فوتو: ۇيىمداستىرۋشىلاردان
تالدىقورعان قالاسىندا شاعىن فۋتبولدان دەستٷرلٸ تۋرنير ٶتتٸ. سپورتتىق شارا سارقان اۋدانىنا قاراستى قارابٶگەت اۋىلىنىڭ 1980 جىلى تۋعان ازاماتتارىنىڭ باستاماسىمەن ۇيىمداستىرىلىپ, مارقۇم بولعان اۋىلداستاردىڭ رۋحىنا ارنالدى, دەپ حابارلايدى Ult.kz.
تۋرنيردٸڭ باستى ماقساتى – ٶمٸردەن وزعان ازاماتتاردى ەسكە الىپ, اۋىلداستار اراسىنداعى دوستىقتى, بٸرلٸكتٸ نىعايتۋ, ٷلكەنگە قۇرمەت, كٸشٸگە ٸزەت كٶرسەتۋ جەنە جاستاردى سالاۋاتتى ٶمٸر سالتىنا باۋلۋ.
بۇل جولعى جارىس مارقۇم بولعان ازاماتتار – ەيتەنوۆ ەدٸل دٷيسەتايۇلى, نۇرعاليەۆ ايدىنبەك بايعاليۇلى, باجاەۆ المات ماراتۇلى, كيريسبەكوۆ دۋلات قوجاحمەتۇلى جەنە بٶلەگەنوۆ رەگيستان ماراتۇلىنىڭ جارقىن بەينەسٸنە ارنالدى.
«بٷگٸنگٸ تۋرنير جوعارى دەڭگەيدە ٶتتٸ. بٸرلٸكتٸڭ ارقاسىندا جاستارىمىز بۇقارالىق سپورتقا دەن قويىپ كەلەدٸ. سونىمەن قاتار دٷنيەدەن وزعان جولداستارىن ەسكە الىپ, اس بەرٸپ, ساۋاپتى ٸس جاساپ وتىر. بۇل يگٸ باستاما الداعى ۋاقىتتا دا جالعاسىن تابادى دەپ سەنەمٸن», – دەدٸ قارابٶگەت اۋىلىنىڭ تۋماسى, مارقۇم رەگيستان بٶلەگەنوۆتٸڭ ەكەسٸ مارات بٶلەگەنۇلى.
بيىل ٷشٸنشٸ مەرتە ۇيىمداستىرىلعان تۋرنيرگە 11 كوماندا قاتىستى. جٷلدەلٸ ورىندار كەلەسٸدەي ٷلەستٸرٸلدٸ: I ورىن – 2001 جىلعى تٷلەكتەر (100 000 تەڭگە), II ورىن – 1980 جىلعى تٷلەكتەر (70 000 تەڭگە), III ورىن – 1988 جىلعى تٷلەكتەر (50 000 تەڭگە), IV ورىن – ىنتالاندىرۋ سىيلىعى. سونىمەن قاتار ٷزدٸك ويىنشىلارعا ارنايى كۋبوكتار, مەدالدار, ماداقتامالار جەنە قارجىلاي سىيلىقتار تابىستالدى.
«تۋرنيردەن العان ەسەرٸمدٸ سٶزبەن جەتكٸزۋ قيىن. وسىنداي شارالار بٸزدٸ جاقىنداستىرىپ, ۇمىت بولا باستاعان دوستىقتى قايتا جانداندىرادى. بۇل – ناعىز بٸرلٸك پەن جەرلەستٸك رۋحىنىڭ كٶرٸنٸسٸ», – دەدٸ ويىنعا قاتىسۋشى نۇرلان قابدولدين.
ال «1988» كومانداسىنىڭ مٷشەسٸ نۇربول بەرٸكبولۇلى ٶز ويىن بىلاي جەتكٸزدٸ:
«ەر ويىن سەتٸندە تەك فۋتبول ەمەس, شىنايى دوستىق پەن ٶزارا قولداۋدى سەزٸندٸك. وسىنداي كەزدەسۋلەر كٷندەلٸكتٸ تٸرشٸلٸكتە الىستاپ كەتكەن باۋىرلاردى قايتا تابىستىرىپ, ۇرپاقتار ساباقتاستىعىن كٷشەيتەدٸ».
تۋرنير بارىسىندا قۇران باعىشتالىپ, مارقۇم ازاماتتاردىڭ رۋحىنا اس بەرٸلدٸ. بۇل يگٸ شارا ەلدٸك پەن ەرلٸككە, دوستىق پەن قۇرمەتكە باستايتىن ٸزگٸ دەستٷرگە اينالدى.
