تٷركٸستان وبلىسىنىڭ تۇرعىنى جارتى ميلليون تەڭگەنٸ مەدەنيەت جەنە سپورت مينيسترٸ ارىستانبەك مۇحامەديۇلىنىڭ قولىنان الدى. ازامات ساپار تۋرنيكتٸ ۇرشىقشا يٸرەتٸنٸن كٶرسەتٸپ, 500 مىڭ تەڭگەنٸ ۇتىپ الدى.
استانى قالاسىنىڭ 20-جىلدىعىن مەرەكەلەۋ اياسىندا «ەتنواۋىل» ۇلتتىق-مەدەني كەشەنٸندە سەۋٸر ايىنىڭ سوڭىندا مينيستر ارىستانبەك مۇحامەديۇلى باستاعان ChallengeStreetWorkoutتٸڭ قورىتىندىسى شىعارىلدى. باس-اياعى بايقاۋعا ەلٸمٸزدٸڭ تٷرلٸ ٶڭٸرلەرٸنەن 167 ٶتٸنٸم تٷستٸ. سونىمەن قاتار, اقش, قىتاي مەملەكەتتەرٸنەن دە قاتىسۋشىلار بەلسەندٸلٸك تانىتتى.
قازىلار القاسىنىڭ پٸكٸرٸنشە, بەينەجازبالاردىڭ اۆتورلارى چەللەندجگە اسا جاۋاپكەرشٸلٸكپەن قاراعان. 167 ٶتٸنٸمنٸڭ 126-سى قازىلار القاسىنىڭ قاراۋىنان ٶتتٸ, الماتى, استانا, تالدىقورعان, قاراعاندى وبلىسىنان ەڭ كٶپ ٶتٸنٸم كەلٸپ تٷسكەن.
قاتىسۋشىلار اراسىندا ەلٸمٸزگە تانىمال سەرٸك سەپيەۆ, ەدٸل احمەتوۆ, قايرات نۇرتاس, دەنيس تەن, گاليب دجافاروۆ, قانات يسلام, جاقسىلىق ٷشكەمپٸروۆ, يۋريي مەلنيچەنكو, نۇرباقىت تەڭٸزباەۆ, ەسەت يمانباەۆ, ارداق نازاروۆ, مٶلدٸر ەۋەلبەكوۆا, مەلومەن توبى جەنە باسقا دا سپورت جەنە ٶنەر قايراتكەرلەرٸ بار.
ٶتٸنٸمدٸ تٸپتٸ ۇجىم بولىپ جٸبەرگەندەر بار, ولاردىڭ اراسىندا – ۇلتتىق شتاتتىق كوماندالار رەزەرۆٸ ديرەكتسيياسى, جاركەنت اراسان ساناتوريٸ, اقتٶبە وبلىسىنىڭ سپورت جەنە دەنە شىنىقتىرۋ باسقارماسى, ٷكٸمەت ٶكٸلدەرٸ – ماڭعىستاۋ وبلىسىنىڭ ەكٸمٸ ەرالى توعجانوۆ, الماتى وبلىسى ەكٸمٸنٸڭ ورىنباسارى جاقسىلىق ومار دا قاتىسقان.
ارىستانبەك مۇحامەديۇلى اتالعان چەللەندجدٸڭ سالاۋاتتى ٶمٸر سالتىن قالىپتاستىرۋدا ماڭىزدىلىعىن اتاپ ٶتتٸ.
«وسى چەللەندجدٸڭ قاتىسۋشىلارىنا العىس بٸلدٸرەمٸن. بۇل بٸزدٸڭ سوڭعى اكتسييامىز ەمەس, بٸز بۇدان ەرٸ دە مۇنداي شارالاردى جالعاستىرامىز. بٸز جاقىن ارادا اقتاۋ قالاسىندا سپورت الاڭىن سالامىز», - دەدٸ ارىستانبەك مۇحامەديۇلى.
ەڭ ٷزدٸك روليكتٸڭ اۆتورى اقتاۋلىق ەلدار ياگياەۆ. ول 10 مىڭ داۋىس جينادى. ەندٸ ونىڭ قالاسىندا كەسٸبي كٶشە الاڭى پايدا بولادى.
اقتٶبە قالاسىنىڭ تۇرعىنى, 8 جاستاعى رەكوردشى مۇسا تۋركۋمباەۆتا ىنتالاندىرۋ سىيلىعىنا يە بولدى. الماتىلىق سايات دٷيسەنبٸ دە نازاردان تىس قالمادى. قوستاناي قالاسىنىڭ ٸٸم اكادەميياسى «ٷزدٸك كوماندالىق بەينەجازبا» اتالىمىندا ٷزدٸك شىقتى, «ٷزدٸك موتيۆاتسييالىق بەينەجازبا» تولاعاي شىنبولاتوۆتىڭ ەنشٸسٸندە, ال ۇلتتىق شتاتتىق كوماندالار رەزەرۆٸنٸڭ بەينەجازباسى «ەڭ ساپالى ۆيدەو» اتالىمىندا ٷزدٸك اتاندى.
