فوتو: تجم
بٷگٸن سەناتتا 2025 جىلعى كٶكتەمگٸ سۋ تاسقىنىنا دايىندىق مەسەلەسٸنە ارنالعان ٷكٸمەت ساعاتى ٶتتٸ, دەپ حابارلايدى Ult.kz سەنات باسپاسٶز قىزمەتٸنە سٸلتەمە جاساپ.
مەلٸمەت بويىنشا قالپىنا كەلتٸرۋ جۇمىستارىنىڭ نەتيجەسٸندە شامامەن 9 مىڭ ٷي جٶندەلٸپ, 2 مىڭنان استام جاڭا تۇرعىن ٷي سالىندى. قوسىمشا 5 مىڭنان استام جىلجىمايتىن مٷلٸك نىسانى ساتىپ الىندى.
سەنات تٶراعاسىنىڭ ورىنباسارى جاقىپ اسانوۆ سۋ تاسقىنى مەسەلەسٸ ەلٸمٸزگە بيىل دا اسا ماڭىزدى بولىپ قالا بەرەتٸنٸن اتاپ ٶتتٸ. ونىڭ ايتۋىنشا, كٶكتەمگٸ سۋ تاسقىنى جىل سايىن حالىق پەن ينفراقۇرىلىم ٷشٸن زور سىناق بولىپ وتىر. ال 2024 جىلعى جاعداي تابيعي اپاتتىڭ قانشالىقتى جويقىن بولۋى مٷمكٸن ەكەنٸن كٶرسەتتٸ.
«ٶتكەن جىل بٸز ٷشٸن اۋىر سىناق بولدى. سۋ تاسقىنىنان مىڭداعان وتباسىلار زارداپ شەكتٸ, ٷيلەر قۇلادى, جول مەن كٶپٸر بٷلٸندٸ, ەلەۋمەتتٸك جەنە كوممەرتسييالىق نىساندار قيرادى. پرەزيدەنتتٸڭ ارالاسۋىمەن جەدەل شەشٸم قابىلدانىپ, بارلىق مەكەمەلەردٸڭ ٷيلەسٸمدٸ جۇمىسىنىڭ ارقاسىندا شىعىنداردى ازايتۋعا, زارداپ شەككەندەرگە كٶمەك كٶرسەتۋگە, ينفراقۇرىلىمدى قالپىنا كەلتٸرۋگە مٷمكٸندٸك تۋدى. الايدا, ەگەر الدىن الۋ شارالارى ۋاقىتىلى جەنە تيٸستٸ دەڭگەيدە جٷرگٸزٸلسە, كٶپتەگەن شىعىنداردىڭ الدىن الۋعا بولار ەدٸ. باستى مٸندەت – تەك سۋ تاسقىنىنىڭ سالدارىمەن كٷرەسۋ ەمەس, ونى جٷيەلٸ تٷردە بولدىرماۋ», – دەدٸ پالاتا تٶراعاسىنىڭ ورىنباسارى.
سەناتتىڭ حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ تٶراعاسى اندرەي لۋكين ٶز كەزەگٸندە سۋ تاسقىنى ەلٸمٸز ٷشٸن اسا كٷردەلٸ مەسەلەنٸڭ بٸرٸ بولىپ قالا بەرەتٸنٸن اتاپ ٶتتٸ. ونىڭ ايتۋىنشا, ٶتكەن جىلعى بۇرىن-سوڭدى بولماعان سۋ تاسقىنى ەسٸرەسە باتىس جەنە سولتٷستٸك ٶڭٸرلەردەگٸ جٷزدەگەن ەلدٸ مەكەنگە اۋىر سىناق بولدى. ول تابيعي قۇبىلىستىڭ سەبەبٸ مەن سالدارىن تٷسٸنۋ, سونداي-اق ولاردىڭ الدىن الۋ جٶنٸندە تيٸمدٸ شارالار ەزٸرلەۋ بارلىق ۋەكٸلەتتٸ ورگانداردىڭ ورتاق مٸندەتٸ ەكەنٸن جەتكٸزدٸ
«بٷگٸنگٸ شارانىڭ نەگٸزگٸ ماقساتى – مەملەكەت باسشىسىنىڭ تاپسىرمالارى قالاي ورىندالىپ جاتقانىن بٸلۋ, گيدروتەحنيكالىق قۇرىلىستار مەن گيدرومەتەورولوگييالىق قىزمەتتەردٸڭ جاي-كٷيٸن تەكسەرۋ, سۋ تاسقىنى قاۋپٸ جوعارى ايماقتاردا زاڭسىز قۇرىلىس مەسەلەسٸنٸڭ قالاي شەشٸلٸپ جاتقانىن انىقتاۋ. سونداي-اق, تٶتەنشە جاعدايلاردىڭ الدىن الۋ ٷشٸن قانداي ناقتى شارالار قابىلدانىپ جاتقانىن تالقىلاۋ ماڭىزدى», – دەدٸ اندرەي لۋكين.
