Ortalyq kommýnikatsiialar qyzmetinde ótken brifingide «SQ-Farmatsiianyń» basqarma tóraǵasy Erhat Esqaliev qoldanystaǵy vaktsinalardyń baǵasy týraly aqparat berdi, dep habarlaidy QazAqparat.
«Bizde vaktsina baǵasyna qatysty saiasat memlekettik deńgeidegi kelissózder arqyly aiqyndalady. Onyń kólemi ashyq kózderde jariialanǵan. Naqtyraq aitsaq «Samuryq Qazyna» satyp alǵan Hayat-Vax vaktsinasynyń kelisimshartyna biz de kómekteskenbiz. Baǵa 31 dollar boldy. Shyn máninde naryqta odan da joǵary baǵa bar. Belarýs ta osy baǵamen satyp aldy. Iaǵni, baǵa máselesi ashyq. Óndirýshi elder baǵany resmi túrde usynady. Bizge koronavirýs infektsiiasynyń taralýyn boldyrmaý jónindegi vedomstvoaralyq komissiia arqyly kólemi men baǵasy, avanstar boiynsha tapsyrma beriledi. Biz sonyń negizinde satyp alamyz», - dedi kompaniia basshysy.
«SQ-Farmatsiia» JShS basqarma tóraǵasy «SpýtnikV» vaktsinasynyń baǵasy barzandatylǵanyn qaitalap eske saldy.
«SpýtnikV» boiynsha aitsaq, otandyq óndirýshi sýbstantsiiadan vakina jasap otyrǵanyn bilesizder. Basynda Resei tarapy jariialaǵan baǵa qazirgiden joǵary bolatyn. Keiin 21 dollarǵa deiin túsirdi. Osy baǵany saqtap otyrmyz. Qaraǵandydaǵy farmatsevtikalyq keshen osy baǵa boiynsha jetizedi. Al basynda bir dozasy 26 dollar bolatyn. Qazir naryqta vaktsina úshin maidan júrip jatyr deýge bolady. Eýropada birneshe jetkizýshimen sot júrip jatyr. Úndistanda vaktsina ýaqytynda jetpei jatyr. Al bizdiń el jasaǵan kelisimderdiń oryndalýy qatań baqylaýda», - dedi Erhat Esqaliev.
