فوتو: © Sputnik / دەنيس ابراموۆ
سپورت سالاسىنداعى دەسترۋكتيۆتٸ دٸني يدەولوگييانىڭ تارالۋىنا جول بەرمەۋگە باعىتتالعان جول كارتاسىنىڭ جوباسى ەزٸرلەندٸ. بۇل تۋرالى مەجٸلٸس دەپۋتاتتارىنىڭ ساۋالىنا پرەمەر-مينيستردٸڭ ورىنباسارى تامارا دٷيسەنوۆانىڭ جاۋابىندا ايتىلعان, دەپ حابارلايدى Kazinform اگەنتتٸگٸ.
«قازٸرگٸ تاڭدا ۋەكٸلەتتٸ ورگان قۇقىق قورعاۋ جەنە ارنايى ورگاندارمەن بٸرلەسٸپ, وسى سالادا (تەرٸس اعىم جەتەگٸندەگٸ ادامدارمەن جۇمىستى كٷشەيتۋ) جٷيەلٸ جۇمىستار جٷرگٸزٸپ جاتىر. بۇل رەتتە, دەسترۋكتيۆتٸ دٸني يدەولوگييانىڭ حالىق اراسىندا تارالۋىنا جول بەرمەۋ جٶنٸندەگٸ 2023-2024 جىلدارعا ارنالعان ٸس-شارالار جوسپارى ەزٸرلەنٸپ, ٸسكە اسىرىلۋدا. ٸشكٸ ٸستەر مينيسترلٸگٸ, ۇلتتىق قاۋٸپسٸزدٸك كوميتەتٸ, باس پروكۋراتۋرا جەنە باسقا دا مەملەكەتتٸك ورگاندارمەن 2023-2025 جىلدارعا ارنالعان سپورت سالاسىنداعى دەسترۋكتيۆتٸ دٸني يدەولوگييانىڭ تارالۋىنا جول بەرمەۋگە باعىتتالعان جول كارتاسىنىڭ جوباسى ەزٸرلەندٸ», - دەدٸ ٷكٸمەت باسشىسىنىڭ ورىنباسارى جاۋابىندا.
ونىڭ اتاپ ٶتۋٸنشە, ينتەرنەت جەلٸسٸندە اقپاراتتىق-پروفيلاكتيكالىق جەنە قارسى ناسيحات جۇمىستارىن ۇيىمداستىرۋ ماقساتىندا ەدٸستەمەلٸك ۇسىنىم ەزٸرلەنٸپ, ٶڭٸرلەرگە جٸبەرٸلدٸ.
«عىلىم جەنە جوعارى بٸلٸم مينيسترلٸگٸ جوعارى وقۋ ورىندارىندا تەولوگمامانداردى دايارلاۋدى جٷزەگە اسىرىپ كەلەدٸ. سونداي-اق «نۇر-مۋباراك» يسلام مەدەنيەتٸ ۋنيۆەرسيتەتٸ جانىندا جىل سايىن تەولوگتاردىڭ بٸلٸكتٸلٸگٸن ارتتىرۋ كۋرستارى ۇيىمداستىرىلۋدا. وسى تۇرعىدا كەسٸبي مامانداردى دايارلاۋ, تەولوگتاردىڭ بٸلٸكتٸلٸگٸن ارتتىرۋ, ولارعا قويىلاتىن تالاپتاردى بٸرٸزدەندٸرۋ قولعا الىنادى. قازٸرگٸ ۋاقىتتا دٸن سالاسىنداعى بٸلٸم بەرۋ بويىنشا نەگٸزگٸ قۇجات – 14 ماماندىقتان تۇراتىن «دٸني قىزمەت سالاسىنداعى كەسٸبي ستاندارت» ەزٸرلەنۋدە. جاڭا ستاندارت دٸن سالاسىنداعى مامانداردىڭ بٸلٸكتٸلٸگٸن ارتتىرادى جەنە ٷزدٸكسٸز كەسٸبي دامۋعا مٷمكٸندٸك بەرەدٸ. سونىمەن قاتار, ٷكٸمەتتە دٸن مەسەلەسٸ بويىنشا ٶڭٸرلەردەگٸ تەولوگ ماماندار مەن قۇزىرلى ورگانداردىڭ قاتىسۋىمەن كەزدەسۋ ٶتتٸ. سولاردىڭ ۇسىنىستارى نەگٸزٸندە ەزٸرلەنگەن جول كارتاسىنىڭ جوباسى قوسىمشا پىسىقتالۋدا», - دەدٸ تامارا دٷيسەنوۆا.
