ستامبۋلداعى Reina كلۋبىنا شابۋىل جاساعان ادامنىڭ ۆيدەوعا تٷسٸپ قالعان بەينەسٸ.
قىرعىزستان مەملەكەتتٸك ۇلتتىق قاۋٸپسٸزدٸك كوميتەتٸ (مۇقك) "1 قاڭتار كٷنٸ تٷركييانىڭ ستامبۋل قالاسىندا بولعان قارۋلى شابۋىلعا قىرعىز ازاماتىنىڭ قاتىسى بار" دەگەن اقپاراتتى تەكسەرٸپ جاتقانىن ايتتى.
مۇقك ٶكٸلٸ راحات سۋلايمانوۆتىڭ ازاتتىققا ايتۋىنشا, قىرعىزستان بۇل دەرەككە بايلانىستى تٷركيياعا ارنايى سۇراۋ سالعان. ول قىلمىسقا كٷدٸكتٸ دەلٸنگەن ادامنىڭ پاسپورتىنىڭ كٶشٸرمەسٸ دەپ ينتەرنەتتە جارييالانعان مەلٸمەتتٸ دە تەكسەرٸپ جاتقاندارىن ايتتى. كەيٸن قىرعىزستاننىڭ مەملەكەتتٸك تٸركەۋ قىزمەتٸ باسشىسى تايىربەك سارپاشەۆ تە ول قۇجاتتىڭ كٶشٸرمەسٸن تەكسەرٸپ جاتقاندارىن مەلٸمدەدٸ.
ال تٷرٸك پوليتسييا كٷدٸكتٸ دەلٸنگەن ادامنىڭ سەلفي-ۆيدەوسىن جارييالاپ, سول شابۋىلعا قاتىسى بار دەلٸنگەن سەگٸز ادامنىڭ ۇستالعانىن حابارلادى.
قاڭتاردىڭ 1-ٸ كٷنٸ تٷندە ستامبۋلداعى Reina كلۋبىنا جاسالعان قارۋلى شابۋىلدان كەمٸندە 39 ادام قازا تاۋىپ, 40-قا جۋىق ادام جارالانعان.
