فوتو: گازەتا.رۋ
قازان ايىنىڭ سوڭىندا ستەپنوگورسكتە ەر ادام جاس قىزدى ۇرلاپ ەكەتٸپ, بٸر ايعا جۋىق سەكسۋالدىق قۇلدىقتا ۇستاعانى بەلگٸلٸ بولدى. جەبٸرلەنۋشٸنٸڭ تۋىسى تەرگەۋدٸڭ ەدٸل جٷرگٸزٸلۋٸن تالاپ ەتٸپ, دابىل قاقتى, دەپ حابارلايدى Ult.kz Stan.kz-كە سٸلتەمە جاساپ.
تۋىسىنىڭ ايتۋىنشا, جەبٸرلەنۋشٸ التىن ٶندٸرەتٸن كەن ورنىندا كٷزەتشٸ بولىپ جۇمىس ٸستەگەن. سول جەردە بٸرگە ٸستەيتٸن ەرٸپتەسٸ ونى الداپ, ٷيلەنۋگە ۋەدە بەرٸپ, اناسىنا دا كەزدەسٸپ, سەنٸمٸنە كٸرگەن. قازان ايىنىڭ سوڭىندا قىز “جٸگٸتٸم جٸبەرمەي جاتىر” دەپ حابارلاعان سوڭ بايلانىس ٷزٸلگەن.
تۋىستارىنىڭ سٶزٸنشە, كٷدٸكتٸ قىزدى بەلگٸسٸز جەردە ۇستاپ, تاماق پەن سۋ بەرمەي, ازاپتاپ, ەسٸرتكٸ قولدانۋعا مەجبٷرلەگەن, ۇيقىدان ايىرعان. جەبٸرلەنۋشٸنٸڭ جاقىندارى ەر ادام جالعىز بولماعان بولۋى مٷمكٸن دەپ كٷدٸكتەنٸپ وتىر.
“ول ناعىز توزاقتان ٶتتٸ. ەپكەم تەرەزەدەن ەرەڭ قاشىپ شىققان. اياقتارى جارالانعان, ٷستٸندە كيٸم جوق, قانسىراعان كٷيٸ كٶشەدە ٶتٸپ بارا جاتقانداردان كٶمەك سۇراعان. قازٸر ستەپنوگورسك اۋرۋحاناسىندا جاتىر”, – دەپ جازدى Threads قولدانۋشىسى.
ايتۋىنشا, قىز ەبدەن قالجىراعان, جٷرە المايدى, جاناسسا دا دٸرٸلدەپ, جىلاي بەرەدٸ. دەرٸگەرلەر “اۋىر جاعدايىن ۋشىقتىرماۋ ٷشٸن” تۋىستارىن كٸرگٸزبەي وتىر, بٸراق تەرگەۋشٸ مەن ۋچاسكەلٸك ينسپەكتورعا شەكتەۋ جوق.
تۋىستارى جەبٸرلەنۋشٸنٸڭ جاعدايىن “ٶز ەركٸمەن بولدى” دەپ كٶرسەتۋٸ مٷمكٸن دەپ الاڭدايدى. سونىمەن قاتار اۋرۋحانادا ەلٸ قاجەتتٸ ساراپتامالار جاسالماعاندىقتان, سەكسۋالدىق زورلىق فاكتٸسٸ راستالماعان.
اقمولا وبلىستىق پوليتسييا دەپارتامەنتٸ ٸستٸڭ ستەپنوگورسك قالالىق پوليتسيياسىندا تٸركەلگەنٸن راستادى. قازٸرگٸ تاڭدا قىز پسيحيكالىق دەنساۋلىق ورتالىعىندا ەمدەلٸپ جاتىر.
“اۋرۋحاناعا جەتكٸزٸلگەندە ونىڭ دەنەسٸنەن سىنعان شىنىدان قالعان جاراقاتتار, سونداي-اق ەسٸرتكٸ جەنە الكوگولدٸك ماساڭدىق بەلگٸلەرٸ انىقتالدى. جەبٸرلەنۋشٸ تاراپتىڭ ۋەجدەرٸ مەن وقيعانىڭ بارلىق مەن-جايى مۇقييات تەكسەرٸلٸپ, سوڭعى پروتسەسسۋالدىق شەشٸم قابىلدانادى. ازاماتتاردان تەك رەسمي اقپاراتقا سەنۋدٸ سۇرايمىز”, – دەپ حابارلادى ۆەدومستۆو.
