تۇڭعىش پرەزيدەنت كٷنٸ قارساڭىندا ەلباسىمىزدىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ «تۋعان جەر» باعدارلاماسى اياسىندا سوزاق اۋدانىنىڭ ورتالىعىنداعى «مىڭجىلقى» مەدەنيەت سارايىندا «تەربەتٸلگەن تەرٸسكەيدٸڭ قۇشاعىندا» اتتى مەرەكەلٸك شارا ٶتتٸ, دەپ حابارلايدى ۇلت.كز تٸلشٸسٸ.
مەرەكەلٸك شارانىڭ باستى كەيٸپكەرلەرٸ - الماتى قالاسىنداعى قازاق ۇلتتىق پەداگوگيكالىق ۋنيۆەرسيتەتٸنٸڭ اباي عىلىمي زەرتتەۋ ينستيتۋتىنىڭ ديرەكتورى, ابايتانۋشى عالىم جابال شويىنبەتوۆ پەن وڭتٷستٸك قازاقستان پەداگوگيكالىق ۋنيۆەرسيتەتٸنٸڭ فيلولوگييا فاكۋلتەتٸنٸنڭ دەكانى, فيلولوگييا عىلىمدارىنىڭ كانديداتى, دوتسەنت, قازاقتان جۋرناليستەر وداعىنىڭ مٷشەسٸ ناريمان نۇرپەيٸسوۆتٸڭ اۋدان جۇرتشىلىعىمەن كەزدەسۋٸ ٶتتٸ.
«رۋحاني جاڭعىرۋ» باعدارلاماسى اياسىندا تۋعان ٶلكەسٸنە ات باسىن تٸرەگەن عالىمدار رۋحاني جاڭعىرۋ, لاتىن ەلٸپبيٸ, تۋعان جەر تاريحى, ونىڭ داڭقتى پەرزەنتتەرٸ حاقىندا ٶزدەرٸنٸڭ ەستٸپ بٸلگەن ەستٸ پٸكٸرلەرٸن تەرەڭ تولعانىسپەن ەڭگٸمەلەپ بەردٸ. مەدەنيەت سارايىندا ٶتكەن شاراعا قاتىسۋشىلاردىڭ دەنٸ جاستار بولعاندىقتان, تۋعان تٸل, جەر مەن ەل تاريحى جايلى ايتقان عالىمداردىڭ ويلى ەڭگٸمەلەرٸ ولارعا مول عيبرات بەرگەندەي بولدى.
مەرەكەلٸك شارانى اۋدان ەكٸمٸنٸڭ ورىنباسارى باعدات ايداربەكوۆ اشىپ, كەلگەن قوناقتار مەن اۋدان جۇرتشىلىعىن 1 جەلتوقسان - تۇڭعىش پرەزيدەنت كٷنٸمەن قۇتتىقتاپ, ارنايى كەلگەن قوناقتاردىڭ يىعىنا شاپان جاۋىپ, عيبراتتى قوناقجايلىق تانىتتى.
سونىمەن قاتار, اۋداندىق «مىڭجىلقى» مەدەنيەت ٷيٸنٸڭ كٶركەمٶنەرپازدارىنىڭ شاعىن كونتسەرتتٸك باعدارلاماسى كٶپشٸلٸك نازارىنا ۇسىنىلدى. شارادا قۇلىنشاق كەمەلۇلى اتىنداعى شىعارماشىلىق بٸرلەستٸكتٸڭ تٶراعاسى, اقىن مىڭجاسار اسقاروۆ, اقىن بايدٸلدا ايداربەكوۆ قۇتتىقتاۋ تٸلەكتەرٸن بٸلدٸردٸ.
مەرەكەلٸك شارانىڭ سوڭىندا كەش يەلەرٸ عالىمدار جابال شويىنبەتوۆ پەن ناريمان نۇرپەيٸسوۆتەر وسىناۋ يگٸ شارانى ۇيىمداستىرىپ, كٷتٸپ الىپ, زور قۇرمەت كٶرسەتٸپ جاتقان اۋدان باسشىلىعىنا, شاراعا بەلسەندٸ تٷردە قاتىسىپ وتىرعان اۋدان تۇرعىندارىنا شىنايى ٸزگٸ تٸلەگٸن بٸلدٸرٸپ العىستارىن ايتتى.
- بٸز ٷشٸن كەشەگٸ تاريح جىلناماسىندا «سوزاققا بارساڭ, كٷيشٸمٸن دەمە!» دەپ مول انىقتاۋىش بەرٸپ كەتكەن مۇحتار ەۋەزۆتٸڭ تٸلٸمەن ايتقاندا سوزاقتىڭ ٶزٸن "ۇلتتىق كود" دەپ ايتساق بولادى. مۇندا قانشاما قاستەرلٸ ورىندار, كيەلٸ جەرلەر, تاريحي ەسكەرتكٸشتەر, ەۋليە-ەمبيەلەر جاتىر. بۇل تاريحي عيبراتتاردى بويعا سٸڭٸرە بٸلسەك, ونىڭ ٶزٸ بٸز ٷشٸن ۇلتتىق رۋحاني ازىق ەكەنٸ داۋسىز, - دەدٸ عالىم ناريمان نۇرپەيٸس.
