سۋ تاسقىنى كەزەڭٸندە حالىققا قانداي مەديتسينالىق كٶمەك كٶرسەتٸلدٸ? دەنساۋلىق ساقتاۋ مينيسترگٸ ٶكٸلٸ مەلٸمدەمە جاسادى

فوتو: تجم

دەنساۋلىق ساقتاۋ مينيسترگٸ ٶكٸلٸ سۋ تاسقىنى كەزەڭٸندە حالىققا قانداي مەديتسينالىق كٶمەك كٶرسەتٸلگەنٸن ايتتى دەپ حابارلايدى "ۇلت اقپارات".

"بٷگٸن بٸز اپات سالدارىنان زارداپ شەككەن ٶڭٸرلەردٸڭ تۇرعىندارىنا مەديتسينالىق كٶمەك كٶرسەتۋ تۋرالى اقپاراتتى اياقتايمىز.سۋ تاسقىنى باستالعان سەتتەن باستاپ مەديتسينالىق ۇيىمدار مەديتسينالىق كٶمەكتٸڭ بارلىق تٷرلەرٸنٸڭ قولجەتٸمدٸلٸگٸن قامتاماسىز ەتۋ ٷشٸن تولىق دايىندىق رەجيمٸندە جۇمىس ٸستەدٸ. وسىلايشا جەدەل مەديتسينالىق جەردەم قىزمەتتەرٸنٸڭ, ستاتسيونارلاردىڭ قابىلداۋ پۋنكتتەرٸنٸڭ جەنە مساك ۇيىمدارىنىڭ جۇمىسى كٷشەيتٸلدٸ", -دەدٸ ەيگەرٸم ورازەليەۆا ورتالىق كوممۋنيكاتسييالار قىزمەتٸندە ٶتكەن بريفينگتە.

ەۆاكوپۋنكتتەردە مەديتسينالىق جەنە مەديتسينالىق-پسيحولوگييالىق كٶمەك كٶرسەتۋ ٷشٸن 600-گە جۋىق مەديتسينا قىزمەتكەرٸ, ونىڭ ٸشٸندە 101 دەرٸگەر, سونداي-اق 47 پسيحولوگ تارتىلدى.

"بۇعان دەيٸن حابارلاعانىمىزداي, سۋ تاسقىنى بولعان ايماقتاردا سۋ تاسقىنىنان زارداپ شەككەن ازاماتتاردى ۋاقىتشا ورنالاستىرۋ ورتالىقتارىنا (پۋنكتتەرٸنە) شىعاتىن موبيلدٸك بريگادالار ۇيىمداستىرىلدى. جٷكتٸ ەيەلدەردٸڭ, بالالاردىڭ جاعدايىنا تۇراقتى مەديتسينالىق باقىلاۋ جٷرگٸزٸلۋدە. جەرگٸلٸكتٸ جەرلەردە ناقتى ٷيلەستٸرۋدٸڭ ارقاسىندا پاتسيەنتتەر شتاتتىق رەجيمدە دەرٸ-دەرمەكتەر مەن مەديتسينالىق بۇيىمداردى الۋدى جالعاستىرۋدا", -دەدٸ قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ ەيگەرٸم ورازەليەۆا. 

سۋ باسقان ايماقتاردان ەۆاكۋاتسييالانعانداردىڭ اراسىندا دەنساۋلىق جاعدايى دەرٸگەرلەردٸڭ باقىلاۋىندا بولاتىن سوزىلمالى اۋرۋلارى بار 1 318 ادام بار كٶرٸنەدٸ. سۋ تاسقىنى سالدارىنان زارداپ شەككەندەردەن پسيحولوگييالىق كٶمەككە 2805 ٶتٸنٸش تٸركەلدٸ.تابيعي اپاتتىڭ بارلىق كەزەڭٸندە سۋ باسقان ەلدٸ مەكەندەردەن 445 جٷكتٸ ەيەل ەۆاكۋاتسييالاندى, 474 بوساندىرۋ قاۋٸپسٸز قابىلداندى, بارلىق سەبيلەر مەن انالار پاتروناجدىق قىزمەتتەردٸڭ قامقورلىعىندا.سۋ باسقان اۋدانداردا بارلىعى 4 مىننان استام بالا ەۆاكۋاتسييالاندى, ولاردىڭ 65 كٸشكەنتاي پاتسيەنتٸ امبۋلاتورييالىق جەنە ستاتسيونارلىق دەڭگەيدە ەمدەلۋدٸ جالعاستىرىپ جاتىر ەكەن. 
 

"ينفەكتسييالىق اۋرۋلاردىڭ تۋىنداۋىنىڭ الدىن الۋ ماقساتىندا سانيتارييالىق-ەپيدەميولوگييالىق قىزمەتتٸڭ جۇمىسى كٷشەيتٸلگەن جۇمىس رەجيمٸنە اۋىستىرىلدى. سانەپيدقىزمەتتەر سۋمەن جابدىقتاۋ كٶزدەرٸنە كٷندەلٸكتٸ كٷشەيتٸلگەن مونيتورينگ پەن باقىلاۋدى جٷرگٸزەدٸ. سۋ تاسقىنى باستالعاننان بەرٸ سانيتارييالىق-حيمييالىق جەنە ميكروبيولوگييالىق كٶرسەتكٸشتەرگە 11 مىڭعا جۋىق اۋىز سۋ سىناماسى ٸرٸكتەلٸپ, زەرتتەلدٸ. بٷگٸن بٸز كٷش-جٸگەرٸمٸزدٸ ەپيدەمييالىق ماڭىزى بار نىسانداردى دۇرىس دەزينفەكتسييالاۋعا باعىتتادىق. سانيتارييالىق-ەپيدەميولوگييالىق قىزمەتتٸڭ باقىلاۋىمەن وسىنداي 6 مىڭنان استام نىسانعا دەزينفەكتسييا جٷرگٸزٸلدٸ. دەرٸگەرلەر مەن سانەپيدقىزمەتتٸڭ ٷيلەسٸمدٸ ٸس-قيمىلدارىنىڭ نەتيجەسٸندە ينفەكتسييالىق اۋرۋلاردىڭ, سونىڭ ٸشٸندە ٸشەكتٸڭ, ۋلانۋدىڭ ٶرشۋٸ جاعدايلارىنا جول بەرٸلمەدٸ, سىناما الۋ كەزٸندەگٸ بارلىق كٶرسەتكٸشتەر قاۋٸپسٸز دياپازوندا. سۋ تاسقىنى ايماقتارىندا زارداپ شەككەندەردٸ مەديتسينالىق كٶمەكتٸڭ بارلىق تٷرلەرٸمەن قامتاماسىز ەتكەن بٸزدٸڭ بارلىق مەديتسينا قىزمەتكەرلەرٸنٸڭ ەڭبەگٸن اتاپ ٶتكٸم كەلەدٸ", -دەدٸ مامان.