فوتو: pixabay.com
ستەپنوگور قالاسى مەكتەبٸنٸڭ باس ەسەپشٸسٸ مەكتەپ ديرەكتورىنىڭ ەتسق كٸلتٸن پايدالانىپ, ٶزٸنە جوعارى جالاقىنى زاڭسىز ەسەپتەگەن. سوت ونى بەس جىلعا باس بوستاندىعىنان ايىردى, دەپ حابارلايدى Sputnik قازاقستان.
ستەپنوگور قالاسى مەكتەپتەرٸنٸڭ بٸرٸنٸڭ باس ەسەپشٸسٸ مەكەمەنٸڭ شوتىنان ٶزٸنٸڭ بانكتٸك شوتىنا قاراجات اۋدارىپ, ول اقشانى بانكوماتتاردان قولما-قول الىپ وتىرعان.
2022 جىلدىڭ سەۋٸرٸنەن 2023 جىلدىڭ ناۋرىزىنا دەيٸن ەسەپشٸ ٶزٸنە 36 ميلليون تەڭگەدەن استام سومانى زاڭسىز اۋدارعان. قۇقىق قورعاۋ ورگاندارىنىڭ پٸكٸرٸنشە, ەسەپشٸ قىزمەتتٸك ەرەجەنٸ پايدالانا وتىرىپ, اسا ٸرٸ مٶلشەردە الاياقتىق جاساعان (قىلمىستىق كودەكستٸڭ 190-بابى 4-بٶلٸگٸنٸڭ 2-تارماعى).
"سوتتا ەسەپشٸ كٸنەسٸن تولىق مويىندادى. ونىڭ كٸنەسٸ سوت-ەكونوميكالىق ساراپتامانىڭ قورىتىندىسىمەن, ۇيالى تەلەفونىنداعى اقپاراتتارمەن, كۋەگەرلەردەن, مامانداردان جاۋاپ الۋمەن جەنە شوتتار بويىنشا بانك بەرگەن قۇجاتتارمەن راستالدى", - دەلٸنگەن ٸس ماتەريالدارىندا.
ستەپنوگور قالالىق سوتى ەكس-ەسەپشٸنٸ ماتەريالدىق جاۋاپكەرشٸلٸككە بايلانىستى قىزمەتپەن اينالىسۋ قۇقىعىنان ايىرا وتىرىپ, بەس جىلعا باس بوستاندىعىنان ايىرۋ تۋرالى ٷكٸم شىعاردى. سوتتالۋشىدان كەلتٸرٸلگەن ماتەريالدىق زالال ٶندٸرٸلدٸ.
"سوتتالعان ادامنىڭ اسىراۋىندا تٶرت جاس بالاسى بار ەكەنٸن ەسكەرە وتىرىپ, سوت قىلمىستىق كودەكستٸڭ 74-بابىنىڭ 1-بٶلٸگٸ نەگٸزٸندە بالاسى 14 جاسقا تولعانعا دەيٸن باس بوستاندىعىنان ايىرۋ تٷرٸندەگٸ جازانى ورىنداۋدى كەيٸنگە قالدىردى", - دەلٸنگەن ۆەدومستۆو حابارلاماسىندا.
ٷكٸم زاڭدى كٷشٸنە ەنگەن جوق.
