قر ٸٸم تٶتەنشە جاعدايلار كوميتەتٸنٸڭ تٶراعاسى ۆلاديمير بەككەر سۋ تاسقىنىنا قاتىستى جاعدايدىڭ تۇراقتالعانىن مەلٸمدەدٸ, دەپ حابارلايدى قازاقپارات تٸلشٸسٸ.
«قازاقستان بويىنشا سۋ تاسقىنىنىڭ قاۋٸپتٸ كەزەڭٸ ارتتا قالدى. بٷگٸندە بارلىق ٶزەندەردە سۋ دەڭگەيٸنٸڭ تٶمەندەپ جاتقانى بايقالادى. اتاپ ايتقاندا, اقمولا وبلىسىنداعى جاباي ٶزەنٸندە سۋ دەڭگەيٸ 2 مەتر 30 سانتيمەتردٸ قۇراپ وتىر. بٸر تەۋلٸكتٸڭ ٸشٸندە سۋ 50 سانيمەترگە تٶمەندەدٸ. اتباسار قالاسىنا قاۋٸپ تٶنٸپ تۇرعان جوق. استراحان اۋدانىنداعى كولۋتون ٶزەنٸنٸڭ دەڭگەيٸ دە تٶمەندەپ كەلەدٸ», - دەدٸ ۆ.بەككەر ەلوردادا ٶتكەن باسپاسٶز مەسليحاتىندا.
ونىڭ ايتۋىنشا, ەرتٸس ٶزەنٸندەگٸ مۇز كەپتەلٸسٸ دە پاۆلودار وبلىسى ارقىلى ٶتٸپ بارادى. رەسەي فەدەراتسيياسىنىڭ شەكاراسىنا دەيٸن 30 شاقىرىمداي قالدى.
«شٷلبٸ قويماسىنان جٸبەرٸلەتٸن سۋدىڭ كٶلەمٸ سول قالپى سەكۋندىنا 1 296 تەكشە مەتردٸ قۇراپ وتىر. ودان ەرتٸستٸڭ دەڭگەيٸ كٶتەرٸلگەن جوق. ال شىعىس قازاقستان وبلىسىنىڭ بەسقاراي اۋىلىندا ٷش جەكە ٷيدٸ سۋ باستى. نەگٸزٸ, ول ٷيلەردٸڭ تۇرعىندارىن مٷلدەم باسقا جەرگە كٶشٸرگەن دۇرىس. سەبەبٸ, اتالعان پروبلەما جىل سايىن قايتالانا بەرەدٸ. ولار جەر استى سۋلارى كٶتەرٸلەتٸن جەردە تۇرادى. سوندىقتان, قازٸر سۋدى سورسا دا, باسقا جەرگە ايداسا دا, نەتيجە بولمايدى. بەرٸبٸر سۋدىڭ كەتكەنٸن كٷتۋ كەرەك», - دەپ اتاپ كٶرسەتتٸ ۆ.بەككەر.
سولتٷستٸك قازاقستان وبلىسىندا ەسٸل ٶزەنٸ ارقىلى سەرگەەۆ سۋ قويماسىنا كەلەتٸن سۋدىڭ كٶلەمٸ دە ازايىپ كەلەدٸ. كٷنٸ كەشە قويماعا سەكۋندىنا 778 تەكشە مەتر سۋ كەلسە, بٸر تەۋلٸكتٸڭ ٸشٸندە اتالعان كٶرسەتكٸش 328 تەكشە مەترگە دەيٸن تٷستٸ. ەسٸل ٶزەنٸ بويىمەن ورنالاسقان اۋىلداردى سۋ باسقان جوق.
«دەگەنمەن, ەلٸ دە بٸر اپتاداي اقمولا, شىعىس قازاقستان, پاۆلودار جەنە سولتٷستٸك قازاقستان وبلىستارىن باقىلاۋدا ۇستايتىن بولامىز», - دەيدٸ ۆ.بەككەر.
