Foto: TJM
Densaýlyq Saqtaý Ministrgi ókili sý tasqyny kezeńinde halyqqa qandai meditsinalyq kómek kórsetilgenin aitty dep habarlaidy "Ult Aqparat".
"Búgin biz apat saldarynan zardap shekken óńirlerdiń turǵyndaryna meditsinalyq kómek kórsetý týraly aqparatty aiaqtaimyz.Sý tasqyny bastalǵan sátten bastap meditsinalyq uiymdar meditsinalyq kómektiń barlyq túrleriniń qoljetimdiligin qamtamasyz etý úshin tolyq daiyndyq rejiminde jumys istedi. Osylaisha jedel meditsinalyq járdem qyzmetteriniń, statsionarlardyń qabyldaý pýnktteriniń jáne MSAK uiymdarynyń jumysy kúsheitildi", -dedi Áigerim Orazálieva Ortalyq Kommýnikatsiialar Qyzmetinde ótken brifingte.
Mamannyń sózinshe, sý tasqyny bastalǵannan beri evakýatsiialyq pýnktterde táýlik boiy jumys isteitin 106 meditsinalyq post ornalastyryldy.
Evakopýnktterde meditsinalyq jáne meditsinalyq-psihologiialyq kómek kórsetý úshin 600-ge jýyq meditsina qyzmetkeri, onyń ishinde 101 dáriger, sondai-aq 47 psiholog tartyldy.
"Buǵan deiin habarlaǵanymyzdai, sý tasqyny bolǵan aimaqtarda sý tasqynynan zardap shekken azamattardy ýaqytsha ornalastyrý ortalyqtaryna (pýnktterine) shyǵatyn mobildik brigadalar uiymdastyryldy. Júkti áielderdiń, balalardyń jaǵdaiyna turaqty meditsinalyq baqylaý júrgizilýde. Jergilikti jerlerde naqty úilestirýdiń arqasynda patsientter shtattyq rejimde dári-dármekter men meditsinalyq buiymdardy alýdy jalǵastyrýda", -dedi QR Densaýlyq saqtaý ministrliginiń resmi ókili Áigerim Orazálieva.
Sý basqan aimaqtardan evakýatsiialanǵandardyń arasynda densaýlyq jaǵdaiy dárigerlerdiń baqylaýynda bolatyn sozylmaly aýrýlary bar 1 318 adam bar kórinedi. Sý tasqyny saldarynan zardap shekkenderden psihologiialyq kómekke 2805 ótinish tirkeldi.Tabiǵi apattyń barlyq kezeńinde sý basqan eldi mekenderden 445 júkti áiel evakýatsiialandy, 474 bosandyrý qaýipsiz qabyldandy, barlyq sábiler men analar patronajdyq qyzmetterdiń qamqorlyǵynda.Sý basqan aýdandarda barlyǵy 4 mynnan astam bala evakýatsiialandy, olardyń 65 kishkentai patsienti ambýlatoriialyq jáne statsionarlyq deńgeide emdelýdi jalǵastyryp jatyr eken.
"Infektsiialyq aýrýlardyń týyndaýynyń aldyn alý maqsatynda sanitariialyq-epidemiologiialyq qyzmettiń jumysy kúsheitilgen jumys rejimine aýystyryldy. Sanepidqyzmetter sýmen jabdyqtaý kózderine kúndelikti kúsheitilgen monitoring pen baqylaýdy júrgizedi. Sý tasqyny bastalǵannan beri sanitariialyq-himiialyq jáne mikrobiologiialyq kórsetkishterge 11 myńǵa jýyq aýyz sý synamasy iriktelip, zertteldi. Búgin biz kúsh-jigerimizdi epidemiialyq mańyzy bar nysandardy durys dezinfektsiialaýǵa baǵyttadyq. Sanitariialyq-epidemiologiialyq qyzmettiń baqylaýymen osyndai 6 myńnan astam nysanǵa dezinfektsiia júrgizildi. Dárigerler men sanepidqyzmettiń úilesimdi is-qimyldarynyń nátijesinde infektsiialyq aýrýlardyń, sonyń ishinde ishektiń, ýlanýdyń órshýi jaǵdailaryna jol berilmedi, synama alý kezindegi barlyq kórsetkishter qaýipsiz diapazonda. Sý tasqyny aimaqtarynda zardap shekkenderdi meditsinalyq kómektiń barlyq túrlerimen qamtamasyz etken bizdiń barlyq meditsina qyzmetkerleriniń eńbegin atap ótkim keledi", -dedi maman.
