قر مەملەكەتتٸك حاتشىسى قىرىمبەك كٶشەرباەۆ ەلٸمٸزدٸڭ سپورت سالاسىنا كەزەك كٷتتٸرمەس رەفورمانىڭ قاجەتتٸگٸن العا تارتتى, دەپ حابارلايدى قازاقپارات.
«قر پرەزيدەنتٸ قاسىم-جومارت توقاەۆ سٸزدەردٸڭ ەل الدىنداعى ەڭبەكتەرٸڭٸز بەن وليمپياداداعى جەتٸستٸكتەرٸڭٸزدٸ ەسكەرٸپ, مەملەكەتتٸك ناگرادالارمەن ماراپاتتاۋ تۋرالى جارلىق قابىلدادى. بۇل ەڭبەكتٸڭ ەلەنگەنٸ, تٶگٸلگەن تەردٸڭ ٶتەۋٸ دەپ بٸلەمٸز. ماراپاتتارىڭىز قۇتتى بولسىن! وسى ورايدا بٸر مەسەلەنٸ ايتپاي كەتۋگە بولمايدى دەپ ويلايمىن, توكيو وليمپياداسى ەلٸمٸزدەگٸ سپورت سالاسىنىڭ شىنايى بەت-بەينەسٸن اشىپ, ونداعى احۋالدىڭ قانداي ەكەنٸن اشىق كٶرسەتتٸ. سپورت سالاسىنا شۇعىل رەفورما قاجەتتٸگٸ كٶرٸنٸپ تۇر. بٸردە-بٸر سپورتشىنىڭ التىن نەمەسە كٷمٸس جٷلدەگە قول جەتكٸزە الماۋى بۇرىن-سوڭدى بولماعان جاعداي. جالپى كوماندالىق ەسەپتە 83 ورىندى مٸسە تۇتۋ بٸزدٸڭ ەلٸمٸز ٷشٸن ەرينە سىن», - دەدٸ قىرىمبەك كٶشەرباەۆ.
ونىڭ ايتۋىنشا, توكيو وليمپياداسىنا قاتىستى جانكٷيەرلەردٸڭ سىن-ەسكەرتپەلەرٸ مەن حالىقتىڭ تالابى ورىندى.
«سوندىقتان توكيو وليمپياداسىنان ساباق الىپ, قورىتىندى شىعارۋىمىز قاجەت. مەملەكەت باسشىسى قاسىم-جومارت توقاەۆ ۇلتتىق قۇرامانىڭ بۇل كٶرسەتكٸشٸ قازاقستاننىڭ سپورتتىق ەلەۋەتٸنە جەنە مەملەكەت تاراپىنان سپورتتى دامىتۋعا بٶلٸنٸپ وتىرعان مول قاراجاتقا سەيكەس كەلمەيدٸ دەپ ناقتى ايتتى. مەملەكەت سپورتتى ٶركەندەتۋ ٷشٸن, سپورتشىلارىمىزدىڭ ەلەمدٸك ارەنادا قازاقستاننىڭ نامىسىن ابىرويمەن قورعاۋى ٷشٸن بار جاعدايدى جاساپ وتىر, قارجى ۋاقىتىلى بٶلٸنەدٸ, وقۋ-جاتتىعۋ جيىندارى دەر كەزٸندە ۇيىمداستىرىلادى. ۇلتتىق قۇراما مٷشەلەرٸنٸڭ ماتەريالدىق تۇرعىدان تاپشىلىق كٶرگەن كەزٸ جوق. سپورتتىق ينفراقۇرىلىم جىل سايىن جاڭارىپ كەلەدٸ, دەگەنمەن نەتيجە ەلٸ تٶمەن», - دەدٸ ق. كٶشەرباەۆ.
بۇعان دەيٸن حابارلاعانىمىزداي, قر مەملەكەتتٸك حاتشىسى توكيو-2020 وليمپياداسىنىڭ جەڭٸمپازدارىن جەڭٸسٸمەن قۇتتىقتاپ, قر پرەزيدەنتٸ قاسىم-جومارت توقاەۆتىڭ اتىنان بٸرقاتار مەملەكەتتٸك ناگرادالاردى تابىس ەتتٸ.
