ستاليندٸك قۋعىن-سٷرگٸندٸ كەشٸرۋ مٷمكٸن ەمەس. بۇل تۋرالى مەملەكەت باسشىسى قاسىم-جومارت توقاەۆ «31ارنادا» كٶرسەتٸلگەن «پرەزيدەنت 2.0» دەرەكتٸ فيلمٸندە ايتتى, دەپ حابارلايدى قازاقپارات.
دەرەكتٸ فيلم بارىسىندا قازاقستان پرەزيدەنتٸ ەكەسٸ كەمەل جايىندا سٶز قوزعايدى.
«ول ٶمٸرٸنٸڭ سوڭىنا دەيٸن, سوعىستا جەڭگەنٸ ٷشٸن ستالينگە ريزا بولىپ ٶتتٸ. بۇل جەردە ٷلكەن قاراما-قايشىلىق تۋىنداپ تۇر. بٸر جاعىنان الىپ قاراعاندا, ول ستاليننٸڭ كەسٸرٸنەن جەتٸم قالدى. ال ەكٸنشٸ جاعىنان الىپ قاراساق, ول ستاليندٸ كەڭەس وداعى قارۋلى كٷشتەرٸنٸڭ ۇلى قولباسشىسى دەپ سانادى», - دەدٸ مەملەكەت باسشىسى.
وسى ورايدا, قاسىم-جومارت توقاەۆ جۋرناليستٸڭ «سٸز ٷشٸن ستالين كٸم?» دەگەن ساۋالىنا جاۋاپ بەردٸ.
«مەن ٷشٸن ستالين, ەرينە ٸرٸ تاريحي تۇلعا. بٸراق, كەز كەلگەن ٸرٸ تاريحي تۇلعا سيياقتى ستاليننٸڭ دە قاراما-قايشى جاقتارى بولدى. جاپپاي قۋعىن-سٷرگٸن, سونىڭ ٸشٸندە قازاقستان جەرٸندەگٸ قۋعىن-سٷرگٸندٸ كەشٸرۋ مٷمكٸن ەمەس. ستاليننٸڭ سويىلىن سوققان شولاق بەلسەندٸلەردٸڭ قولىنان كٶپتەگەن قازاقتىڭ زييالى قاۋىم ٶكٸلٸ تٷرمەدە جازىقسىزدان جازىقسىز قازا تاپتى. ەكٸنشٸ جاعىنان ەكەممەن دە كەلٸسەمٸن. ەل باسىنا كٷن تۋعان كەزدە كەڭەس وداعىن باسقارىپ, ەلدٸ جەڭٸسكە جەتكٸزدٸ», - دەدٸ قازاقستان پرەزيدەنتٸ.
