Strasbýrg WTA týrniriniń alǵashqy kúni boiynsha qazaqstandyq Zarina Diiastyń soqqysy úzdik dep tanyldy, dep habarlaidy "Ult aqparat".
Keshe úsh saǵattan astam ýaqytqa sozylǵan asa tartysty matchta qazaqstandyq tennisshi amerikalyq Kristina Makheilmen aiqasqan bolatyn.
Úshinshi, sheshýshi partiiada tai-breikte Zarina 5:3 esebimen alda turǵan kezde qarsylasy dop berdi. Mine, osy sátte sheberlik tanytqan Z.Diias korttan shyǵyp bara jatqan dopty qaitaryp úlgerdi. Sóitip mini-breik jasap, eń sheshýshi sátte sátti oinai bildi. Sodan keiin ózi dop bergende, tai-breikti de, tutas matchty da jeńispen aiaqtai aldy.
Zarina ekinshi ainalymda erteń dúniejúzilik reitingte 83-satyda turǵan japoniialyq Nao Hibinomen sheberlik baiqasady.
Qazaqstannyń birinshi, álemniń 18-raketkasy Elena Rybakina búgin Strasbýrgte ekinshi ainalymda reitingte 52-orynda turǵan frantsiialyq Alize Kornemen kortqa shyǵady.
Erler arasynda Qazaqstannnyń birinshi, álemniń 56-raketkasy Aleksandr Býblik júlde qory 1,7 mln eýrodan asatyn Gambýrg týrnirine qatysatyn boldy.
Munda alǵashqy ainalymda álemniń 13-raketkasy, argentinalyq Diego Shvartsman reitingte 44-oryndaǵy ispaniialyq Albert Ramospen oinaýy tiis edi. Alaida keshe Rim masters týrniriniń finalynda álemniń 1-raketkasy, serbiialyq Novak Djokovichten utylǵan D.Shvartsman Gambýrgke kelmei qaldy da, ornyna osy jarystyń irikteý saiystarynyń finalynda jeńilip qalǵan A.Býblik shaqyryldy. Bul – endi A.Ramospen synǵa túsetin qazaqstandyq tennisshi úshin berilip otyrǵan jaqsy múmkindik.
Taǵy bir qazaqstandyq Dmitrii Popko Rolan Garros týrniri irikteý saiystarynyń jartylai finalynda germaniialyq Oskar Otttemen kezdesedi. Ony utsa, irikteý saiysynyń finalyna shyǵady.
