ورتالىق كوممۋنيكاتسييالار قىزمەتٸندە ٶتكەن بريفينگٸدە «سق-فارماتسييانىڭ» باسقارما تٶراعاسى ەرحات ەسقاليەۆ قولدانىستاعى ۆاكتسينالاردىڭ باعاسى تۋرالى اقپارات بەردٸ, دەپ حابارلايدى قازاقپارات.
«بٸزدە ۆاكتسينا باعاسىنا قاتىستى ساياسات مەملەكەتتٸك دەڭگەيدەگٸ كەلٸسسٶزدەر ارقىلى ايقىندالادى. ونىڭ كٶلەمٸ اشىق كٶزدەردە جارييالانعان. ناقتىراق ايتساق «سامۇرىق قازىنا» ساتىپ العان Hayat-Vax ۆاكتسيناسىنىڭ كەلٸسٸمشارتىنا بٸز دە كٶمەكتەسكەنبٸز. باعا 31 دوللار بولدى. شىن مەنٸندە نارىقتا ودان دا جوعارى باعا بار. بەلارۋس تا وسى باعامەن ساتىپ الدى. ياعني, باعا مەسەلەسٸ اشىق. ٶندٸرۋشٸ ەلدەر باعانى رەسمي تٷردە ۇسىنادى. بٸزگە كوروناۆيرۋس ينفەكتسيياسىنىڭ تارالۋىن بولدىرماۋ جٶنٸندەگٸ ۆەدومستۆوارالىق كوميسسييا ارقىلى كٶلەمٸ مەن باعاسى, اۆانستار بويىنشا تاپسىرما بەرٸلەدٸ. بٸز سونىڭ نەگٸزٸندە ساتىپ الامىز», - دەدٸ كومپانييا باسشىسى.
«سق-فارماتسييا» جشس باسقارما تٶراعاسى «سپۋتنيكV» ۆاكتسيناسىنىڭ باعاسى بارزانداتىلعانىن قايتالاپ ەسكە سالدى.
«سپۋتنيكV» بويىنشا ايتساق, وتاندىق ٶندٸرۋشٸ سۋبستانتسييادان ۆاكينا جاساپ وتىرعانىن بٸلەسٸزدەر. باسىندا رەسەي تاراپى جارييالاعان باعا قازٸرگٸدەن جوعارى بولاتىن. كەيٸن 21 دوللارعا دەيٸن تٷسٸردٸ. وسى باعانى ساقتاپ وتىرمىز. قاراعاندىداعى فارماتسەۆتيكالىق كەشەن وسى باعا بويىنشا جەتٸزەدٸ. ال باسىندا بٸر دوزاسى 26 دوللار بولاتىن. قازٸر نارىقتا ۆاكتسينا ٷشٸن مايدان جٷرٸپ جاتىر دەۋگە بولادى. ەۋروپادا بٸرنەشە جەتكٸزۋشٸمەن سوت جٷرٸپ جاتىر. ٷندٸستاندا ۆاكتسينا ۋاقىتىندا جەتپەي جاتىر. ال بٸزدٸڭ ەل جاساعان كەلٸسٸمدەردٸڭ ورىندالۋى قاتاڭ باقىلاۋدا», - دەدٸ ەرحات ەسقاليەۆ.
