ستراسبۋرگ WTA تۋرنيرٸنٸڭ العاشقى كٷنٸ بويىنشا قازاقستاندىق زارينا ديياستىڭ سوققىسى ٷزدٸك دەپ تانىلدى, دەپ حابارلايدى "ۇلت اقپارات".
كەشە ٷش ساعاتتان استام ۋاقىتقا سوزىلعان اسا تارتىستى ماتچتا قازاقستاندىق تەننيسشٸ امەريكالىق كريستينا ماكحەيلمەن ايقاسقان بولاتىن.
ٷشٸنشٸ, شەشۋشٸ پارتييادا تاي-برەيكتە زارينا 5:3 ەسەبٸمەن الدا تۇرعان كەزدە قارسىلاسى دوپ بەردٸ. مٸنە, وسى سەتتە شەبەرلٸك تانىتقان ز.ديياس كورتتان شىعىپ بارا جاتقان دوپتى قايتارىپ ٷلگەردٸ. سٶيتٸپ ميني-برەيك جاساپ, ەڭ شەشۋشٸ سەتتە سەتتٸ ويناي بٸلدٸ. سودان كەيٸن ٶزٸ دوپ بەرگەندە, تاي-برەيكتٸ دە, تۇتاس ماتچتى دا جەڭٸسپەن اياقتاي الدى.
زارينا ەكٸنشٸ اينالىمدا ەرتەڭ دٷنيەجٷزٸلٸك رەيتينگتە 83-ساتىدا تۇرعان جاپونييالىق ناو حيبينومەن شەبەرلٸك بايقاسادى.
قازاقستاننىڭ بٸرٸنشٸ, ەلەمنٸڭ 18-راكەتكاسى ەلەنا رىباكينا بٷگٸن ستراسبۋرگتە ەكٸنشٸ اينالىمدا رەيتينگتە 52-ورىندا تۇرعان فرانتسييالىق اليزە كورنەمەن كورتقا شىعادى.
ەرلەر اراسىندا قازاقستانننىڭ بٸرٸنشٸ, ەلەمنٸڭ 56-راكەتكاسى الەكساندر بۋبليك جٷلدە قورى 1,7 ملن ەۋرودان اساتىن گامبۋرگ تۋرنيرٸنە قاتىساتىن بولدى.
مۇندا العاشقى اينالىمدا ەلەمنٸڭ 13-راكەتكاسى, ارگەنتينالىق ديەگو شۆارتسمان رەيتينگتە 44-ورىنداعى يسپانييالىق البەرت راموسپەن ويناۋى تيٸس ەدٸ. الايدا كەشە ريم ماستەرس تۋرنيرٸنٸڭ فينالىندا ەلەمنٸڭ 1-راكەتكاسى, سەربييالىق نوۆاك دجوكوۆيچتەن ۇتىلعان د.شۆارتسمان گامبۋرگكە كەلمەي قالدى دا, ورنىنا وسى جارىستىڭ ٸرٸكتەۋ سايىستارىنىڭ فينالىندا جەڭٸلٸپ قالعان ا.بۋبليك شاقىرىلدى. بۇل – ەندٸ ا.راموسپەن سىنعا تٷسەتٸن قازاقستاندىق تەننيسشٸ ٷشٸن بەرٸلٸپ وتىرعان جاقسى مٷمكٸندٸك.
تاعى بٸر قازاقستاندىق دميتريي پوپكو رولان گارروس تۋرنيرٸ ٸرٸكتەۋ سايىستارىنىڭ جارتىلاي فينالىندا گەرمانييالىق وسكار وتتتەمەن كەزدەسەدٸ. ونى ۇتسا, ٸرٸكتەۋ سايىسىنىڭ فينالىنا شىعادى.
