الماتىدا ٶتكەن تامىز جيىنى بارىسىندا قر بٸلٸم جەنە عىلىم ۆيتسە-مينيسترٸ اسحات ايماعامبەتوۆ بٸلٸم سالاسىنداعى پلاگياتپەن كٷرەس قالاي جٷرگٸزٸلەتٸنٸن ايتتى, دەپ حابارلايدى قازاقپارات تٸلشٸسٸ.
ۆيتسە-مينيستر اسحات ايماعامبەتوۆ ۇبت كوميسسيياسىندا جۇمىس ٸستەگەن كەزٸندە كٶشٸرۋگە تىرىسقانداردى جيٸ كٶرگەنٸن ايتتى. الماتىدا دارىندى بالالارعا ارنالعان مەكتەپ ديرەكتورلارىمەن, پەداگوگتارىمەن كەزدەسۋ بارىسىندا ۆيتسە-مينيستر كٶشٸرۋ پروبلەماسىمەن كٷرەس تەتٸكتەرٸ تۋرالى ايتتى.
«اكادەمييالىق شىنايىلىق بٸزدە جوقتىڭ قاسى. وعان تەربيەلەمەيمٸز دە. ەندٸ رەفەرات, ەسسە, بارلىق ۋنيۆەرسيتەتتٸك جۇمىستار انتيپلاگيات باعدارلاماسىمەن تەكسەرۋدەن ٶتەدٸ. بۇل تەكسەرۋگە مەكتەپتەر دە ٸلٸنەدٸ. ەر جازبا جۇمىسى تەكسەرٸلەدٸ. ەگەر پلاگيات ەكەنٸ انىقتالسا, قاتاڭ جازالانۋى تيٸس. دارىندى بالالارعا ارنالعان مامانداندىرىلعان مەكتەپتەردە كٶشٸرۋگە قارسى ٷردٸس قالىپتاسۋى كەرەك. بۇل ٸستٸ دارىن ورتالىعى باقىلاۋعا الۋى تيٸس»,- دەدٸ اسحات ايماعامبەتوۆ.
ونىڭ ايتۋىنشا, وقۋشىلار بٸلٸمٸ تەك جاتتاۋمەن شەكتەلمەۋٸ تيٸس.
«كەي مەكتەپتەر 10-11 سىنىپتاردا بالالاردىڭ باسقا ساباقتارىنا نۇقسان كەلتٸرە وتىرىپ, تٷرلٸ كۋرستارعا, تەستٸلەرگە قاتىستىرادى. بالا ساباقتى جاتتاعاننان اقىلدى بولىپ كەتپەيدٸ. ەگەر, ساباقتى تولىق تٷسٸنٸپ الساڭ, كەز-كەلگەن ساۋالعا جاۋاپ بەرە الاسىڭ. مەن ۇبت كوميسسيياسىنىڭ قۇرامىندا كٶپ جىلدان بەرٸ ٸستەپ كەلەم. بالا بٸلمەيتٸن سۇراق كەپ قالسا, ٷنسٸز قالادى. ەگەر وعان تۋرا وسى سۇراقتى باسقا قىرىنان قويساڭىز, بالا تٷسٸنە باستايدى. بٸز بالالاردى تەستكە ەبدەن ٷيرەتكەنٸمٸز سونشا, تەست سۇراعىنىڭ مازمۇنى ٶزگەرتٸلسە, بالا تٷسٸنبەي قالادى. دارىندى بالالارعا ارنالعان مەكتەپتەردە بالاعا جاتتاتۋدى توقتاتۋ كەرەك. بالا ويلانىپ ٷيرەنگەنٸ دۇرىس. بۇل ماڭىزدى», - دەدٸ پەداگوگتارعا اسحات ايماعامبەتوۆ.
ۆيتسە-مينيستردٸڭ سٶزٸنشە, قازٸرگٸ قالىپتاسىپ كەلە جاتقان بٸلٸم بەرۋ جٷيەسٸ بالانىڭ ويلاۋ قابٸلەتٸن ارتتىرۋعا باعىتتالعان.
«جوو-لار دا كرەديتتٸك جٷيەگە كٶشتٸ. اكادەمييالىق ەركٸندٸككە باعىت الدى. لەكتسييا, سەمينار بارىسىندا ستۋدەنتتەر مەن ۇستازدار بٸرجاقتى بولماي, داۋلاسىپ, تالاسىپ, بٸر-بٸرٸنە سۇراق قويىپ وتىرۋى تيٸس. بالالار ۋنيۆەرسيتەتكە كەلگەندە ولارعا ٶتە قيىن. ولاردىڭ ارتىنان جٷرەتٸن مۇعالٸم جوق», - دەدٸ اسحات ايماعامبەتوۆ.