وتىرىس بارىسىندا تٶتەنشە جاعدايلار مينيسترٸ شىڭعىس ەرٸنوۆ 2024 جىلعى سۋ تاسقىنىنىڭ سالدارىنا تالداۋ جاساپ, ٶتكەن كٶكتەمدە قازاقستان سوڭعى 80 جىلدا بولماعان اۋقىمدى سۋ تاسقىنىنا تاپ بولعانىن ەسكە سالدى. بۇل اپات 12 ٶڭٸردە 12 مىڭعا جۋىق جەكە تۇرعىن ٷي مەن 62 كٶپقاباتتى عيماراتتى سۋ استىندا قالدىردى. ونىڭ سالدارىن جويۋ ٷشٸن قۇتقارۋشىلار, ەسكەريلەر, پوليتسييا, ۇلتتىق گۆاردييا جۇمىلدىرىلىپ, اۆياتسييا مەن ينجەنەرلٸك تەحنيكا پايدالانىلدى. نەتيجەسٸندە 35 ميلليون تەكشە مەتردەن استام سۋ سورىلىپ, ٶزەن ارنالارىنىڭ تٷبٸن تەرەڭدەتۋ جەنە جاعالاۋدى بەكٸتۋ بويىنشا اۋقىمدى جۇمىستار جٷرگٸزٸلدٸ. مينيستر ٶتكەن جىلعى سۋ تاسقىنىن تالداۋ نەگٸزٸندە 2025 جىلعى كٶكتەمگٸ كەزەڭگە بەلسەندٸ دايىندىق جٷرگٸزٸلٸپ جاتقانىن اتاپ ٶتتٸ.
سونداي-اق, سۋ رەسۋرستارى جەنە يرريگاتسييا بٸرٸنشٸ ۆيتسە-مينيسترٸ بولات بەكنيياز دەپۋتاتتارعا ىقتيمال سۋ باسۋدىڭ الدىن الۋ جٶنٸندە قابىلدانىپ جاتقان تەحنيكالىق شارالار تۋرالى باياندادى. سونىمەن قاتار 2024 جىلى قازاقستان-رەسەي بٸرلەسكەن جۇمىس توبى قۇرىلىپ, ترانسشەكارالىق سۋ باسسەيندەرٸندەگٸ گيدروتەحنيكالىق قۇرىلىستاردىڭ جۇمىسىن ٷيلەستٸرۋمەن اينالىسىپ جاتقانى ايتىلدى.
دەپۋتاتتار ٷكٸمەت ساعاتىنىڭ قورىتىندىسى بويىنشا 2025 جىلعى سۋ تاسقىنى كەزەڭٸنە جان-جاقتى دايىندىقتى جالعاستىرۋدى, گيدروتەحنيكالىق قۇرىلىستاردى قارجىلاندىرۋدى ارتتىرۋدى جەنە تٶتەنشە جاعدايلاردىڭ الدىن الۋدىڭ زاماناۋي ەدٸستەرٸن ەنگٸزۋدٸ ۇسىندى.
