سۋ قۇبىرىن سەنٸمگەرلٸك باسقارۋعا بەرۋ مٷمكٸندٸگٸن قاراستىرۋ قاجەت. بۇل تۋرالى بٷگٸن ٷكٸمەت وتىرىسىندا پرەمەر-مينيستر ەليحان سمايىلوۆ ايتتى, دەپ حابارلايدى قازاقپارات.
«ەلدٸ مەكەندەردٸ ساپالى اۋىز سۋمەن قامتاماسىز ەتۋ – الدىمىزدا تۇرعان ەڭ ماڭىزدى مٸندەتتەردٸڭ بٸرٸ. 2025 جىلدىڭ سوڭىنا دەيٸن حالىقتىڭ 100 پايىزى تازا اۋىز سۋمەن قامتىلۋى تيٸس. بۇل – ەلەۋمەتتٸك ماڭىزى جوعارى مەسەلە. سوندىقتان, ەكٸمدٸكتەر اۋىلدار مەن قالالاردا تيٸستٸ ينفراقۇرىلىمدى تارتۋ جۇمىستارىنا ەرەكشە مەن بەرۋٸ تيٸس. اتالعان جوبالاردى قارجىلاندىرۋعا باسىمدىق بەرٸلۋ كەرەك. قولدانىستاعى جەنە جاڭادان ٸسكە قوسىلاتىن نىسانداردى تيٸمدٸ پايدالانۋ ٷشٸن سالانى اۆتوماتتاندىرۋ كەرەك. ياعني, يننوۆاتسييالىق تەحنولوگييالاردى ەنگٸزۋگە ەرەكشە مەن بەرگەن دۇرىس. وبلىس ەكٸمدەرٸ سۋ قۇبىرلارىن كٷتٸپ ۇستاپ, ولاردى تيٸستٸ مەكەمەلەرگە سەنٸمگەرلٸك باسقارۋعا بەرۋ مٷمكٸندٸگٸن قاراستىرۋ قاجەت», - دەدٸ ٷكٸمەت باسشىسى.
ونىڭ اتاپ ٶتۋٸنشە, ەكٸمدٸكتەر اۋىل ٸشٸندە جٷرگٸزٸلٸپ جاتقان سۋ قۇبىرلارى مەن ەلدٸ مەكەنگە دەيٸن تارتىلاتىن توپتىق سۋ قۇبىرلارىنىڭ جوسپارىن بٸر-بٸرٸنە سەيكەستەندٸرۋٸ تيٸس.
«كەيبٸر توپتىق سۋ ٶتكٸزگٸشتەردٸڭ قۇرىلىسى جىلدار بويى اياقتالماي جاتقانى جاسىرىن ەمەس. دەگەنمەن, قازٸر جاعداي بٸرشاما جاقسارىپ كەلەدٸ. قۇرىلىسى ۇزاققا سوزىلعان 10 جوبانىڭ قازٸر 7-ەۋٸ پايدالانۋعا بەرٸلدٸ. قالعان 3 جوبا بيىل ٸسكە قوسىلادى. مۇنداي پروبلەمالاردىڭ ورىن الۋىنىڭ باستى سەبەبٸ - نەگٸزٸنەن جوبالىق قۇجاتتامالاردىڭ ساپاسىز دايىندالۋى», - دەدٸ ول.
پرەمەر-مينيستر سونىڭ كەسٸرٸنەن جوبا قۇنى بٸرنەشە ەسە قىمباتتاپ كەتەدٸ دە تاپسىرىس بەرۋشٸلەر مەن مەردٸگەر كومپانييالار اراسىندا كەلٸسپەۋشٸلٸك ورىن الاتىندىعىن باسا ايتتى.
«مۇنىڭ بارلىعى جەرگٸلٸكتٸ بيلٸك تاراپىنان ٷيلەستٸرۋ جۇمىستارىنىڭ ەلسٸزدٸگٸنەن. جاڭا جوبالاردى ٸسكە اسىرۋ كەزٸندە وسى جايتتاردىڭ بارلىعىن ەسكەرٸپ, تاپسىرما ۋاقىتىندا ورىندالۋى قاجەت. اتالعان پروبلەمالارعا قاراماستان, جالپى, حالىقتى سۋمەن قامتاماسىز ەتۋ جۇمىستارى جاقسى قارقىنمەن جٷرٸپ جاتىر» - دەدٸ ەليحان سمايىلوۆ.
