رەسەي مۇسىلماندارى دٸني باسقارماسى سپۋتنيك V ۆاكتسيناسىن جاساۋشىلاردان ونىڭ قۇرامى تۋرالى اقپارات الدى. الدىن الا مەلٸمەتتەر بويىنشا, ولاردا مۇسىلماندار ٷشٸن تىيىم سالىنعان ەشتەڭە جوق, دەدٸ رەسەي فەدەراتسيياسى مۇسىلماندار دٸني باسقارماسىنىڭ تٶراعاسىنىڭ ورىنباسارى, مٷفتي يلدار الياۋتدينوۆ. بۇل تۋرالى «ريا نوۆوستي» اگەنتتٸگٸ حابارلادى.
بۇعان دەيٸن مۇسىلمانداردى جاڭا ۆاكتسينا كومپونەنتتەرٸنٸڭ حالالدىققا سەيكەستٸگٸ ويلاندىرعان بولاتىن. ەسٸرەسە ولاردى ٶندٸرٸس پروتسەسٸندە شوشقا جەلاتينٸن قولدانۋ الاڭداتتى. بۇعان دەيٸن تاتارستان مٷفتيياتىندا حابارلاعانداي, ەگەر ول قانداي دا بٸر تٷردە قولدانىلسا, وندا ۆاكتسينا جارامسىز, ال ونى مۇسىلمانداردىڭ پايدالانۋىن دٸن ماماندارى شەشۋٸ كەرەك.
«ەزٸرلەۋشٸلەردەن جاۋاپ كەلدٸ. شوشقا جەلاتينٸ جوق, ادامنىڭ قۇرامداس بٶلٸكتەرٸ (جاسۋشا جەلٸسٸ) دە جوق. بٸز يسلام تۇرعىسىنان تىيىم سالىنعان نەرسە جوق دەپ ايتا الامىز», – دەدٸ الياۋتدينوۆ.
ونىڭ ايتۋىنشا, ەزٸرلەۋشٸلەرگە ۆاكتسينانىڭ قۇرامى تۋرالى سۇراقتار قويىلدى جەنە كەلەسٸ اپتادا ۆاكتسينالاردى ەزٸرلەۋمەن اينالىساتىن عىلىمي ينستيتۋتتاردىڭ ٶكٸلدەرٸ مەن دٸن ماماندارىنىڭ بٸرلەسكەن وتىرىسى جوسپارلانۋدا.
«سونىمەن قاتار بٸز دٸني-قۇقىقتىق قورىتىندى – پەتۋە دايىندايمىز», – دەپ تٷسٸندٸردٸ مٷفتي.
