۇمىس ٸستەۋدە. رەسپۋبليكالىق ماڭىزى بار 9, وبلىستىق ماڭىزى بار – 3 جولدا جەنە 9 اۋداندىق ماڭىزى بار جولدا سۋدىڭ توقتاۋىنا بايلانىستى كٶلٸك قوزعالىسىنا قويىلعان شەكتەۋلەر الىنىپ تاستالدى. ٶڭٸردە شىعىندى ٶتەۋ كوميسسيياسى جۇمىس ٸستەيدٸ. ٷش كٷن ٸشٸندە كوميسسيياعا ماتەريالدىق شىعىنداردى ٶتەۋ تۋرالى 1623 ٶتٸنٸش تٷسكەن. الگوريتمگە سەيكەس, تج ورىن العان كٷننەن باستاپ كٷنتٸزبەلٸك 30 كٷن ٸشٸندە كەلتٸرٸلگەن شىعىندى ٶتەۋ تۋرالى جەرگٸلٸكتٸ ەكٸمدٸكتەرگە ٶتٸنٸش بەرٸلەدٸ. سونىمەن قاتار اقتٶبە وبلىسىندا سۋ تاسقىنىنان زارداپ شەككەن جەنە قيىن جاعدايعا تاپ بولعان تۇرعىندار ەكٸمدٸككە تيٸستٸ ٶتٸنٸشپەن جٷگٸنۋ ارقىلى بٸر رەتتٸك تٶلەم الا الادى.
ولجاس بەكتەنوۆ وبلىس ەكٸمدٸگٸنٸڭ احۋالدىق ورتالىعىندا بولدى. احۋالدىق ورتالىقتىڭ وپەراتورلارى "109" قىسقا نٶمٸرٸ بويىنشا تەۋلٸك بويى جۇمىس ٸستەيتٸن Call-ورتالىق ارقىلى حالىقپەن بايلانىستا بولادى. سۋ تاسقىنىنا قارسى ٸس-شارالار باستالعاننان بەرٸ 109 احۋالدىق ورتالىعىنا 15 مىڭنان استام قوڭىراۋ تٷسكەن. 12 293 ٶتٸنٸم تٸركەلدٸ. احۋالدىق ورتالىق كٷشەيتٸلگەن رەجيمدە جۇمىس ٸستەۋدە, وعان تج جەنە سۋ تاسقىنىنا قارسى شتاب قىزمەتتەرٸ قوسىلعان.
قورىتىندى بويىنشا ٷكٸمەت باسشىسى ولجاس بەكتەنوۆ سۋ تاسقىنى سالدارىن جويعاننان كەيٸن كوممۋنالدىق جەنە جەكە مەنشٸكتەگٸ گيدروتەحنيكالىق قۇرىلىستاردا جان-جاقتى تەكسەرۋلەر جٷرگٸزۋدٸ تاپسىردى. اقتٶبە وبلىسىندا بارلىعى 206 گيدروتەحنيكالىق قۇرىلىس بار.
